ادامنىڭ سىرت بەينەسى الدامشى شىنايى ۋاقيعا
وي سالارلىق عيبىراتتى اڭگىمەمىز- يسپانياداعى ءىرى رەستوراندار جۇيەسىنىڭ يەسى- دون مونتەرو ەسىمدى جۇرەكتى كاسىپكەرگە ارنالادى. ول جاعدايىن جاساپ، ابدەن بايىعان سوڭ جاعدايى تومەن، مۇقتاج وتباسىلارعا كومەك بەرۋدى ماقسات ەتەدى. ءبىر كۇنى جاعدايى جوق جانداردىڭ جانىن ءتۇسىنۋ ءۇشىن ءوزى قايىرشى كەيپىنە ەنىپ قالا ارالاۋعا شىعادى.
الدىمەن، وسى كەيپىندە ءوز مەيرامحانالارىنا كىرمەك بولادى. نە بولادى دەيسىز عوي؟ءوزى جۇمىسقا العان مەيرامحانا باسقارۋشىسى قايىرشى سياقتى كيىنگەن مونتەروعا دەرەۋ مەيرامحانادان شىعۋىن بۇيىرادى. ال بۇل قارنى اش ەكەنىن، كوپ ۋاقىتتان بەرى تاماق جەمەگەنىن ايتىپ جالىنادى.
- باستى قاتىرماي، شىق! الدىمەن جۋىنىپ كەل، كيىمىڭدى اۋىستىر، سوسىن كەلىپ باسقالاردىڭ تاماق جەگەنىنە قاراساڭ بولادى… بۇل ەليتالىق رەستوران، سەن سياقتى بيشارالارعا كىرۋگە رۇقسات جوق، - دەپ ءوز باستىعىن قۋىپ شىعادى.
ماسساعااان… مونتەرو مۇندايدى كۇتپەدى! باسقا قىزمەتكەرلەرىنە ۇمىتپەن قارادى. جوق… ولار دا ادمين حانىمنىڭ ءسوزىن سويلەپ الەك… ءبارى ءبىز اۋىزدان: شىق!، - دەپ ءتىل قاتادى.
سودان مونتەرو ەكىنشى مەيرامحاناسىنا بەت بۇرادى. ءوزى جۇمىسقا العان، قاسىندا ۇنەمى ۇندەمەي جۇرگەن مومىن اسپاز: « ەگەر قارنىڭ اش بولسا، مەيرامحانانىڭ ارتقى جاعىنا بارىپ، كەشەدەن قالعان تاماقتاردى ال، سول جەردەن قارنىڭدى تويدىر. بۇل سەنىڭ ومىرىڭدەگى جەگەڭ ەڭ جاقسى تاماق بولۋى مۇمكىن، حا-حا!»، - دەيدى كەكەتىپ…
وسى ساتتە مونتەرو ءۇشىن اسپان اينالىپ، جەرگە تۇسكەندەي كۇي كەشەدى.
سوسىن ول ەڭ العاش اشقان ورتالىعىنا بارادى. بۇل مەيرامحاناعا سەنىمدى ءارى ادال سەرىگى، ءارى كومەكشىسى توماستى وتىرعىزىپ قويعاندى. توماس مەيرامحانا اشىلعاننان بەرى ەڭ سەنىمدى دوسى، وڭ قولى ەدى.
ول توماستىڭ قاسىنا جاقىنداپ، « مەنىڭ قارنىم اشىپ تۇر، الاقانداي بولسا دا تاماق بەرەسىز بە؟» - دەيدى جالىنىپ توماس: ……
اڭگىمەنىڭ جالعاسىن استىڭعى 阅读原文دەگەن جازۋدى باسىپ وقىڭىز
