གཏམ་བཤད་ཀྱི་བརྙན་ཆ་ཚང་།
ཨ་རིའི་དམངས་གཙོ་ཤོག་ཁག་གི་སྐབས་ཞེ་བདུན་པའི་སྲིད་འཛིན་འོས་མི་ད་ལྟའི་ལས་ཐོག་སྲིད་འཛིན་གཞོན་པ། ལྕམ་ཀ་ལ.ཧེ་རི་སི་ཡིས་རང་ཉིད་འགྲན་རྩོད་ལས་ཕན་རྗེས་རང་གི་རྒྱབ་སྐྱོར་པ་ཚོར་གཏམ་བཤད་བྱས་པ།
ཀཱ་མ་ལ.ཧ་རེ་སི་ཡིས་རྒྱལ་ས་ཝ་ཤིན་ཀྲོན་གྱི་མངའ་ཁུལ་དུ་ཡོད་པའི་ཧ་ཝར་ཀྲི་གཙུག་ལག་སློབ་ཆེན་དུ། རྒྱབ་སྐྱོར་དག་གིས་ཀི་སྒྲ་བསྒྲགས་ཤིང་། ལྕམ་ཀཱ་མ་ལ་ཧ་རེ་སི་ཡིས་སྔར་གྱི་དགོད་སྒྲ་དང་འཛུམ་མདངས་མ་ཤོར་བའི་ངང་ནས་འཆད་སྟེགས་སུ་སླེབས། ཚང་མར་བཀའ་དྲིན་ཆེ་དང་། ཐུགས་རྗེ་ཆེ་ཞེས་འཚམས་འདྲི་དང་དགོང་དྲོ་བདེ་ལེགས་ཞུས།
ཐེངས་འདིའི་འོས་བསྡུའི་ཁྲོད་རང་ཉིད་ཕམ་ཟིན་པ་ངོས་ལེན་གྱི་གཏམ་བཤད་བྱས་ཤིང་། མོས། ཨ་རིའི་མང་གཙོའི་རྩ་དོན་ཞིག་ནི་འོས་བསྡུའི་ཁྲོད་རང་ཉིད་ཕམ་རྗེས་དེ་ངོས་ལེན་རྒྱུ་དེ་རེད་ཅེས་བཤད། ད་དུང་མོས། ངས་སྒྲོ་ནལ.ཁྲི་རམ་ཕུ་ལ་སྐད་ཆ་བཤད་ཟིན་ལ། ཞི་བའི་ངང་དབང་ཆ་བརྒྱུད་སྤྲོད་བྱ་རྒྱུའི་དམ་བཅའ་ཡོད། ཡིན་ན་ཡང་། ང་ཚོས་ཅི་ཞིག་གི་ཕྱིར་འཐབ་ཀྱིན་པ་དེ་ནམ་ཡང་མཚམས་འཇོག་མི་སྲིད་པ་དང་། སྐབས་རེར་རྒྱལ་ཁ་ལེན་པར་དུས་ཡུན་ངེས་ཅན་རེ་དགོས་ངེས་རེད་ཅེས་བཤད། གཞན་སྲིད་འཛིན་བྷ་ཀྲན་གྱིས། ཁྲི་རམ་ཕུ་ལ་རྒྱལ་ཁའི་འཚམས་འཕྲིན་བསྐུར་ཅིང་། དབང་ཆ་བརྒྱུད་སྤྲོད་ཀྱི་གྲོས་མོལ་ཆེད། མགྱོགས་པོར་ཁྲི་རམ་ཕུ་ཕོ་བྲང་དཀར་པོར་འབོད་འགུག་བྱ་རྒྱུའི་གནས་ཚུལ་ཐོན།
རང་ཉིད་འགྲན་རྩོད་ལས་ཕམ་རྗེས་འདི་ལྟར་གུ་ཡངས་ཤིང་བློ་སྟོབས་ཆེན་པོས་འགྲན་ཟླར་བརྩི་འཇོག་དང་། རང་ཉིད་ཀྱིས་ཕམ་ཁ་དང་ལེན་ཐུབ་པ་ནི་ལས་སླ་བོ་ཞིག་མིན་ན་ཡང་ཧང་སང་བའི་གཏམ་བཤད་དེས་འཛམ་གླིང་ཐེངས་གཅིག་ཡོམ་ཡོམ་བསྒུལ།
