جۇڭگو مەن قازاقستاننىڭ ءوزارا ۆيزا كەشىرىم ەتۋ كەلىسىمى كۇشكە يە بولعاندىعىنا ءبىر جىل تولدى ەكى ەل ادامدارىنىڭ بارىس ـ كەلىسى تەز ارتتى
ءۇرىمجى شەكارالىق قورعانىس تەكسەرۋ پۋنكتىنىڭ ساناعىنا قاراعاندا، 2023 - جىلى 11 - ايدىڭ 10 – كۇنى «جۇڭحۋا حالىق رەسپۋبليكاسى ۇكىمەتى مەن قازاقستان رەسپۋبليكاسى ۇكىمەتىنىڭ ءوزارا ۆيزا كەشىرىم ەتۋ جونىندەگى كەلىسىمى» رەسمي كۇشكە يە بولعاننان بەرى، 2024 - جىلى 11 - ايدىڭ 10 - كۇنى ساعات 0 گە دەيىن، ءۇرىمجى حالىقارالىق اۋەجايى شەكارا وتكەلى ارقىلى جۇڭگو ـ قازاقستان ەكى ەلگە بارىپ ـ كەلگەن ادام سانى 182 مىڭ ادام ـ رەتكە جەتىپ، شەكارا وتكەلىندە شەكارادان كىرىپ ـ شىققان جالپى ادام سانىنىڭ %27.6 ىن ۇستادى.
بىلتىر كەلىسىم كۇشكە يە بولعاننان بەرى، جۇڭگو ازاماتتارى ءۇرىمجى حالىقارالىق اۋەجايى وتكەلى ارقىلى قازاقستانعا 53 مىڭ 600 ادام - رەت بارىپ، شەكارادان شىعاتىن جۇڭگو ازاماتتارى جالپى سانىنىڭ %31 ىن ۇستادى؛ قازاقىستاندىق جولاۋشىلاردان ادەتتەگى پاسپورتپەن ۆيزاسىز كىرگەن ادام سانى 38 مىڭ 500 ادام - رەتكە جەتتى، بۇل شەكارادان كىرگەن شەتەلدىكتەر جالپى سانىنىڭ %35 ىن ۇستاپ، ۇقساس مەزگىلدەگىدەن %365 ارتقان. ۆيزا كەشىرىم ەتۋ ساياساتىنىڭ جەبەۋىندە، جۇڭگوعا كەلىپ تاماشالايتىن، دەمالاتىن جانە ساۋدامەن شۇعىلداناتىن ادامداردىڭ جالپى سانى 35 مىڭ ادام - رەتكە جەتتى، مۇندا ادەتتەگى پاسپورتىمەن ۆيزاسىز شەكارادان كىرگەندەردىڭ سانى %92.5 ىن يەلەپ، ەكى ەلدىڭ ساياحات بازارى مەن ەكونوميكا - ساۋدا بارىس - كەلىسىنە اناعۇرلىم كوپ ومىرشەڭدىك كۇش قوستى.
قازىر، جۇڭگو مەن قازاقستان اراسىنا ۇشۋ مىندەتىن اتقاراتىن ءۇش اۆياتسيا سەرىكتەستىگى بار، ەكى ەلگە قاتىنايتىن كەزەكشى ۇشاق اي سايىن 130 رەت اينالاسىندا بولىپ، ەكى ەلدىڭ شەكارادان كىرىپ - شىققان ادام سانى 22 مىڭ ادام - رەتتەن ارتىق دەڭگەيدى ساقتادى.
اۋدارعان: مانەپ ەربول ۇلى
دايىنداعان: مانەپ ەربول ۇلى
كەلۋ قاينارى: حالىق تورابى
