وعان كومەكتەسكەن ەكى ادام دا قىلمىستىق ىستەر بويىنشا جازالانعان
ءاسىلى زاڭنىڭ جازاسىنا تارتىلۋعا ءتيىستى دي X سوتتاعانعا دەيىن كەپىلگە بەرۋ مەرزىمىندە ولگەنى تۋرالى كۋالىكتى جالعاننان جاساتىپ، نوپوسىن كۇشىنەن قالدىرعان سوڭ، 9 جىل بويى زاڭ تورىنا تۇسپەي كەلگەن. 2021 – جىلى 5 – ايدا، دي X يۇننان ولكەسى كۇنميڭ قالاسىندا قولعا تۇسكەن، دي X تىڭ ”ءولۋ تۋرالى كۋالىكتى“ جالعاننان جاساتۋىنا كومەكتەسكەن اي X پەن ا X زاڭ بويىنشا قاتاڭ جازالانعان.
2012 – جىلى 7 – ايدا، دي X ەسىرتكى تاسىمالداۋ قىلمىس كۇمانىنا شاتىلىپ، قوعام حاۋىپسىزدىگى ورگاندارى قولعا تۇسىرگەن. سوتتاعانعا دەيىن كەپىلگە بەرۋ مەزگىلىندە، دي X تىڭ تۋىستارى اي X پەن ا X كە اماناتتاپ، دي X تىڭ ولگەنى تۋرالى ىسپاتتى جالعاننان جاساتىپ، وسى ارقىلى زاڭ بويىنشا جازالاۋدان جالتارماق بولعان. وسىدان سوڭ، ا X زاڭسىز تاسىلدەر ارقلى دي X تىڭ ولگەنى تۋرالى جالعان ىسپات جاساتقان، اي X وسى ىسپات بويىنشا دي X تىڭ نوپوسىن كۇشىنەن قالدىرعان. وسىلايشا دي X ”ولگەن ادام“ بولىپ شىققان.
2021 – جىلى 5 – ايدا، دي X كۇنميڭدە قولعا تۇسكەن، سوت مەكەمەسى ەسىرتكى بۇيىمدارىن تاسىمالداۋ قىلمىسى بويىنشا ونى زاڭ بويىنشا مەرزىمسىز قاماق جازاسىنا ۇكىم ەتكەن. دي X تىڭ دەلوسىن تەكسەرۋ بارىسىندا، ىسپاتتى جالعاننان جاساۋعا جانە دي X تىڭ نوپوسىن وشىرۋگە كومەكتەسكەن ا X پەن اي X تە دەلو ءبىتىرۋ قۇرىلىمدارىنىڭ نازارىنا ىلىنگەن.
2024 – جىلى 9 – ايدا، اي X پەن ا X ەسىرتكى ساۋدالاۋ قىلمىستىق ەلەمەنتتەرىن قورعاشتاۋ قىلمىسىن وتكىزگەندىكتەن، الەۋمەتتىك ارىز – شاعىم قۇرىلىمدارى ولاردىڭ ۇستىنەن الەۋمەتتىك ارىز – شاعىم كوتەرگەن. دەلو جونىندە شينجياڭ مارالباسى اۋداندىق حالىق سوتى زاڭ بويىنشا سوت اشىپ، تەرگەۋ جۇرگىزگەن.
سوت مەكەمەسى تەرگەۋ ارقىلى بىلاي دەپ قاراعان: ا X پەن اي X مەملەكەتتىڭ زاڭ – تۇزىمدەرىن كاپەرىنە الماي، ەسىرتكى ساۋدالاۋ بارىسىندا تۇتقىندالعان سوڭ سوت تەرگەۋىنىڭ الدىندا كەپىلگە شىعارىلعان دي X تىڭ نوپوسىن كۇشىنەن قالدىرۋعا، ونىڭ زاڭنىڭ جازاسىنان جالتارۋىنا كومەكتەسكەن، ەسىرتكى ساۋدالاۋ قىلمىستىق ەلەمەنتتەرىن قورعاشتاۋ قىلمىسىن قالىپتاستىرعان، ولاردىڭ ارەكەتى ءادىليالىق ادىلدىككە اۋىر دارەجەدە كەدەرگىلىك جاساپ، قوعامدىق ءتارتىپتى بۇلدىرگەن، سيپاتى وتە ناشار. ا X پەن اي X ءوز ەركىمەن قىلمىسىن مويىنداپ، جازاعا مويىنسال بولعان، كەڭشىلىكپەن ءبىرجاقتى ەتۋدى ويلاستىرۋعا بولادى. ەڭ سوڭىندا، ا X 3 جىلدىق مەرزىمدى قاماق جازاسىنا، اي X 2 جىل 6 ايلىق مەرزىمدى قاماق جازاسىنا ۇكىم ەتىلگەن.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
