شينجياڭدا موتورلى كولىكتەردىڭ ەلەكتروندىق قاتىناۋ كۋالىگىن ىسكە قوسۋ ۋاقىتىن وسى حاباردان كورىڭىزدەر
تاياۋدا رەفورمانىڭ تيىمدىلىك جاساۋ كولەمىن اناعۇرلىم كەڭەيتۋ ءۇشىن، قوعام حاۋىپسىزدىگى مينيسترلىگى 11 - ايدىڭ 4 - كۇنىنەن 12 - ايدىڭ 2 - كۇنىنە دەيىن بۇكىل ەل كولەمىندە 3 توپقا ءبولىپ، موتورلى كولىكتەردىڭ قاتىناۋ كۋالىگىن ەلەكترونداندىرۋدى جاپپاي جالپىلاستىرىپ، ءىس ءبىتىرۋ رەسميات ماتەريالدارىن اناعۇرلىم ىقشامداپ، كۋالىكتەردى پايدالانۋدىڭ قولايلىلىعىن جوعارىلاتىپ، بۇقارانىڭ ءىس بىتىرۋىنە، ءجۇرىس - تۇرىسىنا اناعۇرلىم قولايلىق جاساۋدى ورنالاستىردى.
قوعام حاۋىپسىزدىگى مينيسترلىگىنىڭ ءبىرتۇتاس ورنالاستىرۋىنا ساي، سانجى حۇيزۋ اۆتونوميالى وبلىسى، شىحىزى قالاسى، بۇراتالا موڭعۇل اۆتونوميالى وبلىسى، ىلە قازاق اۆتونوميالى وبلىسى 11 – ايدىڭ 4 – كۇنىنەن باستاپ جالپىلاستىرىپ، پايدالانۋعا بەرەدى، التاي ايماعى، قارامايلى قالاسى، تۇرپان قالاسى، قۇمىل قالاسى، بايىنعولىن موڭعۇل اۆتونوميالى وبلىسى 11 ـ ايدىڭ 18 ـ كۇنى جالپىلاستىرىپ، پايدالانۋعا بەرەدى، اقسۋ ايماعى، قىزىلسۋ قىرعىز اۆتونوميالى وبلىسى، قاشقار ايماعى، حوتان ايماعى 12 ـ ايدىڭ 2 ـ كۇنىنەن باستاپ جالپىلاستىرىپ، پايدالانۋعا بەرەدى، كولىك يەسىنىڭ ۋاقىت ورنالاستىرۋىنا ساي، ”قاتىناس باسقارۋ 12123“ APPارقىلى ەلەكتروندىق قاتىناۋ كۋالىگىن الۋىنا بولادى. وسىدان بۇرىن ەلەكتروندىق قاتىناۋ كۋالىگى 7 ـ ايدىڭ 1 ـ كۇنى ءۇرىمجى قالاسىندا، تارباعاتاي ايماعىندا سىناق رەتىندە ىسكە قوسىلعان بولاتىن.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: مانەپ ەربول ۇلى
دايىنداعان: مانەپ ەربول ۇلى
كەلۋ قاينارى: حالىق تورابى
