بىرەۋدىڭ جان جاراسىن تىرناماڭىز ماعانالى اڭگىمە
اۋىر ەمنەن كەيىن انالىق تۇتىكشەلەرىن وتامەن الدىرىپ كەلىپ، ەڭسەسىن ءالى كوتەرمەگەن، بالا سۇيسەم دەگەن جالعىز ارمانى سولعان، جولداسىنىڭ ۋاقىتشا باسۋىنا ءوزىن الداپ وتىرعان 34 تەگى جاس ايەلگە قۇربىسى كۇلىمدەي:
- ءاي،سەن ۋاقىتتى وتكىزىپ جۇرە بەرمەي،بالا تۋىپ الساڭشى. مىنە، مەندە ەندىگى 3 قارادومالاق بار، بالا دەگەن باقىت قوي! جۇمىس دەپ بالا تۋۋدىڭ ۋاقىتىن وتكىزىپ الما! - دەپ " اقىلىن" ايتتى.
سول ءتۇنى جاس ايەلدىڭ سۋىق دەنەسىن تۋىستارى قورانىڭ بەل اعاشىندا موينىنان اسىلىپ تۇرعان جەرىنەن تاۋىپ الدى.التاي 42 گە كەلسە دە، وتباسىن قۇرا الماي ءجۇردى سەبەبى بالالىق شاعىندا اتا- اناسىنىڭ سالعىرتتىعى سالدارىنان ەركەكتىڭ "مۇمكىندىگىنەن" ايىرىلعان ەدى. جانىن اۋىرتقان كەسەلدى وزگە تۇرماق، اتا- اناسىنا ايتۋعا قورسىناتىن. بار ەسەسىن جۇمىستان الىپ، كۇندىز- ءتۇنى تىنىم تاپپايتىن. ءبىر ۇزىلىستە ارىپتەسى قارقىلداي كۇلىپ:
- سەن ابدەن " سۇرلەنىپ" ءبىتتىڭ، ەندى ءوزىمىز قىزدى ۇيىڭە اپارىپ بەرمەسەك، ۇيلەنبەيتىن ءتۇرىڭ بار. ەرتەڭ كەشكە قالىڭدىعىڭ اق ورامالمەن سەنى ۇيىڭدە كۇتەدى! - دەدى.
جۇمىستان كەيىن التايدىڭ جول - كولىك اپاتىنا قازا بولعانى تۋرالى سۋىق حابار جەتتى!
مەيرامدى ءبارى جاقسى كورەدى. مەيرام دەسە، مەيرام. سىڭعىرلاعان جەز كۇلكىسى ەرەكشە باۋراپ الاتىن. اينالاسىنا سىيلى. بالالىق شاعىندا كورشىسى زورلاپ، پسىيحولوگيالىق جاراقات الىپ، سودان بەرى ەر ادامداردان قورقىپ قالعان. سول وقيعا كەزىندە زورلىقشىل ەركەكتەن قاشامىن دەپ، ءسۇرىنىپ قۇلاپ، ماڭدايىن اينەككە سوعىپ الىپ، ونىسى وتادان كەيىن ۇلكەن تىرتىققا اينالعان. تىرتىعىن كەكىلمەن كولەگەيلەپ جاۋىپ قويادى،سوندا دا كەيدە ونىسى كورىنىپ قالادى. الدەكىم تىرتىعى تۋرالى اڭگىمە قوزعاسا بولدى، باياعى زورلاۋ وقيعاسى ەسىنە ءتۇسىپ، قاتتى قينالاتىن. تىرتىعىن پلاستيكالىق وتامەن تۇزەتۋگە اقشاسى جەتپەي ءجۇر. اناسى اۋرۋ، اكەسى 5 جاسىندا دۇنيە سالعان. ۇيىندە ءۇش باۋىرى بار. كوپتەن بەرگى ىشكى ارمانى- سول تىرتىقتى تەگىستەتۋ. ەگەر تىرتىق كەتسە، الگى ءوزىن زورلاعان زورلىقشىل ءومىر بويىنا جادىنان وشەتىن سياقتى كورىنەتىن.ادەتتەگىدەي ويناپ- كۇلىپ جۇمىسىن ىستەپ وتىرعان. قاسىنا كەربەز ارىپتەس جىگىت جايعاستى دا:
- و، ماڭدايىڭداعى نە تىرتىق؟
كىممەن سوعىسىپ ءجۇرسىڭ؟ مىنا تىرتىق ءوڭىڭدى قۇرتىپ تۇر، جامان كورىنەدى ەكەن، - دەدى.
وسى اڭگىمەدەن كەيىن مەيرام . . . . . . . . .
اڭگىمەنىڭ جالعاسىن استىڭعى 阅读原文دەگەن جازۋدى باسىپ وقىڭىز
