2024 - جىلدىڭ سوڭعى جارتىسىندا ارميانىڭ وفيتسەرلەردى تىكەلەي تاڭداپ قابىلداۋ قىزمەتى جاپپاي ورىستەتىلدى
جوعارى مەكتەپتەردىڭ تاڭداۋلى دارىندىلارىن جاڭا داۋىردەگى ارميانى قۇدىرەتتەندىرۋ ىستەرىنە ات سالىسۋعا كەڭ كولەمدە باۋراۋ ءۇشىن، تاياۋدا ورتالىق اسكەري ىستەر كوميتەتىنىڭ ساياسي قىزمەت ءبولىمى 2024 ـ جىلدىڭ سوڭعى جارتىسىندا ارميانىڭ وفيتسەرلەردى (ساقشىلاردى) تىكەلەي تاڭداپ قابىلداۋ قىزمەتىن ورىستەتۋدى ورنالاستىردى.
ارميانىڭ قاتىستى ساياساتى بويىنشا، باستىسى قابىلداناتىن وبيەكتىلەرى ”قوس بىرەگەي“ قۇرىلىسىنداعى جوعارى مەكتەپتەردەن، سونداي - اق قۇرىلىس پاندەرىنىڭ ىشىندەگى جاراتىلىستىق عىلىمدار مەن ونەركاسىپ عىلىمدارى بويىنشا بيىل وقۋ بىتىرەتىن وقۋشىلاردان تاڭداپ قابىلدايدى، ارميا قۇرىلىسىنا شۇعىل قاجەتتى، تاپشى كاسىپتەردى لايىقتى مولشەردە ”قوس بىرەگەي“ قۇرىلىسىنداعى جوعارى مەكتەپتەرگە جاتپايتىن مەكتەپتەردەن، سونداي – اق قۇرىلىس عىلىمدارىنان قابىلدايدى، ءبىراق، تولىق كۋرس بويىنشا ءبىرىنشى توپتا قابىلداۋدا بيىل وقۋ بىتىرگەن وقۋشىلاردىڭ ىشىندەگى ۇزدىگىن تاڭداپ قابىلداۋعا بولادى. بيىل سوڭعى جارتى جىلدا 800 دەن استام وفيتسەرلەردى (ساقشىلاردى) تىكەلەي تاڭداپ قابىلدايدى. تىزىمدەلۋشىلەر 11 – ايدىڭ 11 – كۇنىنەن 17 – كۇنىنە دەيىن ”اسكەري دارىندىلار تورابىنا“ (“军队人才网”) (توراپ ادرەسى: http://81rc.81.cn نەمەسە http://www.81rc.mil.cn) شىعىپ ناقتى قابىلداۋ ورنى مەن ولشەمدى شارتىن ۇعىسۋىنا ءارى توراپتا تىزىمدەلۋىنە بولادى. ارتىنان ارميانىڭ قاتىستى ورىندارى قابىلداۋ ءتارتىبى بويىنشا، دەنە ساپاسىن تەكسەرۋ، ساياسي باعالاۋ، باقىلاپ سارالاۋ، كاسىپتىك باعالاۋ سياقتى قىزمەتتەردى ۇيىمداستىرىپ، ءادىل تاڭداپ، قابىلداۋدىڭ ساپاسىنا كەپىلدىك ەتەدى.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: مانەپ ەربول ۇلى
دايىنداعان: مانەپ ەربول ۇلى
كەلۋ قاينارى: حالىق تورابى
