جۇڭگو سلوۆاكيا قاتارلى 9 ەلگە ۆيزاسىز قول قويۋ ساياساتىن سىناق رەتىندە جۇرگىزدى
شينحۋا اگەنتتىگىنىڭ 11 – ايدىڭ 1 – كۇنى بەيجيڭنەن بەرگەن حابارى. ءتىلشىنىڭ سىرتقى ىستەر مينيسترلىگىنىڭ كونسۋل مەكەمەسىنەن ۇعىسۋىنا قاراعاندا، جۇڭگولىقتار مەن شەتەلدىكتەردىڭ بارىس – كەلىسىن ونان ارى جەبەۋ ءۇشىن، جۇڭگو جاق ۆيزا تالاپ ەتپەيتىن ەلدەردىڭ كولەمىن كەڭەيتتى، سلوۆاكيا، نورۆەگيا، فينلانديا، دانيا، يسلانديا، اندوررا، موناكو، ليحتەنشتەين، كورەيا قاتارلى ەلدەردىڭ جاي پاسپورتى بار ادامدارىنا ۆيزاسىز قول قويۋ ساياساتىن سىناق رەتىندە اتقارادى. 2024 ـ جىلى 11 – ايدىڭ 8 – كۇنىنەن 12 – ايدىڭ 31 – كۇنىنە دەيىن جوعارىدا ايتىلعان ەلدەردىڭ جاي پاسپورتى ادامدارى جۇڭگوعا كەلىپ ساۋدا ىستەسە، ساياحاتتاسا، تۋىسشىلاسا، دوس ـ جاراندارىن ارالاسا جانە شەكارادان وتكەن كۇنى 15 كوننەن اسىپ كەتپەيتىن بولسا ۆيزاسىز شەكارادان كىرەدى. ۆيزاسىز كىرىپ - شىعۋ شارتىنا تولمايتىندار شەكارادان كىرۋدەن بۇرىن جۇڭگوعا كەلۋ ۆيزاسىن اشتىرۋى كەرەك.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: مانەپ ەربول ۇلى
دايىنداعان: مانەپ ەربول ۇلى
كەلۋ قاينارى: حالىق تورابى
