དར་ལག
ཚིག འཇུ་སྐལ་བཟང་།
词 ：局 •格桑
དབྱངས། གླིང་རྒྱལ་འཆི་མེད་ཚེ་རིང་།
作曲：曲迈才让
ལེན་མཁན། པད་མཚོ།
演唱: 班措
དར་ལག་སྐྱིད་པའི་ཕ་ས་ཕྱུག་མོ།
དར་ལག་དགའ་བའི་ཕ་ཁྱིམ་གྲུ་བཞི།
བོད་ཁ་བ་ཅན་གྱི་ཡུལ་དབུས་དར་ལག །
ཡུལ་མདོ་ཁམས་མཚམས་ཀྱི་དབང་ཆེན་དར་ལག །
ས་རྨ་འབྲིའི་སྒང་གི་འབྲོག་སྡེ་དར་ལག །
ལས་ཐོད་པས་བསྐོས་པའི་ཕ་ཡུལ་དར་ལག །
མི་ཆེན་གསེར་ཁྲི་གནོན་སའི་དབང་སྡུད་དར་ལག །
སྐྱེས་ཆེན་བསྟན་འགྲོ་སྐྱོང་སའི་འགྲོ་དོན་དར་ལག །
ཤེས་ཆེན་གཞན་ཕན་སྐྱོང་སའི་འཕྲིན་ལས་དར་ལག །
ཀུན་ཀྱང་ལས་ལམ་དགེ་སའི་འཆམ་མཐུན་དར་ལག །
དར་ལག་ས་དེ་ན་ཡོད་ན་སེམས་ཁ་སྐྱིད་ས།
དར་ལག་ཡུལ་གཞན་ལ་སོང་ན་ཡིད་ལ་དྲན་ས།
མི་ཕྱུགས་དར་སའི་དར་ལག དབང་ཐང་དར་སའི་དར་ལག
༢
དར་ལག་བཙན་པོས་དཔའ་མཁར་བརྩིག་ས།
དར་ལག་མཛེས་མས་གཡང་གཞིས་འཛིན་ས།
ཆུ་རྨ་ཀླུང་འབབ་ཀི་དབུ་ཁྱུད་དར་ལག །
གླིང་ཁྲ་མོ་ཆགས་གི་རྟེན་འབྲེལ་དར་ལག །
མཁར་སེང་འབྲུག་ཆགས་སའི་སྙིང་ཁ་དར་ལག །
དགོན་གསར་རྙིང་ཆགས་སའི་ཆོས་ས་དར་ལག །
ས་ལ་རྩི་སྨན་བཀྲམ་པའི་ལྗང་གླིང་དར་ལག །
རི་ལ་འོ་མ་བྱུགས་པའི་འབྱོར་ཕྱུག་དར་ལག །
ཆུ་ལ་མེ་ཏོག་འཐོར་བའི་མཛེས་སྡུག་དར་ལག །
སྤྲིན་དང་རི་དྭགས་འདྲེས་པའི་ཞིང་ཁམས་དར་ལག །
དར་ལག་ས་དེ་ན་ཡོད་ན་སེམས་ཁ་སྐྱིད་ས།
དར་ལག་ཡུལ་གཞན་ལ་སོང་ན་ཡིད་ལ་དྲན་ས།
སྲིད་འབྱོར་དར་སའི་དར་ལག ལས་རླུང་དར་སའི་དར་ལག
