شينجياڭدىق بويجەتكەن دۇنيە جۇزىلىك جاستار بوكس جۇلدەلى جارىسىنىڭ اعا جۇلدەگەرلىگىن جەڭىپ الدى
11 ـ ايدىڭ 2 ـ كۇنى، چەرنوگوريا رەسپۋبليكاسىندا وتكىزىلگەن 2024 ـ جىلعى دۇنيە جۇزىلىك جاستار بوكس جۇلدەلى جارىسىنىڭ ايەلدەردىڭ 70 كيلوگرامدىق دارەجەلى جارىسىندا جۇڭگونىڭ شينجياڭىنان كەلگەن بويجەتكەن الميرا ابدىرەيىم اعا جۇلدەگەر بولدى. بۇل جۇڭگو مەملەكەتتىك جاستار كومانداسىنىڭ وسى كەزەكتى جارىستا العان ەكىنشى التىن مەدالى.
بۇل الميرا ابدىرەيىمنىڭ بيىل حالىقارالىق جارىس الاڭىندا ەكىنشى رەت اعا جۇلدەگەر بولۋى. 5 - ايدا وتكىزىلگەن 2024 - جىلعى ازيا جاستار بوكس جۇلدەلى جارىسىندا، ول جۇڭگو كومانداسى اتىنان نولگە قارسى 5 ۇپايمەن ايەلدەر گرۋپپاسىنىڭ 70 كيلوگرامدىق دارەجەسىندە اعا جۇلدەگەر بولعان.
الميرا ابدىرەيىم 2007 - جىلى اقسۋ قالاسىندا تۋعان، 11 جاسىندا اقسۋ ايماقتىق قوعامدىق دەنە تاربيە ورتالىعىنىڭ كاسىپتەن سىرتقى دەنە تاربيە مەكتەبىنە تاڭدالىپ، 2019 - جىلى اقسۋ ايماعى اتىنان اۆتونوميالى رايوندىق جاستار - ورەندەر بوكس جۇلدەلى جارىسىنا قاتىناسىپ التىن مەدال العان، سول جىلى 5 - ايدا ول شينجياڭ دەنە تاربيە كاسىپتىك - تەحنيكالىق شۋەيۋانىنىڭ بوكس كومانداسىنا تاڭدالادى، ول شۋەيۋاننىڭ ارناۋلى جاتتىعۋى مەن جارىسىندا ەرەكشە كوزگە ءتۇسىپ، تەز ارادا بوكس قۇراماسىنداعى بارلىق جاتتىقتىرۋشىلاردىڭ مويىنداۋىنا يە بولادى، 2020 - جىلى شينجياڭ بوكس كومانداسىنا تاڭدالادى.
اۋدارعان: مانەپ ەربول ۇلى
دايىنداعان: مانەپ ەربول ۇلى
كەلۋ قاينارى: حالىق تورابى
