اسكەردە جۇرگەندى تاستاپ كەتكەن ماحابباتىما حات! قىزىقتى مازمۇن
ميرا قالايسىڭ؟امانسىڭ با؟سەنى ماعان حات جازادى دەپ تىپتەن ويلاماپپىن. سوڭعى حاتىڭدى مەن اسكەردە جۇرگەندە جازعانسىڭ.
وندا دا كەشىر ەدىل! مەن ءوز باقىتىمدى تاپتىم.ارىستانداي ايباتتى الماس دەگەن جىگىتتىڭ ەتەگىنەن ۇستادىم. سەن دە ءوز باقىتىڭدى تاپ. ماعان رەنجىمە دەپ قىسقا قايىرىپسىڭ.
قاراۋىلدا تۇرعانمىن. اۆتوماتىممەن اتىلىپ ولگىم كەلدى. سەبەبى مەن سەنى شن سۇيەتىن ەدىم.ءبىراق سەن ونى باعالامادىڭ. سەن ءۇشىن ولمەگەنىم دە جاقسى بولعان ەكەن. ولسەم بۇل كۇندەرگە جەتە الماس ەدىم.
اسكەردەگى سوڭعى التى ايىم قۇسالىقپەن ءوتتى. اۋىلدان كەلگەن اڭعال بالانىڭ سەن ءبىرىنشى كۋرسىنداعى العاشقى ماحابباتى ەدىڭ ميرا.ايلى ءتۇن استىندا قول ۇستاسىپ قىدىرعان ساتتەردى،اق قايىڭنىڭ استىندا قىپ- قىزىل ەرىندەرىڭدى تىستەپ ءسۇيىپ، پىسكەن شيەدەي تومپايتقان تۇستاردى قالاي بىردەن ۇمىتارسىڭ.
اسكەردەن كەلگەن سوڭ سىرتىڭنان ءبىر رەت كۇيەۋىڭمەن بىرگە كورىپ قالدىم.العاشقى ءسابيىڭدى بوسانۋعا اي كۇنىڭ جاقىنداپ قالعان كەز- اۋ، الماستىڭ اق ماشيناسىنىڭ الدىندا جايراڭداپ كەتىپ بارا جاتتىڭ. اق تاكسيىم بولماعانىنا سول كەزدە ىشتەي قاتتى كۇيىندىم.
سول تۇستان باستاپ ءوز- ءوزىمدى قولعا الدىم. ءبىر تاڭىردەن باسقا مەنىڭ سەنەتىن، تابان تىرەيتىن ادامىم بولعان جوق. كۇندىز كۇلمەدىم، تۇندە ۇيىقتامادىم ءتۇرت- بەس جۇمىستا قاتار ىستەدىم. ەڭبەكتىڭ المايتىن قامالى، بوزبايتىن قورعانى جوق ەكەنىن ءومىردىڭ ءوزى ۇقتىردى ماعان.
سەن ايتپاقشى،سەنبى كۇنى باقشادا كۇنگە قاراپ كوزىمدى سىعىرايتىپ وتىرسام ءبىر قىز كەلىپ امانداسادى. سالەمەتسىز بە!ءسىز ەدىل اعا ەمەسسىز بە؟ - دەپ. ءيا، مەن سىزبەن تانىسپىن با؟ - دەسەم.
ەسىڭىزدە جوق پا؟ - دەيدى. سىزدەر ينستيۆدەت ءبىتىرىپ جاتقاندا ءبىز ءبىرىنشى كۋرسقا ەندى تۇسكەنبىز.
جاتاقحانانىڭ ەكىنشى قاباتىندا سىزدەردىڭ بولمەلەرىڭىزبەن قاتار تۇرعان 413 بولمەدەگى ءتۇرت قىزدىڭ ءبىرى ايجانمىن عوي - دەيدى.
ساسقاننان ەندى ەسىمە ءتۇستى- دەپپىن. ول كەزدە ولارعا قاراۋعا شاما جوق. جۇرتىڭ ەرىنىن ءىسىرىپ جۇرگەن كەز. ەندى- ەندى،ەمىس- ەمىس ەسىمە ءتۇستى. بۇل ءتۇرت قىز اشتان ولەتىندەي سەنبى جەكسەنبى بىلەكتەرى مايىسىپ الا سۋمكامەن بازاردان تەك جاتاقتارىنا ازىق- تۇلىك تاسيتىن پىسىق، تالدىرماش كەلگەن ادەمى قىزدار ەدى.
ايجان قىز ءتۇرت جىلدا توتى قۇستاي تۇرلەنىپتى. پىسكەن شيەدەي قىپ- قىزىل ەرىندەرىنىڭ ىشىنەن اپپاق مارجان تىستەرى كۇنمەن شاعىلىسادى. جىبەكتەي قولاڭ شاشتارىن ءورىپ قويىپتى. بۇرىمى توبىعىنا تۇسەدى. بوتاداي كوزدەرىنەن بۇلاقتاي مولدىرەگەن يماننىڭ ۇشقىنىن كورەسىڭ. ەكى بەتى الماداي، اياق قولى بالعاداي بولىپ ءوسىپتى.
عاشىق بولماۋ مۇمكىن ەمەس. اراعا التى اي سالىپ ايجانعا ۇيلەندىم. سودان باسىما باق قوندى ميرا. تۇرىپ قالعان ىستەرىم العا باستى. استانانىڭ تورىنەن ات شاپتىرىم التى بولمە ءۇي الدىق.الماستىڭ اق ماشيناسىن ارمانداپ جۇرگەندە، قۇدايىم ماعان سۋ جاڭا اپپاق مەرسەدەس الۋدى ءناسىپ ەتتى. بۇگىندە ءتۇرت ۇلدىڭ اكەسىمىن.
ءتۇرت بالا تۋسادا ايجاننىڭ قارنى شىققان جوق. سۇيەگى اسىل ەكەن سۋلۋىمنىڭ. سول باياعى 46 رازمەر ءالى. تۇڭعىشتارىمىز ەگىز ۇلدىڭ ەكەۋى دە امەريكادا وقيدى. قالاسا وقۋلارىن بيىل بىتىرەدى. قۇدايدان سەن سياقتى ەمەس، ايجانىم سياقتى ادال كەلىن سۇراپ ءجۇرمىن.
ايتپاقشى ايتىسقا قاتىس دەپسىڭ. مەن سول ايتىستىڭ قولداۋشىسىمىن. ال جازعان ليريكالىق ولەڭدەرىمنىڭ بارلىعى جان جارىم ايجانعا ارنالعان. ايەلىمە ارناپ ولەڭ جازۋعا ماعان ەشكىمنىڭ رۇقساتى قاجەتى جوق شىعار- دەپ ويلايمىن.
جۇرەگىمنىڭ جارتىسى،ادال جارىم ايجانمەن . . . . . . .
اڭگىمەنىڭ جالعاسىن استىڭعى 阅读原文دەگەن جازۋدى باسىپ وقىڭىز
