شينحۋا اگەنتتىگىنىڭ ءتىلشىسى گاۋ لەي 11 – ايدىڭ 1 – كۇنى بەيجيڭنەن حابارلايدى. حالىق ىستەرى مينيسترلىگى جۋىردا «تۇراقتى شىعىمدى وتەۋدە قيىنشىلىققا ۇشىراعان وتباسىلاردى تۇراقتاندىرۋ ءادىسىن» باسىپ تاراتىپ، ”كىم تۇراقتاندىرادى، كىمدى تۇراقتاندىرادى“ دەگەن سياقتى ءتۇيىندى ماسەلەلەردى توڭىرەكتەي وتىرىپ، جاۋاپكەرشىلىك ارقالايتىن نەگىزگى تۇلعا، تولىمدىلىق شارتى، باقىلاۋ – باسقارۋ قاتارلى جاقتاردان بەلگىلەمەلەردى ورتاعا قويدى.
تۇراقتى شىعىمدى وتەۋدە قيىنشىلىققا ۇشىراعان وتباسىلار ەڭ تومەنگى تۇرمىس دەڭگەيى قامتاماسىزداندىرىلاتىن وتباسى، ەرەكشە قيىنشىلىعى بار ادام قاتارلى ءداستۇرلى الەۋمەتتىك كومەكتەسۋ وبيەكتىلەرىنەن پارىقتى، ولاردىڭ وتباسى مۇشەلەرىنىڭ بەلگىلى دەڭگەيدە كىرىسى بولادى، الايدا، ەمدەلۋ، وقۋ – اعارتۋ، مۇگەدەك ادامدى ساۋىقتىرۋ قاتارلى جاقتارداعى تۇراقتى شىعىمى ءبىرشاما زور بولعاندىقتان، وتباسىنىڭ نەگىزدىك تۇرمىسىندا شىنايى قيىنشىلىق ورىن تەبەدى. تۇراقتى شىعىمدى وتەۋدە قيىنشىلىققا ۇشىراعان وتباسىلاردى تۇراقتاندىرۋ قىزمەتىن ويداعىداي ىستەۋ — جىككە، تۇرگە بولىنگەن الەۋمەتتىك كومەكتەسۋ جۇيەسىن كەمەلدەندىرىپ جانە جاقسارتىپ، ”قۇلاما قۇز ەففەكتىن“ باسەڭدەتىپ، ساتىلى كومەكتەسۋ اۋقىمىن قالىپتاستىرۋداعى ماڭىزدى شارا ءارى قاجەتتى تالاپ.
جاۋاپكەرشىلىك نەگىزگى تۇلعالارى جاعىندا، ادىستە اۋدان دارەجەلى حالىق ىستەرى تاراۋلارىنىڭ جاۋاپتىلارى تۇراقتى شىعىمدى وتەۋدە قيىنشىلىققا ۇشىراعان وتباسىلاردى تۇراقتاندىرۋ قىزمەتىنە جاۋاپتى بولاتىنى ايقىندالدى. تۇراقتاندىرۋ ۇقىعى اۋىل – قالاشىققا (ءمالى باسقارماسىنا) تۇسىرىلگەن جاعدايدا، اۋدان دارەجەلى حالىق ىستەرى تاراۋلارى جەتەكشىلىك ەتۋدى، باقىلاۋدى كۇشەيتۋى كەرەك.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
