باسقا تەكشەلەردىڭ كوشىرۋىنە بولمايدى! كوشىرسەڭىز رەنجىمەڭىز
اجالدىڭ كەلۋى نەمەسە جولداستىق قاقى
باياعىدا ءبىر جاس جىگىت جولاۋشىلاپ كەلە جاتىپ، الىستان كورىنگەن اتتى كىسىنى قۋىپ جەتىپ، امانداسادى.«اسسالاۋماعاليكۇم، باراتىن باعىتىمىز ءبىر بولسا، اڭگىمەلەسە وتىرىپ جول قىسقارتايىن دەگەنىم ەدى»،- دەيدى. ول ءبىراق ساقالدى ۇلكەن كىسى ەكەن، سالەمىنە جاۋاپ قاتپايدى. جەلكىلداپ جەتىپ كەلگەن ءوزى، ۇلكەن ادامعا ءبىر نارسە دەۋگە ىڭعايسىزدانىپ، ارتىنان ەرىپ جۇرە بەرەدى.
قىر استىنان ءبىر اۋىل شىعادى، اۋىل سىرتىندا بالالار اسىق ويناپ جۇرەدى. ەكەۋى ولارعا جاقىنداپ كەلگەندە، ويىن بالالارى اسىققا تالاسىپ، ۇلكەندەۋ بىرەۋى ءبىر كىشكەنتاي بالانى ۇرىپ ءولتىرىپ قويادى. اۋىلداعىلار جان-جاقتان جۇگىرىسىپ، قىم-قيعاش باستالادى. ولگەن بالانىڭ شەشەسى ولتىرگەن بالانى ۇرىپ، ول بالادا ءولىپ قالادى. ونىڭ اكەسى كەلىپ، الگى قاتىندى قاراقۇستان قونجيتىپ، ول ءتىل تارتپاي كەتەدى. بەيمالىم جولاۋشى وسىنىڭ ءبارىن سىرتتاي باقىلاپ تۇرادى. ول ءۇنسىز تۇرعاسىن، ونىڭ قاسىنداعى بالادا تۇرا بەرەدى. سوسىن ءارى قاراي ءجۇرىپ كەتەدى. جىگىت شىداماي شالعان ءتىل قاتادى:
-اتا، اياقاستى ءۇش ادامنىڭ ولىمىنە كۋا بولدىق. نە ءوزىڭىز باسۋ ايتپادىڭىز، نە ماعان اراشا ءتۇس دەمەدىڭىز، مۇنىڭىز قالاي؟- دەيدى.
-ولار وسىلاي ولۋگە ءتيىس بولاتىن،-دەپ جاۋاپ قاتادى شال.
- كىمنىڭ قالاي ولەتىنىن ءسىز قايدان بىلەسىز؟ -دەيدى جىگىت تاڭعالىپ.
-مەن- ازىرەيىلىمىن. جاڭاعىلاردىڭ جانىن العان دا مەن!
جىگىتتىڭ بويىن ۇرەي بيلەسەدە، ءبىرازدان سوڭ ءوز- وزىنە كەلىپ:
-اتا، ايتىڭىزشى مەن قاشان ولەمىن؟
- دەپ سۇرايدى.
سەن ۇيلەنىپ، سول كۇنى توسەگىڭە جاتار الدىندا ولەسىڭ!
مىنا ءسوز جىگىتكە اۋىر تيەدى. زارەسىن العان سول سوزدەن ۇيلەنۋ جايىن مۇلدەم ويلامايدى. بىراق، اتا- اناسى دا ۇيلەن دەپ قويمايدى. «سول شال شىنىمەن ازىرەيىل مە، جوقپا، بالكىم، جاي جۇرگەن بىرەۋ شىعار» دەپ جىگىت كۇندە ءوزىن وسىنداي ويىمەن جۇباتىپ، اقىرىندا سول ءبىر وقيعا تۋرالى ۇمىتا باستايدى. كوڭىلى جاي تاۋىپ، اتا- اناسىنىڭ قۇدا تۇسكەن قىزىنا ۇيلەنەدى.
توي وتەدى، كەشكى تاماق ىشىلەدى، جاتار مەزگىلى جاقىندايدى. سول كەزدە سىرتتان جىگىتتىڭ اتىن اتاپ، ءبىر كىسى داۋىستايدى. اڭگىمەنىڭ جالعاسىن استىڭعى 阅读原文دەگەن جازۋدى باسىپ وقىڭىز
