باركول داحى اۋەجايىنىڭ قۇرىلىسىندا جاڭا ىلگەرىلەۋشىلىك بولدى.
ءتىلشى 11 – ايدىڭ 5 – كۇنى باركولدەگى حالىقتىق اۆياتسيا قۇرىلىسىنىڭ جۇمىس ورنىنداعى جۇمىسشىلاردىڭ اۋەجاي عيماراتى ىشىندە جوبالاۋ جۇمىسىن ورىستەتىپ جاتقانىن كورگەن. قازىر اۋەجاي قۇرىلىسى مەن ءتۇرلى سايكەستى دارا نەگىزگى قۇرىلعىلارىنىڭ قۇرىلىسى ورىندالىپ بولىپ، بولمە ىشىندەگى ۇقىپتاپ اشەكەيلەۋ كەزەڭىنە وتكەن، باركول حالىقتىق اۋەجايىنىڭ قۇرىلىسى 2023 – جىلى 3 - ايدا باستالعاننان بەرى، قۇرىلىسقا قاتىناسقان ورىندار بوراندى اۋا رايى قاتارلى ءتيىمسىز فاكتورلاردى بەلسەندىلىكپەن جەڭىپ، قۇرىلىس جوسپارى بويىنشا جۇمىستى قاتاڭ تارتىپپەن ورىستەتكەن.
باركول حالىقتىق اۋەجايى ەل ىشىندەگى حالىقتىق تارماق جەلى اۋەجايى نىسانى بولىپ بەلگىلەنگەن. نىسانعا قوسىلعان جالپى قارجى 712 ميلليون يۋان، ۇشۋ رايونىنىڭ دارەجەسى 4C بولادى، ۇزىندىعى 3000 مەتر، كەڭدىگى 45 مەترلىك سىرعىما جولدان بىرەۋى، 4000 شارشى مەترلىك اۋەجاي قۇرىلىسى مەن 5 ۇشاق ورنى، سايكەستى اۋە ىستەرىن باسقارۋ، جانارمايمەن قامداۋ، ەلەكترمەن قامداۋ، سۋمەن قامداۋ، ءورت ءوشىرۋ جانە قۇتقارۋ – كومەكتەسۋ قاتارلى قۇرىلعىلار سالىنادى.
اۋەجاي باركول قازاق اۆتونوميالى اۋدانىنىڭ داحى قالاشىعىنا ورنالاسقان، وسى مەرزىمدىك ينجەنەريا جىلدىق جولاۋشى قابىلداۋ – جونەلتۋ مولشەرى 300 مىڭ ادامدىق (رەت)، جۇك قابىلداۋ – جونەلتۋ مولشەرى 700 توننالىق نىساندى قاناعاتتاندىرۋ تالابىنا ساي جوبالانعان، حالىقتىق جانە اسكەري ىستەردى بىردەي دامىتۋ ويلاستىرىلعان، جۇڭگو حالىقتىق اۆياتسيا مەكەمەسىنىڭ بەكىتۋى بويىنشا باركول داحى اۋەجايى دەگەن ات قويىلعان.
وسىنىڭ الدىنداعى حابارعا قاراعاندا، باركول حالىقتىق اۋەجايىنىڭ قۇرىلىسى جوسپار بويىنشا بيىل جىل سوڭىنان بۇرىن سالىنىپ بولىپ، تەكسەرۋدەن وتكىزىلەدى. 2025 – جىلى 1 – ايدا ۇشىرۋ ارقىلى تەكسەرىپ وتكىزىپ الۋ جۇمىسى ورىندالادى، 3 – ايدا سىناق رەتىندە ۇشىرۋ ورىستەتىلەدى.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
