سۋدان قارۋلى قاقتىعىسىندا 13 اقپارات قىزمەتكەرى قازا بولدى
شينحۋا اگەنتتىگىنىڭ 11 – ايدىڭ 2 - كۇنى قاھيرا قالاسىنان بەرگەن حابارى. سۋدان تىلشىلەر قوعامى 11 – ايدىڭ 2 - كۇنى مالىمدەمە جاريالاپ بىلاي دەدى: وتكەن جىلى 4 – ايدا سۋدانداعى قارۋلى بولىمدەر مەن سۋدان جەدەل كومەك بەرۋ اسكەري بولىمدەر اراسىندا قاقتىعىس تۋىلعاننان بەرى سۋداندا 13 اقپارات قىزمەتكەرى قازا بولدى، مۇنىڭ ىشىندە 2 ايەل ءتىلشى بار.
مالىمدەمەدە بىلاي دەلىندى: ۇزدىكسىز قاقتىعىس سالدارىنان كەمىندە 186 اقپارات قىزمەتكەرى شابۋىلعا ۇشىراپ، قامالدى، تونالدى جانە قۇقايعا ۇشىرادى، نەشە جۇزدەگەن اقپارات قىزمەتكەرلەرى پاناسىز قالدى، سۋداننىڭ اقپارات قىزمەتى اۋىر ىقپالعا ۇشىرادى.
سۋدان تىلشىلەر قوعامى بىلاي دەدى: اقپارات قىزمەتكەرلەرىنە قاراتىلعان قىلمىستىق ارەكەتتى تۋدىرۋشىلاردىڭ جاۋاپكەرشىلىگىن قۋزاستىرۋ ءارى قاقتىعىسقان ءار جاق اقپارات قىزمەتكەرلەرىن قورعاپ، ولاردىڭ اقپارات قىزمەتىن ورىستەتۋىنە قاجەتتى شارت - جاعداي جاراتۋ كەرەك.
2023 ـ جىلى 4 ـ ايدىڭ 15 ـ كۇنى، سۋدانداعى قارۋلى بولىمدەر مەن سۋداننىڭ جەدەل كومەك بەرۋ اسكەري بولىمدەرى اراسىندا استانا حارتۋمدا قارۋلى قاقتىعىس تۋىلىپ، سوعىس ءورتى ىلە ـ شالا باسقا رايوندارعا دەيىن كەڭەيدى. ءبىر جىلدان استام ۋاقىتقا جالعاسقان قارۋلى قاقتىعىستا سۋداننان 24 مىڭ 800 ادام قازا بولىپ، 10 ميلليون 420 مىڭنان استام ادام پاناسىز قالدى.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: مانەپ ەربول ۇلى
دايىنداعان: مانەپ ەربول ۇلى
كەلۋ قاينارى: حالىق تورابى
