དེ་ཡང་། ཤིང་མོ་སྦྲུལ་ལོའི་ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་ཀྱི་དཔྱིད་གསར་དུས་ཆེན་གྱི་མཉམ་སྤྲོའི་མཚན་ཚོགས་ཀྱི་ཡན་ལག་ཚོགས་ར་དེ་བོད་ལྗོངས་ཀྱི་གནའ་གྲོང་ལྷ་སའི་བརྗིད་ཆགས་ཡིད་དུ་འོང་བའི་ཕོ་བྲང་པོ་ཏ་ལའི་ཐང་ཆེན་དུ་ཐེངས་དང་པོར་འཚོགས་པ་དང་། ས་བབ་མཐོ་ཚད་སྨི3650ཟིན་པའི་ཡན་ལག་ཚོགས་ར་དེ་དཔྱིད་གསར་དུས་ཆེན་མཚན་ཚོགས་ལོ་རྒྱུས་ཐོག་ས་བབ་མཐོ་ཤོས་ཀྱི་ཡན་ལག་ཚོགས་རར་གྱུར་ཡོད།
ལྷ་སའི་ཡན་ལག་ཚོགས་རས་ད་དུང༼ང་དང་བོད་ལྗོངས་འཛོམས་རྒྱུའི་ཁ་ཆད་ཅིག༽ཅེས་པའི་ལེ་ཚན་དུམ་བུ་ཞིག་བཀོད་སྒྲིག་བྱས་ཡོད་ཅིང་། ལེ་ཚན་དེས་དུས་ཐུང་སྐར་ཆ90ཡི་ནང་ནག་ཆུའི་གསའ་ཕུ་གངས་རི་ནས་ཆབ་མདོའི་ལ་སྒོའི་འཁྱགས་རོམ་བར་དང་། མངའ་རིས་ཀྱི་རྩ་མདའི་དྲུ་རི་ནས་ལྷོ་ཁའི་ཡར་འབྲོག་གཡུ་མཚོའི་བར། ཉིང་ཁྲིའི་མེ་ཏོག་གི་སྒོར་སྒོར་ཐང་ནས་གཞིས་རྩེའི་སྐྱིད་གྲོང་རོང་བར། ད་དུང་ལོ་ངོ་སྟོང་གི་གནའ་གྲོང་ལྷ་ས་ནས་གནམ་མཚོ་ཕྱུག་མོའི་བར་བཅས་བོད་ལྗོངས་ཀྱི་ས་ཁུལ་དང་གྲོང་ཁྱེར་བདུན་གྱི་མཐུན་མོང་མ་ཡིན་པའི་རང་བྱུང་མཛེས་ལྗོངས་རྣམས་གཟིགས་མོ་བའི་སྤྱན་ལམ་དུ་བཤམས་ཡོད། འཁྲབ་སྟོན་ནང་ཞུགས་པའི་རོང་འབྲོག་འཁྲབ་སྟོན་པ་ཚོས་ཟོལ་མེད་ཀྱི་འཛུམ་མདངས་དང་ལྷག་བསམ་གྱི་གླུ་གར་ལ་བརྟེན་ནས་འཛམ་གླིང་ཡོངས་ཀྱི་སྐྱེ་བོའི་ཚོགས་ལ་ལོ་གསར་གྱི་སྨོན་འདུན་བཟང་པོ་ཞུས་པ་རེད།
གཞན་ཡང་། ལྷ་སའི་ཡན་ལག་ཚོགས་རའི་གཙོ་སྐྱོང་པ་ཀྲུའུ་ཤུན་དང་སྲི་ཐར་ནོར་བུས་ད་དུང་བོད་ལྗོངས་དིང་རིར་ས་ཡོམ་རིམ་པ6.8བྱུང་རྗེས་ཕྱོགས་གཅིག་ལ་དཀའ་ངལ་འཕྲད་ན་ཕྱོགས་བཞི་མཚམས་བརྒྱད་ནས་རོགས་རམ་བྱེད་པའི་ཀྲུང་ཧྭ་མི་རིགས་ཀྱི་སྲོལ་རྒྱུན་བཟང་པོའི་སྙིང་སྟོབས་དང་ཡོམ་འགོག་གེགས་སེལ་ཐད་ཐོབ་པའི་གྲུབ་འབྲས་ངོ་སྤྲོད་ཀྱིས་དྲང་ནུས་དང་གཅེས་སེམས་བརྒྱུད་སྤྲོད་བྱས་པ་རེད།
ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་བོད་སྐད་རླུང་འཕྲིན།
རྩོམ་སྒྲིག་འགན་ཁུར་བ། དབང་ཆེན་དོན་འགྲུབ།
ལྟ་སྐུལ་བ། གཡང་འབུམ་ཚེ་རིང་།
责编/项吉当知
监制/杨本才让
投稿邮箱/3068276991@qq.com
བརྩམས་དབང་རྩོམ་མཁན་ལ་དབང་། དབང་གནོད་ཡོད་ཚེ་འཕྲལ་མར་ང་ཚོར་འབྲེལ་བ་གནང་རོགས།
版权归原作者所有，如有侵权请立即与我们联系
