ءتىلشىنىڭ 4 – ايدىڭ 2 – كۇنى شيزاڭ الي رايوندىق ورمان شارۋاشىلىعى جانە جايىلىم مەكەمەسىنەن ۇعىسۋىنشا، بيىل 10 – ايدا اتالعان مەكەمە بىرەۋدىڭ مالىمدەۋىن تاپسىرىپ العان، مالىمدەۋگە قاراعاندا، ءبىر جىگىت اۆتوموبيلمەن قورىق رايونىنان زاڭسىز كەسىپ ءوتىپ، مەملەكەتتىك 1 – دارەجەلى قورعالاتىن حايۋانات — شيزاڭ قۇلانىن قۋالاعان ءارى ونى كەسكىنگە ءتۇسىرىپ، الەۋمەتتىك جەلىلەردە جاريالاعان.
ەڭ سوڭىندا، بۇل جىگىتكە الي ايماقتىق ورمان شارۋاشىلىعى جانە جايىلىم مەكەمەسى زاڭ بويىنشا 4000 يۋان حالىق اقشاسىندىق ايىپ سالعان ءارى وعان كەشىرىم سۇراعان كەسكىنىن جاريالاتقان.
كەسكىندەگى قاتىستى دەرەكتەرگە ساي، شيزاڭ الي ايماقتىق ورمان شارۋاشىلىعى جانە جايىلىم مەكەمەسى مەن شيزاڭ الي ايماقتىق قوعام حاۋىپسىزدىگى باسقارماسىنىڭ ورمان بولىمشە اترەتى كەسكىندى تارتۋشى ۋ X ەكەنىن ءارى ونىڭ سىچۋان ولكەسىنىڭ چىڭدۋ قالاسىندا ەكەنىن تۇراقتاندىرعان. 10 – ايدىڭ 22 – كۇنى جەرگىلىكتى زاڭ اتقارۋ تاراۋلارىنىڭ سايكەسۋىندە، ۋ X تى شاقىرتقان ءارى تەكسەرۋ جۇرگىزگەن.
تەكسەرۋگە قاراعاندا، بيىل 3 – ايدا ۋ X الي ايماعىندا اۆتوموبيلمەن ساياحاتتاپ جۇرگەن كەزدە چياڭتاڭ مەملەكەتتىك جاراتىلىستىق قورىق رايونىنا ءوز بەتىمەن كىرگەن ءارى جولدان شىعىپ، شيزاڭ قۇلانىن قۋالاعان. 10 – ايدا ۋ X بۇل كەسكىندى ءوزىنىڭ الەۋمەتتىك جەلىدەگى تىركەلگىسىندە جاريالاعان.
ۋ X ءوزىنىڭ زاڭعا قايشى ارەكەت وتكىزگەنىن مويىنداعان ءارى وكىنىش بىلدىرگەن. ەڭ سوڭىندا، شيزاڭ الي ايماقتىق ورمان شارۋاشىلىعى جانە جايىلىم مەكەمەسى زاڭ بويىنشا ۋ X كە 4000 يۋان اقشالاي ايىپ سالعان ءارى ونى سىنداعان، وعان تاربيە بەرگەن.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
