ཕུ་བོས་ནུ་བོར་བཏམས་ཤིང་བསྟན་པའི་མདོའི་ཁྱད་ཆོས་བརྗོད་པ།
ཕུ་བོས་ནུ་བོར་བཏམས་ཤིང་བསྟན་པའི་མདོ་བཞུགས་སོ། །
ཏུན་ཧོང་ཡིག་རྙིང་ལས་ཐོན་པའི་བོད་རང་གི་ཐུན་མིན་གྱི་གནའ་བོའི་མི་ཆོས་སློབ་གསོ།
འཆད་ཁྲིད་པ། མཁས་དབང་ཚུལ་ཁྲིམས་བློ་གྲོས།
མཁན་ཆེན་ཚུལ་ཁྲིམས་བློ་གྲོས་མཆོག་གིས་བོད་ཤིང་འབྲུག་ལོའི་བོད་ཟླ་ལྔ་པའི་ཚེས་བཅུ་གཅིག་ནས་ཚེས་ཉེར་བཞིའི་བར་དང་། ཕྱི་ལོ2024.6.17ནས་ཚེས30བར་ཏེ་ཉིན་བཅུ་གསུམ་གྱི་རིང་ཏུན་ཧོང་ཡིག་རྙིང་ལས་ཐོན་པའི་གནའ་བོའི་རྒྱ་གར་གྱི་སངས་རྒྱས་ཆོས་ལུགས་དང་བོན་གྱི་ཆོས་ལུགས་སོགས་གང་གིས་ཀྱང་ཤན་མ་ཞུགས་པའི་བོད་རང་གི་གཤིས་སྤྱོད་རྣལ་མ་བཤད་པའི་གཞུང་བཟང་ཕུ་བོོས་ནུ་བོོར་བཏམས་ཤིིང་བསྟན་པའིི་མདོོའི་འཆད་ཁྲིད་བླ་རུང་གི་ཆོས་སྡེ་བཞི་ཡན་ལག་དང་བཅས་པར་གནང་།
འཆད་ཁྲིད་འདིའི་ཁྱད་ཆོས་གཙོ་བོ་ནི་ལོ་ཁྲི་ཕྲག་མང་པོའི་སྔོན་གྱི་མདོ་དབུས་མཐོ་སྒང་གི་གནའ་རྫས་སོགས་ཀྱི་སྐོར་ཚན་རིག་པའི་ཞིབ་འཇུག་གི་གྲུབ་དོན་དང་འབྲེལ་ཏེ་གསལ་བོར་གསུངས་ཡོད་པ། ཆོས་ལུགས་སོགས་མ་དར་བའི་སྔོན་གྱི་བོད་རང་གི་སྔོན་ཐོན་བསམ་བློ་དང་མི་ཆོས་ཀུན་སྤྱོད་ཀྱི་སྐོར་ཞིབ་མོར་གསུངས་པ། ལོ་སྟོང་ཕྲག་སྔོན་གྱི་བོད་རང་གི་བླ་ན་མེད་པའི་བྱིས་པའི་སློབ་གསོ་དང་ཕོ་མོ་འདྲ་མཉམ་སོགས་ཀྱི་སྐོར་ཏེ་མ་ཚང་བ་མེད་པའི་སློབ་གསོ་ཆ་ཚང་བ་ཞིག་མཁས་དབང་མཆོག་གིས་གསུངས་པ་འདི་ནི་དུས་རབས་གསར་བའི་བོད་ཀྱི་སློབ་གསོ་ལ་ཁ་སྣོན་གྱ་ནོམ་པ་ཞིག་ཡིན་པ་ནི་སྙོན་དུ་མེེད་དོ།།
སེམས་ཀྱི་སྨན་ཚང་གིས།
