སྟོན་པ་ལྷ་བབ་དུས་ཆེན་ལ་དད་གུས་ཆེན་པོས་བསུ་མ་བྱེད།
འོད་དཔག་མེད་ཀྱི་མཚན།
སངས་རྒྱས་ཀྱི་མཚན་སྔགས།
སྤྱིར་ཞིང་ཁམས་དང་བྱེ་ཕྲག་བདེ་བ་ཅན་གྱི་སྐོར།
མཁན་ཆེན་ཚུལ་ཁྲིམས་བློ་གྲོས།
བདེ་བ་ཅན་ལ་སྐྱེ་སླ་བའི་རྒྱུ་མཚན་ཅི་ཡིན།
མཁན་ཆེན་ཚུལ་ཁྲིམས་བློ་གྲོས།
དགུ་པའི་ཉེར་གཉིས་ལྷ་བབ་དུས་ཆེན་ཡིན།
ལྷ་བབས་དུས་ཆེན་གྱི་ངོ་སྤྲོད།
བོད་ཟླ་དགུ་པ་ནི་རང་ཅག་ནང་པ་སངས་རྒྱས་པ་ཚོར་མཚོན་ན། དམིགས་བསལ་གྱི་ཟླ་བ་ཞིག་ཡིན་ཞིང་དེ་ཡང་བོད་ཟླ་༩བའི་ཚེས་༢༢ཉིན་ནི་ལྷ་བབས་དུས་ཆེན་ཡིན་ཞིང་།ལྷ་བབས་དུས་ཆེན་ནི་སྟོན་པ་ཐུབ་པའི་དབང་པོས་གདུལ་བྱ་རྣམས་ཐར་པ་དང་ཐམས་ཅད་མཁྱེན་པའི་གནས་སུ་འཁྲིད་ཐབས་སུ་མཛད་པ་བཅུ་གཉིས་སོགས་མཛད་པའི་རྣམ་གྲངས་མང་པོ་ཞིག་བསྟན་གནང་ཡོད་པའི་ནང་ཚན་ཞིག་ཡིན་ཞིང་། བོད་མི་རྣམས་ཀྱིས་ཉིན་དེར་སངས་རྒྱས་ལྷ་ཡུལ་ནས་མི་ཡུལ་དུ་ཕེབས་པར་ངོས་བཟུང་ནས་རང་རང་གནས་ཡུལ་གྱི་དགོན་ཁག་ལ་མཆོད་མཇལ་དུ་འགྲོ་བ་དང་།ཕྱག་མཆོད་འབུལ་བྱེད་པ་སོགས་རྣམ་དཀར་དགེ་བའི་ལས་ལ་བརྩོན་པ་དང་། བོད་ཀྱི་ཡུལ་ལུང་མང་པོ་ཞིག་ཏུ་ལྷ་བབས་དུས་ཆེན་མ་ཟིན་སྔོན་ནས་རང་གི་ཁང་པར་ལོ་རེའི་དཀར་རྩི་གཏོང་བ་མ་ཟད། རི་རྩེ་དང་བྲག་རྡོ་ཁག་ལ་དཀར་རྩིའི་ཕུད་བྱུགས་པ་སོགས་བྱེད།
དེ་ཡང་སྟོན་པ་སངས་རྒྱས་ཤཱཀྱ་ཐུབ་པ་མཆོག་དགུང་གྲངས༤༡ལ་ཕེབས་པ་ལྕགས་ཕོ་བྱི་བའི་ལོར། རང་ཉིད་ཀྱི་ཡུམ་སྒྱུ་འཕྲུལ་ཆེན་མོ་མི་ཡུལ་ནས་ཚེ་འཕོས་ཏེ་འདོད་ལྷར་སྐྱེས་པ་དེ་ཉིད་གཙོ་བར་གྱུར་བའི་ལྷ་གྲངས་ལས་འདས་པ་ཞིག་གི་རྒྱུད་ལ་རྣམ་དཀར་ཐར་པ་ཆ་མཐུན་གྱི་དགེ་བའི་རྩ་བ་ཡོད་པ་རྣམས་སྨིན་གྲོལ་གྱི་གནས་སུ་འགོད་པའི་དུས་ལ་བབས་པ་མཁྱེན་ནས།སངས་རྒྱས་འཁོར་དང་བཅས་པ་ལྷ་གནས་སུམ་ཅུ་རྩ་གསུམ་དུ་ཕེབས་ནས། ལྭ་བ་དཀར་པོ་ལྟ་བུའི་རྡོ་ལེབ་ཀྱི་སྟེང་དུ།ཤ་རིའི་བུ་དང་འོད་སྲུངས་སོགས་དགྲ་བཅོམ་པ་བརྒྱད་སྟོང་གི་འཁོར་གྱི་དབུས་སུ་དབྱར་གནས་མཛད་པར་མ་ཟད་ཡུམ་སྒྱུ་འཕྲུལ་ཆེན་མོ་སྐུ་སྐྱེ་སོགས་ལྷ་ཡི་རིས་ཀྱི་གདུལ་བྱ་རྣམས་ལ་ཆོས་སྟོན་བཞིན་བཞུགས།
དེའི་དུས་སུ་རྒྱ་གར་གྱི་ཡུལ་མཉན་ཡོད་ཅེས་པར།རྫུ་འཕྲུལ་ཅན་གྱི་མཆོག་གྱུར་འཕགས་པ་མོའུ་འགལ་གྱི་བུ་ལ་སོགས་པའི་ཚངས་པར་སྤྱོད་པའི་དགེ་སློང་དུ་མ་ཐབས་གཅིག་ཏུ་དབྱར་གནས་མཛད་བཞིན་བཞུགས་པ་ན།རྒྱ་གར་ཡུལ་དབུས་ཀྱི་རྒྱལ་པོ་གཟུགས་ཅན་སྙིང་པོས་གཙོས་རྒྱལ་པོ་གསལ་རྒྱལ་ལ་སོགས་པའི་མི་རྣམས་ཀྱིས་བཅོམ་ལྡན་འདས་གང་དུ་བཞུགས་པ་མ་ཤེས་པས།འཕགས་པ་མོའུ་འགལ་གྱི་བུའི་དྲུང་དུ་སོང་ནས་དྲི་བ་ཞུས་པའི་ལན་དུ། མོའུ་འགལ་གྱི་བུས་བཅོམ་ལྡན་འདས་ལྷ་ཡི་གནས་སུ་བཞུགས་ཡོད་ཅེས་གསུངས།དེ་ནས་ཞག་དགུ་བཅུ་འདས་པའི་དུས་སུ་གོང་གསལ་རྒྱལ་པོས་དབུས་པའི་མི་རྣམས་ཀྱིས་ཡང་བསྐྱར་མོའུ་འགལ་གྱི་བུ་ལ།འོ་ཅག་གིས་སྟོན་པ་ཐུགས་རྗེ་ཅན་གྱི་སྐུ་མ་མཐོང་ཞིང་།གསུང་ཡང་མ་ཐོས་པར་ཡུན་རིང་སོང་བས།འཕགས་པ་རྫུ་འཕྲུལ་ཅན་ཁྱེད་ཀྱིས་བཅོམ་ལྡན་འདས་ལ་ཞུས་ལ་འཛམ་གླིང་དུ་སྤྱན་དྲོངས་རོགས་ཞེས་གསོལ་བས།འཕགས་པ་མོའུ་འགལ་གྱི་བུས་ཀྱང་སྐད་ཅིག་དེ་ཉིད་དུ་ལྷའི་གནས་སུ་བྱོན་ཏེ་སངས་རྒྱས་ལ། མིའི་འགྲོ་བ་རྣམས་ལྷའི་ཡུལ་ལ་འོང་བར་དཀའ་ཡང་།ལྷ་རྣམས་ནི་འཛམ་བུའི་གླིང་དུ་འོང་བར་དཀའ་བ་མེད་ན། སྟོན་པ་ཐུགས་རྗེ་ཅན། མིའི་རིགས་ཀྱི་འགྲོ་བ་རྣམས་ལ་བརྩེ་བས་དགོངས་ནས་འཛམ་བུ་གླིང་དུ་བྱོན་རོགས་ཞེས་གསོལ་བ་བཏབ་པ་ལྟར།སྟོན་པ་མཆོག་གིས་ཀྱང་། བདུན་ཕྲག་གཅིག་ནས་གསལ་ལྡན་གྱི་གྲོང་གི་ལ་བ་ཛ་རའི་ནགས་སུ་ཨུ་དུམ་ཝ་རའི་ཤིང་དྲུང་དུ་བྱོན་པར་ཞལ་གྱིས་བཞེས།མོའུ་འགལ་གྱི་བུས་སྐད་ཅིག་ཉིད་ལ་སླར་མི་ཡུལ་དུ་བྱོན་ནས་མི་རྣམས་ལ་གསུངས་པས་མི་རྣམས་ཡིད་རབ་ཏུ་མགུ་ནས་ས་ཕྱོགས་གང་དེར་བྱི་དོར་དང་།མཆོད་པའི་ཚོགས་རྒྱ་ཆེན་པོ་བཤམས་ཏེ་ཕེབས་སྒུག་ཞུས།
སངས་རྒྱས་ལྷ་ཡུལ་ནས་མི་ཡུལ་དུ་ཕེབས་པའི་ཉིན་མོར།ལྷ་ཡི་དབང་པོ་བརྒྱ་བྱིན་གྱིས་ལྷའི་བཟོ་བོ་བིཤྭ་ཀརྨ་ལ་བཀའ་གནང་སྟེ་རི་རབ་ཀྱི་རྩེ་མོ་སུམ་ཅུ་རྩ་གསུམ་ནས་མི་ཡུལ་བར་དུ་དཀྱིལ་ལ་རིན་ཆེན་བེཌཱུརྱའི་ཐེམ་སྐས་དང་།དེའི་གཡས་ཕྱོགས་སུ་གསེར་དང་། གཡོན་དུ་ཤེལ་ལས་གྲུབ་པའི་ཐེམ་སྐས་བཙུགས། ལྷ་ཚངས་པས་རིན་པོ་ཆེའི་རྔ་གཡབ་སངས་རྒྱས་ཀྱི་སྐུ་ལ་གཡོབ་བཞིན་སྐུའི་གཡས་ཕྱོགས་ཀྱི་གསེར་གྱི་ཐེམ་སྐས་ནས་འོངས་ཤིང་།ལྷ་དབང་བརྒྱ་བྱིན་གྱིས་ལྷ་ཡི་གདུགས་རྩིབས་སྟོང་ཅན་ལག་ཏུ་བཟུང་སྟེ་སངས་རྒྱས་ཀྱི་སྐུའི་གཡོན་ཕྱོགས་ཤེལ་གྱི་ཐེམ་སྐས་སྟེང་ནས་འོངས།སངས་རྒྱས་འཁོར་དང་བཅས་པ་རྣམས་བེཌཱུརྱའི་ཐེམ་སྐས་ནས་ཕེབས། དེ་ཡང་བཅོམ་ལྡན་འདས་ཀྱི་ཞབས་ས་ལ་རེག་ཏེ་ཕེབས་པ་ན། ཕྱི་རོལ་བ་ལ་སོགས་པའི་སྐྱེ་བོ་ངན་རྟོགས་ཅན་རྣམས་ཀྱིས། ད་དགེ་སྦྱོང་གོ་ཏ་མ། མཐུ་དང་རྫུ་འཕྲུལ་ཉམས་སོ་ཞེས་ལོག་རྟོག་ངན་པ་སྐྱེ་བར་གྱུར་བ་དང་།ཆོ་འཕྲུལ་ཁོ་ནས་ཕེབས་ན། ལྷའི་བཟོ་བོ་རྣམས་ཀྱི་བསོད་ནམས་འཕེལ་བར་མི་འགྱུར་བ་མཁྱེན་ནས་སྐབས་རེ་རྫུ་འཕྲུལ་དང་།སྐབས་རེ་ཞབས་ས་ལ་རེག་པའི་ཚུལ་གྱིས་བྱོན།
མིའི་དྲི་མི་ཞིམ་པ་དེས་ལྷ་རྣམས་ཉེ་འཁོར་དུ་འོང་མི་བཟོད་པ་དང་།མིས་ལྷ་དངོས་སུ་མཐོང་ན་དེ་དག་ལ་གཡེང་ནས་ཆོས་ཀྱི་དོན་ལ་སེམས་མི་གཏོད་པ་མཁྱེན་ནས་སངས་རྒྱས་ཀྱིས་མིའི་དྲི་རྣམས་ཙན་དན་གྱི་དྲི་དང་།མི་རྣམས་ལ་ལྷའི་བུ་དང་བུ་མོ་མི་མཐོང་བར་བྱིན་གྱིས་བརླབས་ནས་ཡུལ་གསལ་ལྡན་གྱི་གྲོང་ཁྱེར་དུ་བྱོན་ཏེ་སེང་གེའི་ཁྲིའི་སྟེང་དུ་བཞུགས་ནས་འགྲོ་བ་མཐའ་ཡས་པ་ལ་སྐལ་བ་དང་འཚམ་པའི་ཆོས་ཚུལ་དུ་མ་བསྟན་པར་མཛད།
དུས་ཚོད་དེ་ནི་བོད་རྩིས་ཀྱི་ཟླ་དགུ་པའི་ཚེས་ཉི་ཤུ་གཉིས་ཉིན་ལ་འཁེལ་ཡོད། རྗེས་སུ་རྒྱ་གར་གྱི་ནང་བ་རྣམས་ཀྱིས་དུས་ཚོད་དེ་ནི་དུས་ཚོད་གཞན་དང་མི་འདྲ་བ་ཞིག་ལ་ངོས་འཛིན་བྱས་ནས་ལྷ་ལས་བབས་པའི་དུས་ཆེན་འདི་སྲུང་བརྩི་ཞུ་སྲོལ་བྱུང་བ་དང་། བོད་ལ་ཡང་ནང་པའི་བསྟན་པ་དར་བའི་རྗེས་སུ་བོད་ཀྱིས་མུ་མཐུད་དུས་ཆེན་དེ་སྲུང་བརྩི་བྱས་དང་བྱེད་ཀྱིན་ཡོད། བོད་ཁམས་ཡོངས་ཀྱིས་དུས་ཚོད་འདི་ལ་དགུ་བའི་ལྷ་བབས་དུན་ཆེན་ནམ་ལྷ་བབས་དུས་ཆེན་ཞེས་འབོད་པ་དང་། དེ་བཞིན་དུ་སྲུང་བརྩི་ཡང་བྱས་དང་བྱེད་ཀྱིིན་ཡོད་པ་འདི་ལགས་སོ།།
（公历2024年11月22）农历9月22释迦牟尼佛重返人间纪念日，
此节庆又名“天降节”或“降凡节”，藏语称“拉巴堆钦”。在这一天，僧人们要依照惯例诵经一天，接迎佛祖重返人间，弘扬佛法，普度众生。藏传佛教认为这一天是一年中最殊胜的日子。在天降日，无论做任何善事都能增上无量功德。佛陀在大约四十一岁的时候,上升到三十三天忉利天宮,为母亲和很多天神讲授了《地藏菩萨本愿经》、《白伞盖陀罗尼》、《净治恶趣仪轨》、《幢顶妙臂庄严陀罗尼》、《顶髻尊胜净治恶趣苦陀罗尼》、《不动金刚密续经》等经教。
当佛陀住在三十三天界的时间中,目犍连尊者为维护佛教的正常发展,而仍住在地球上。—般人都不知道佛陀去了哪里,所以由波斯匿王等人来到目犍连尊者的住处,请问佛陀的行踪。尊者答以佛陀住在天界。
道:“世尊,阎浮提的人们不能登此天居,诸天神是有降临阎浮提的神力的。因此现在请世尊返回阎浮提吧!”这样启请后,世尊吩咐道:“目犍连你回去传语说,我七天之后,返回人间。”目犍连仍然刹那顷返回阎浮提,将佛陀的回复通知了大众。于是在仲秋九月二十二日,佛陀动身返阎浮提时,由帝释天神命毗首羯摩天神幻造三道阶梯,唐卡中那道从天界直垂下来的就是这天梯。中间是吠琉璃阶梯,为佛世尊及侍眷等所行道路;右边黄金阶梯上有梵天
时光如梭,夏季的三个月很快过去了,他们又到目犍连尊者前,请求说道:“现在我们已很久未见佛面,我们一致请求迎接世尊归来。”于是目犍连尊者运用神通刹那顷前往天界,在世尊前禀明大家的请求,并启
请王、色界诸天神围绕在佛陀身边;左边水晶阶梯上,有帝释、欲界诸天神围绕在佛陀身边,并为佛陀支撑伞盖宝幢。佛陀为了让幻造天梯的天神毗首羯摩王高兴,天梯一半的路程,是一步步走下的,另一半才示现神变而下。释迦牟尼佛祖从天返人间的日子、特别殊胜、做任何善与恶增加十万遍、请微友们行善断恶。
༄༅། །ཐུབ་པའི་བསྟོད་པ་གང་ཚེ་རྐང་གཉིས་མ།
གང་ཚེ་རྐང་གཉིས་གཙོ་བོ་ཁྱོད་བལྟམས་ཚེ། །
ས་ཆེན་འདི་ལ་གོམ་པ་བདུན་བོར་ནས། །
ང་ནི་འཇིག་རྟེན་འདི་ན་མཆོག་ཅེས་གསུངས། །
དེ་ཚེ་མཁས་པ་ཁྱོད་ལ་ཕྱག་འཚལ་ལོ། །
དང་པོ་དགའ་ལྡན་ལྷ་ཡི་ཡུལ་ནས་བྱོན། །
རྒྱལ་པོའི་ཁབ་ཏུ་ཡུམ་གྱི་ལྷུམས་སུ་ཞུགས། །
ལུམྦི་ནི་ཡི་ཚལ་དུ་ཐུབ་པ་བལྟམས། །
བཅོམ་ལྡན་ལྷ་ཡི་ལྷ་ལ་ཕྱག་འཚལ་ལོ། །
གཞལ་ཡས་ཁང་དུ་མ་མ་བརྒྱད་བཞིས་མཆོད། །
ཤཱཀྱའི་གྲོང་དུ་གཞོན་ནུས་རོལ་རྩེད་མཛད། །
སེར་སྐྱའི་གནས་སུ་ས་འཚོ་ཁབ་ཏུ་བཞེས། །
སྲིད་གསུམ་མཚུངས་མེད་སྐུ་ལ་ཕྱག་འཚལ་ལོ། །
གྲོང་ཁྱེར་སྒོ་བཞིར་སྐྱོ་བའི་ཚུལ་བསྟན་ནས། །
མཆོད་རྟེན་རྣམ་དག་དྲུང་དུ་དབུ་སྐྲ་བསིལ། །
ནཻ་རཉྫ་ནའི་འགྲམ་དུ་དཀའ་ཐུབ་མཛད། །
སྒྲིབ་གཉིས་སྐྱོན་དང་བྲལ་ལ་ཕྱག་འཚལ་ལོ། །
རྒྱལ་པོའི་ཁབ་ཏུ་གླང་ཆེན་སྨྱོན་པ་བཏུལ། །
ཡངས་པ་ཅན་དུ་སྤྲེའུས་སྦྲང་རྩི་ཕུལ། །
མ་ག་དྷ་རུ་ཐུབ་པ་མངོན་སངས་རྒྱས། །
མཁྱེན་པའི་ཡེ་ཤེས་འབར་ལ་ཕྱག་འཚལ་ལོ། །
ཝཱ་ར་ཎཱ་སིར་ཆོས་ཀྱི་འཁོར་ལོ་བསྐོར། །
ཛེ་ཏའི་ཚལ་དུ་ཆོ་འཕྲུལ་ཆེན་པོ་བསྟན། །
རྩྭ་མཆོག་གྲོང་དུ་དགོངས་པ་མྱ་ངན་འདས། །
ཐུགས་ནི་ནམ་མཁའ་འདྲ་ལ་ཕྱག་འཚལ་ལོ། །
འདི་ལྟར་བསྟན་པའི་བདག་པོ་བཅོམ་ལྡན་འདས། །
མཛད་པའི་ཚུལ་ལ་མདོ་ཙམ་བསྟོད་པ་ཡི། །
དགེ་བས་འགྲོ་བ་ཀུན་གྱི་སྤྱོད་པ་ཡང༌། །
བདེ་གཤེགས་ཉིད་ཀྱི་མཛད་དང་མཚུངས་པར་ཤོག །
ཅེས་པ་འདི་ནི་སློབ་དཔོན་དཔའ་བོས་མཛད་པའོ། །
སྙིང་རྗེ་ཆེན་པོས་རྩོད་ལྡན་སྙིགས་མའི་ཞིང་།།
བཟུང་ནས་སྨོན་ལམ་ཆེན་པོ་ལྔ་བརྒྱ་བཏབ།།
པད་དཀར་ལྟར་བསྔགས་མཚན་ཐོས་ཕྱིར་མི་ལྡོག།
སྟོན་པ་ཐུགས་རྗེ་ཅན་ལ་ཕྱག་འཚལ་ལོ།།
ཨོཾ་མུ་ནེ་མུ་ནེ་མ་ཧཱ་མུ་ནེ་ཡེ་སྭཱ་ཧ།
རྡོ་གྲུབ་རྒན་བྱང་ཆུབ་རྡོ་རྗེས་ལོ་ཉིས་བརྒྱ་ཙམ་གྱི་གོང་རོལ་ནས་གསུངས་པའི་ལུང་བསྟན།
གསེར་རྔ་དམ་ལྷ་ཡི་བླ་ལུང་དུ།།
དཔལ་ཨོ་རྒྱན་གྱི་སྤྲུལ་པ་འཇིགས་མེད་མཚན། །
འཁོར་རྣམ་བཞིའི་བྱང་སེམས་སྡེ་ཚོགས་ལ། །
ཆོས་མདོ་སྔགས་ཀྱི་བསྟན་པ་ཉི་བཞིན་གསལ། །
ཁོང་འགྲོ་དོན་ས་བརྟན་སྤོ་ལ་རེག །
འཁོར་དག་པའི་གདུལ་བྱ་ཕྱོགས་བཅུར་ཁྱབ། །
དེར་འབྲེལ་ཀུན་བདེ་ཆེན་ས་ལ་འགོད། །
ཅེས་པའི་ལུང་བསྟན་དུས་སུ་སྨིན་ནས་ཐེངས་མང་པོར་བོད་ཆོས་ལྡན་ཞེས་པར་མིང་དོན་མཚུངས་བའི་རྫོགས་ལྡན་གྱི་སྐལ་བཟང་འདི་འདྲ་མང་པོ་ཤར་ནས་དམ་ཆོས་ཀྱི་བགོ་སྐལ་ཕངས་མེད་དུ་བསྩལ་མྱོང་།།
ཡང་དག་པའི་དད་པའི་སྟོབས་ཀྱིས་བདེ་བ་ཅན་དུ་སྐྱེ་ཆོག་པའི་གསུང་ཚད་མ།
མཁན་ཆེན་བླ་མ་ཚུལ་ཁྲིམས་བློ་གྲོས།
འུ་ཅག་ཚེ་འདིར་འཕྲད་པར་མ་གྱུར་ཀྱང་།།
ཕྱི་མ་བདེ་ཆེན་དག་པའི་ཞིང་མཆོག་ཏུ།།
ཚོམ་བུ་གཅིག་ཏུ་འཚོགས་པའི་སྨོན་ལམ་འདེབས།།
དགའ་བར་གྱིས་ཤིག་དད་ལྡན་ཕོ་མོ་རྣམས།
༧ངག་དབང་བློ་གྲོས་མཚུངས་མེད་ཀྱིས།
ངོ་མཚར་བདེ་ལྡན་དག་པའི་ཞིང་ཁམས་ན།།
མགོན་པོ་འོད་དཔག་མེད་ཀྱི་ངོ་བོར་བཞུགས།།
སྐྱབས་གཅིག་ཡིན་བཞིན་ནོར་བུར་གསོལ་བ་འདེབས།།
བདེ་བ་ཅན་དུ་སྐྱེ་བར་བྱིན་གྱིས་རློབས།།
དད་མོས་དང་རྨོངས་དད་ཀྱི་ཁྱད་པར།
གསུང་བ་པོ། མཁན་པོ་བསོད་དར་རྒྱས།
དད་མོས་ལ་རིགས་མང་ཡང་ང་རང་ནང་པ་ཞིག་ཡིན་པའི་ཆ་ནས། དེ་རིང་གཙོ་བོ་ཆོས་ལུགས་ཀྱི་དད་མོས་དེ་བཤད་རྒྱུ་ཡིན། དེང་སྐབས་འཛམ་གླིང་འདིར་ཆོས་ལུགས་སྣ་ཚོགས་ཡོད་ཀྱང༌། ཆོས་ལུགས་སོ་སོ་ལ་བསྟན་དོན་ཡང་མི་འདྲ་བ་རེ་ཡོད། ཆོས་ལུགས་གང་ཞིག་ལ་དད་མོས་ཡོད་ན་དེ་ལ་རྗེས་དཔག་གི་ཤེས་རབ་རེ་དགོས་པ་རེད། དེང་སང་མི་རྣམས་ཀྱི་དད་མོས་དེ་རྨོངས་དད་ཀྱི་རྗེས་སུ་སོང་ནས། ཁོ་ཚོ་དགོན་པ་ཞིག་ཏུ་སླེབས་པའམ། བླ་མ་ཞིག་དང་མཇལ་བའམ། ཡང་ན་དགེ་འདུན་པའི་འདུས་སྡེ་ཞིག་དང་འཕྲད་དུས་སེམས་ལ་ལྷིང་འཇགས་དང་དགའ་བདེ་ཐོབ་པ་དེ། རང་གི་དད་མོས་ལ་ངོས་འཛིན་གྱིན་ཡོད། དད་མོས་འདིའི་རིགས་ནི། ཕྱི་རོལ་གྱི་རྒྱུ་རྐྱེན་སྣ་ཚོགས་ཀྱིས་བསྒྱུར་སླ་བས་རྗེས་དཔག་གི་དད་མོས་མིན།
འོ་ན་དད་མོས་གང་དེ་བརྟན་པ་ཡིན་ཞེ་ན། དཔེར་ན་ཁྱོད་ཀྱིས་སངས་རྒྱས་ཆོས་དང་དགེ་འདུན་གསུམ་ལ་ཡིད་ཆེས་ཡོད་པ་དེ་ལ། བློ་གྲོས་ཀྱི་རྩལ་གྱིས་བརྟག་དཔྱད་དང་གཤིབ་བསྡུར་བྱས་ནས། ཁམས་གསུམ་ན་ཆེས་རླབས་ཆེ་བ་ནི། སངས་རྒྱས་དང་དེས་བསྟན་པའི་དམ་ཆོས་ཡིན་པར་རྟོགས་པ་དེ་ཡིན། འདི་ལྟ་བུའི་ཡིད་ཆེས་ནི། ལུས་ཀྱི་རྣམ་འགྱུར་དང་ངག་གིས་བཤད་པ་ཙམ་མ་ཡིན་པར། ནང་སེམས་ཀྱི་གཏིང་རུམ་ན་ཡོད་ཅིང་། དེ་ལ་ཕྱིར་མི་ལྡོག་པའི་དད་མོས་ཟེར། འདིར་བཞུགས་ཀྱི་ཤེས་ཡོན་པ་རྣམ་པས། འདི་ལྟ་བུའི་ཡིད་ཆེས་ལ་རེ་སྙེགས་བྱེད་དགོས་པ་རེད། དེ་ལྟར་མིན་ཚེ་རང་གི་དད་མོས་དེ་བླུན་རྨོངས་ཅན་དང་རྨོངས་དད་དུ་སོང་ནས། ནམ་ཞིག་རང་ཉིད་ཀྱི་བློར་མི་འབབ་པའི་དོན་རྐྱེན་དང་འཕྲད་ཚེ་རང་གི་དད་མོས་རྟེན་ལ་དད་ལོག་སྐྱེ་སྲིད།
དེར་བརྟེན། རང་གི་རིག་པ་དང་། ཡང་དག་པའི་ལྟ་བ་ལས་བྱུང་བའི་དད་མོས་ལ་རང་ཉིད་བརྟེན་འོས་པ་ཞིག་ཡིན། ང་རང་གི་ངོས་ནས་བཤད་ན། ལོ་མང་པོ་ཞིག་ལ་ཡིག་བསྒྱུར་གྱི་ལས་ཀ་གཉེར་བ་དང་མཉམ་དུ། གཞན་ལ་ནང་ཆོས་འཆད་ཁྲིད་བྱས་པ་ཡིན། གོ་རིམ་འདིའི་ཁྲོད་ནས་ཡང་དག་པའི་ལྟ་བ་ནི་ཧ་ཅང་གཙོ་ཆེ་བ་ཤེས་བྱུང༌། དེང་དུས་ཀྱི་སྤྱི་ཚོགས་འདི་ནི་སྙན་གྲགས་དང་རྒྱུ་ནོར་རྐྱང་རྐྱང་ལ་འབད་འབུངས་བྱེད་བཞིན་ཡོད་པ་དང༌། དཔེར་ན་གྲུག་སྐར（球星）དང་གྲགས་སྐར་（明星）དག་ལ་མི་ཁྲི་སྟོང་མང་པོས་ཡིད་སྨོན་དང་འཚོལ་སྙེག་བྱས་པ་ལྟ་བུ་ཡིན། དེ་ལྟར་རེ་སྨོན་དང་འཚོལ་སྙེག་བྱེད་པའི་དམིགས་ཡུལ་ནི། རང་ཉིད་གྲགས་སྐར་དུ་འགྱུར་འདོད་པ་མིན་པར་གྲགས་སྐར་དང་མཉམ་དུ་སྐད་ཆ་རེ་གཉིས་བཤད་པ་དང༌། མཉམ་དུ་པར་རེ་ལེན་རྒྱུ་ཙམ་རེད། འདི་དག་ལ་བསམ་བློ་ཞིབ་ཏུ་བཏང་ན་དོན་སྙིང་ཅི་ཡང་མི་འདུག
ཁོ་ཚོས་ཀྱང་རྒྱུ་མཚན་མ་ཤེས་པར་ཅི་དྲན་འདི་དྲན་མེད་པར་འཚོལ་སྙེག་བྱས་པ་ཡིན་ནའང་ཐང༌། མདོར་ན་སྤྱོད་པ་འདི་རིགས་ནི་ཡང་དག་མ་ཡིན་པའི་དད་མོས་ཡིན། ཁྱོད་ཚོ་ཚང་མས་དུས་ཡུན་རིང་པོའི་ནང་དུ་རིག་ཚན་དང་དངོས་ཚན་སོགས། རིག་གཞུང་མང་པོར་ཞིབ་འཇུག་བྱས་པས་རིག་པ་རྣོ་མྱུར་ཅན་རྐྱང་རྐྱང་ཡིན་རྒྱུ་རེད། འདི་ལྟ་བུའི་ཤེས་རབ་ནི། དང་པོ་འབྲེལ་ཡོད་ཤེས་བྱ་ལ་ཉན་དགོས་པ་དང་དེ་ནས་ཤེས་རྟོགས་དང༌། བསམ་གཞིག ཞིབ་དཔྱོད་བྱས་ཚེ་མཇུག་མཐར་རང་རྒྱུད་ལ་ཤེས་རིག་གི་ཁོར་ཡུག་ལེགས་པོ་ཞིག་ཆགས་འགྲོ་བ་རེད།
དེ་ནི་ནང་བསྟན་གྱི་ཐོས་བསམ་སྒོམ་གསུམ་དང་འདྲ་མཚུངས་ཡིན། ཁྱོད་ཚོར་འདི་འདྲའི་ཤེས་རབ་བཟང་པོ་ཡོད་དུས། རང་ཉིད་ཀྱི་དད་མོས་དེ་ལ་བརྟག་དཔྱད་ལེགས་པར་བྱས་ཏེ་རྨོངས་དད་མིན་པར་ཡང་དག་པའི་ལྟ་བ་བསྐྱེད་ཐུབ་ན། ཁྱོད་རང་ཉིད་དང་སྤྱི་ཚོགས་ཀྱི་ཚོགས་པ་གང་ལ་མཚོན་ནས་བཤད་ནའང་། ཡར་རྒྱས་དང་མདུན་བསྐྱོད་ཀྱི་སྒུལ་ཤུགས་སུ་འགྱུར་ངེས།
དགེ་ལས་ཐད་ཀྱི་བསམ་གཞིགས།
འཆད་ཁྲིད་པ། མཁན་པོ་བསོད་དར་རྒྱས།
ས་གནས། ཀན་སུའུ་མི་རིགས་དཔེ་སྐྲུན་ཁང་།སྐབས་བཞི་པའི་རྒྱལ་སྤྱིའི་སྤྱི་ཕན་དགེ་ལས་བགྲོ་གླེང་སྐབས་ཀྱི་གཏམ་བཤད།དུས་ཚོད། ༢༠༡༠ལོའི་ཟླ༦ཚེས༢༠ཉིན།
སྐྱེས་ཆེན་དམ་པ་དང་། དགེ་ལས་པ་རྣམ་པ་ཚང་མའི་སྐུ་ཁམས་བཟང༌། དེ་རིང་འདི་འདྲའི་མི་མང་པོ་ཞིག་དང་མཉམ་དུ། དགེ་ལས་ཀྱི་བརྗོད་གཞི་ལ་བསམ་བློ་བརྗེ་རེས་བྱེད་པ་འདི་ཧ་ཅང་ལས་དང་བསོད་ནམས་ལྡན་པ་ཞིག་རེད། ང་རང་གི་ངོས་ཐད་ནས་བཤད་ན་ནང་པ་སངས་རྒྱས་པའི་ཆོས་པ་ཞིག་ཡིན་ལ། དེ་ཡང་། ནང་ཆོས་ལས་ཐེག་ཆེན་གྱི་ལྟ་བ་མདོར་བསྡུས་ན་མིའི་རིགས་སམ་འགྲོ་བ་སེམས་ཅན་ཐམས་ཅད་ལ་ཕན་པ་བསྒྲུབ་རྒྱུ་དེ་རེད། དེའི་སྟབས་ཀྱིས། དེ་རིང་ལྷན་རྒྱས་རྣམ་པ་ཚོ་དང་ཆབས་ཅིག དགེ་ལས་སྒྲུབ་ཚུལ་ཐད་ཕན་ཚུན་ལ་བགྲོ་གླེང་དང་དཔྱད་ཞིབ་བྱེད་པར་ང་རང་ཤིན་ཏུ་དགའ་པོ་བྱུང་། གཅིག དགེ་ལས་ནི་སེམས་གཙོ་བོ་ཡིན་ཚུལ། སྤྱིར་དགེ་ལས་ཟེར་བ་ལན་ལ་རེ་བ་མེད་པའི་སྒོ་ནས་སེམས་ཅན་ཐམས་ཅད་ལ་ཕན་པ་བསྒྲུབ་རྒྱུ་དེ་རེད། འདིའི་ཕྱོགས་ལ་འབྱོར་ལྡན་རྣམས་ཀྱིས་རྒྱུ་དང་དངུལ་གྱི་རྒྱབ་སྐྱོར་དང༌། འབྱོར་མེད་རྣམས་ཀྱིས་དགེ་སེམས་བསྐྱེད་ནའང་འགྲིག ང་ཚོ་འཛམ་གླིང་གི་མི་ཚང་མ་འབྱོར་ལྡན་བྷེལ་ཀེ་ཚི་（Bill Gates) དང་བྷ་ཧྥེས་ཐུ་（Warren Buffett) ལྟ་བུ་རུ་འགྱུར་རྒྱུའི་རེ་བ་མེད་ན་ཡང༌། སྒོམ་སྒྲུབ་མ་ཁྲི་རཱེ་ས（Mother Teresa of Calcutta)ལྟ་བུ་ལ་སློབ་སྦྱོང་བྱེད་དགོས་པ་ཡིན། ཐོག་མར་རང་དང་རང་གི་ཉེ་འགྲམ་ནས་མགོ་བརྩམས་ཏེ་ཐུགས་ཁུར་བྱ་དགོས། དེ་ཡང་ཁྲི་རཱེ་ས་ནི་གནམ་བདག་ཆོས་ལུགས་ཀྱི་སྒོམ་སྒྲུབ་མ་ཕལ་བ་ཞིག་ཡིན། དང་ཐོག་ཁོ་མོ་སྒོམ་གྲྭའི་ཕྱི་རོལ་གྱི་ཉམ་ཐག་པའི་གནས་ཚུལ་དང་འཕྲད་རྗེས། བློ་ཐག་རྦད་ཆོད་ཀྱིས་ལྷ་ཡུལ་ལྟ་བུའི་བག་ཕེབས་ཀྱི་འཚོ་བ་འདོར་བར་སེམས་ཐག་བཅད་དེ། ཚེ་གཅིག་གི་དུས་ཚོད་བེད་སྤྱད་དེ་སེམས་ཅན་སྡུག་བསྔལ་ལས་སྐྱོབ་པའི་འོས་འགན་དང་དུ་བླངས་ནས། མཛེ་ནད་ཅན་ལ་ནད་གཡོག་སོགས་ཆེས་དཀའ་བའི་ལས་ཀ་བསྒྲུབས། ཕར་བལྟས་ཚོད་ལ་ཁོ་མོ་ནི་ཆེས་སྤྱིར་བཏང་གི་སྐྱེས་མ་ཞིག་རེད། ཡིན་ནའང་། དོན་དངོས་སུ་ཁོ་མོས་བསྒྲུབས་པའི་བྱ་བ། ང་ཚོའི་བློའི་ཡིད་ལས་འགོངས་པ་ཞིག་རེད། ལོ་དྲུག་གི་ནང་ལ་གཞན་གྱིས་དོར་བའི་བྱིས་པ་དྲུག་ཁྲི་ལྷག་བསྡུ་ལེན་དང་། གསོ་སྐྱོང་བྱས། མོས་དགེ་ཕྱོགས་ལ་བཅིངས་པའི་གཞན་ཕན་གྱི་སྙིང་རྗེ་ཆེན་པོས་མེ་འོབས་ན་འཚོ་བའི་ཉམ་ཐག་གི་ཚེ་སྲོག་མང་པོ་བསྐྱབས། དེ་བཞིན་དུ་འཛམ་གླིང་ཁྱོན་ཡོངས་སུ་མོའི་སྙིང་སྟོབས་དང་ལྷག་བསམ་ལ་ཡིད་སྨོན་བྱེད་ཀྱིན་ཡོད། ༡༩༧༩ ལོར་མོ་ལ་ནོ་བྷེལ་ཞི་བདེ་གཟེངས་རྟགས་ཐོབ། ན་ནིང་ནོ་བྷེལ་ཐེབས་རྩ་ཚོགས་པས་ཁོ་མོ་ནི་མི་ལོ་བརྒྱ་ཕྲག་གི་ལོ་རྒྱུས་ནང་། ཆེས་གུས་པར་འོས་པའི་ནོ་བྷེལ་གཟེངས་རྟགས་ཐོབ་མཁན། མི་གསུམ་གྱི་ཡ་གྱལ་དུ་བདམས་པ་རེད།༼ཐོབ་མཁན་གཞན་གཉིས་ནི༡༩༢༡ལོར་དངོས་ལུགས་རིག་པའི་གཟེངས་རྟགས་ཐོབ་མཁན་ཨེ་དབྱིན་སི་ཐན་（Einstein) དང་། ཅིག་ཤོས་ནི༡༩༦༤ལོར་ཞི་བདེ་གཟེངས་རྟགས་ཐོབ་མཁན་མར་ཁྲེན་ལོ་ངྷར་ཁེན（Martin Luther King, Jr)གཉིས་རེད༽ དེར་བརྟེན། ནང་ཆོས་པ་དང་གནམ་བདག་ཆོས་ལུགས་པ་སོགས་ཆོས་པ་གཞན་དག་གང་ཡིན་ཡང༌། དགེ་ལས་ལ་བསྟེན་ཏེ་གཞན་ལ་རོགས་སྐྱོར་བྱ་རྒྱུ་ནི། ཧ་ཅང་གི་དོན་སྙིང་ལྡན་པ་ཞིག་རེད། སྤྱིར་མི་ཚེའི་འཚོ་གནས་ལ་དམིགས་བྱ་ཅི་རིགས་ཡོད་ཀྱང༌། གལ་ཏེ། ནང་གི་བསམ་བློ་སྒེར་སེམས་སྒེར་ཕན་གྱིས་ཁེངས་ནས། ཕྱིའི་དངོས་པོ་རྐྱང་པ་དོན་གཉེར་བྱས་ན་འཚོ་བའི་ཆ་རྐྱེན་ཇི་འདྲ་བཟང་ཡང༌། འཇིག་རྟེན་ཇི་འདྲའི་མཛེས་སྡུག་ཆགས་རུང༌། ཐམས་ཅད་ལ་དོན་སྙིང་གང་ཡང་མེད་པ་ཞིག་རེད། དེས་ན་མི་ཚེ་ལ་དངོས་གནས་རིན་ཐང་ལྡན་པ་ཞིག་བྱེད་འདོད་ན། ནང་ཆོས་རིག་པའི་གཞན་ཕན་བསམ་བློས། རང་སེམས་ལེགས་བཅོས་བྱས་ཏེ་འབད་པ་ཡོད་ཚད་ཀྱིས། ལན་དང་རྣམ་སྨིན་ལ་མི་རེ་བ་ནི་ཆེས་དོན་སྙིང་ཅན་ཞིག་རེད། འོན་ཀྱང། དེང་སྐབས་མི་མི་ཉུང་བ་ཞིག་གི་སེམས་ལ་དགེ་ལས་ནི་འབྱོར་ལྡན་པས་རང་སེམས་བདེ་བྱེད་ཀྱི་བྱ་བ་ཞིག་ལས་དམངས་ཕལ་བ་ཞིག་ཡིན་ན་དེའི་རིགས་ལ་འབྲེལ་བ་ཆེན་པོ་མེད་བསམས་ཏེ། མནོ་བསམ་མི་གཏོང་ཞིང་གཙིགས་ཆེན་མི་བྱེད་པའི་འདུ་ཤེས་འདིའི་རིགས་ནི། ནོར་འཁྲུལ་རེད། འདིའི་ཐད་དུ་ངས་ནམ་རྒྱུན་སེམས་ལ་བརྗེད་དཀའ་བའི་གཏམ་རྒྱུད་ཅིག་དྲན་བྱུང་། ༢༠༠༧ལོའི་ཟླ༢པའི་ཚེས༡༦ཉིན། བགྲེས་ཡོལ་ངལ་གསོ་བྱས་མ་ཐག་པའི་མཉམ་འབྲེལ་རྒྱལ་ཚོགས་ཀྱི་དྲུང་ཡིག་ཆེན་མོ་ཨན་ནན（kofi a.annan) གྱིས་རང་སྒེར་གྱི་གཞིས་ཀ་རུ་དགེ་ལས་ཐད་ཀྱི་དགོང་གསོལ་ཐེངས་གཅིག་སྤེལ་ཏེ། ཧྥེ་གླིང་གི་དབུལ་ཕོངས་བྱིས་པར་དམིགས་ཏེ་ཞལ་འདེབས་བསྡུ་ལེན་བྱས། ཚོགས་འདུ་ལ་ཞུགས་པའི་མི་སྣ་ཚང་མ་ནི། ཚོང་བ་དང་འབྱོར་ལྡན་སོགས་སྤྱི་ཚོགས་སྟེང་གི་སྐད་གྲགས་ཅན་གྱི་མི་སྣ་ཤ་སྟག་རེད། དགོང་གསོལ་མགོ་རྩོམ་སྐབས། རྒན་མོ་ཞིག་གིས་བུ་མོ་ཆུང་ཆུང་ཞིག་ལག་མགོར་ཁྲིད་དེ་གཞིས་ཀའི་སྒོ་རུ་སླེབས། བུ་མོ་ཆུང་ཆུང་དེས་དཀར་དམ་སྤུས་དག་ཅིག་ལག་ཏུ་བསྣམས་ནས་ཡོད། བདེ་སྲུང་པས་དེ་མཐོང་མ་ཐག་ཏུ་རྒན་མོ་དང་བུ་མོ་ཆུང་ཆུང་གཉིས། ནང་དུ་འགྲོར་མ་བཅུག་པར་ཁྱོད་གཉིས་ཀྱི་གདན་འདྲེན་ཞུ་ཡིག་སྟོན་རོགས། མགྲོན་འབོད་ཞུ་ཡིག་མེད་ན་ནང་ལ་འགྲོ་མི་ཆོག་ཅེས་ལབ་པ་རེད། བུ་མོ་ཆུང་ཆུང་གིས། ངས་བརྙན་འཕྲུལ་ནང་དུ་ཧྥེ་གླིང་བྱིས་པར་ཆེད་སྒྲུབ་རོགས་སྐྱོར་ཞལ་འདེབས་ཀྱི་བྱ་འགུལ་སྤེལ་བ་འདི་ཤེས་པ་ཡིན། ཉམ་ཐག་སྙིང་རྗེ་བའི་བྱིས་པ་དེ་དག་ལ་བྱ་བ་ཆུང་ཆུང་ཞིག་བསྒྲུབ་བསམ་ནས། ང་རང་ཉིད་ཀྱི་དཀར་དམ་ནང་གི་བསོགས་དངུལ་ཚང་མ་བླངས་ཏེ་ཁོ་ཚོར་འབུལ་འདོད་ཡོད་ཅེས་བཤད་ན་ཡང༌། བདེ་སྲུང་པས་མགྲོན་འབོད་ཞུ་ཡིག་མེད་ན་ནང་ལ་འགྲོ་མི་ཆོག་པའི་གནས་ལུགས་བཤད་པར་མ་ཟད། ད་དུང་ས་གནས་འདི་ལྟ་བུ་ལ་ཁྱེད་གཉིས་འོང་བ་འོས་འཚམས་མ་རེད་ཅེས་ལབ། བུ་མོ་ཆུང་ཆུང་གིས། ཨ་ཁུ། དགེ་ལས་ནི་སྒོར་མོ་མ་རེད། གཙོ་བོ་སེམས་མ་ཡིན་ནམ་ཞེས་བཤད་པས། ཁོ་མོའི་སྐད་ཆ་དེས་བདེ་སྲུང་པ་ཧོན་འཐོར་ནས་སྡོད་དུ་བཅུག་སོང༌། ཡིན་ནའང་། བུ་མོ་ཆུང་ཆུང་དེས་ཇི་ལྟར་ཐབས་བཀོད་འཐེན་ཡང་རང་ཉིད་ནང་དུ་འགྲོ་མི་ཐུབ་པ་ཤེས་ནས། ཁོ་མོའི་ལག་ཏུ་བཏེགས་པའི་དཀར་དམ་བདེ་སྲུང་པར་གཏད་དེ། མགྲོན་འབོད་བྱས་པའི་མི་དག་ལ་སྒོར་མང་པོ་ཡོད་པ་ངས་ཀྱང་ཤེས། ཁོ་ཚོས་སྒོར་མོ་མང་པོ་སྟེར་ངེས་ཅན་རེད། ང་ལ་དེ་འདྲའི་སྒོར་མང་པོ་མེད། ཡིན་ནའང་། འདི་ནི་ངའི་སྒོར་མོ་ཡོད་ཚད་ཡིན། ང་དངོས་གནས་ནང་དུ་འགྲོ་མི་ཆོག་ན། ཁྱེད་ཀྱིས་ང་ལ་རོགས་བྱས་ཏེ་འདི་ནང་ལ་འཁྱེར་རོགས་ཞེས་རེ་ཞུ་བྱས། དེའི་སྐབས་སུ། གློ་བུར་དུ་འགྲམ་ནས་རྒན་པོ་ཞིག་གིས། བྱིས་པ། དེ་འདྲ་བྱེད་མི་དགོས། ཁྱོད་ཀྱིས་བཤད་པ་འགྲིག་འདུག དགེ་ལས་ནི་སྒོར་མོ་མ་རེད། གཙོ་བོ་སེམས་རེད། ཁྱོད་ནང་དུ་སོང་ཆོག དགེ་སེམས་ཅན་གྱི་མི་ཡོད་ཚད་ནང་ལ་འགྲོ་ཆོག་པ་རེད་ཟེར། ཁོ་ནི་མཚན་སྙན་འབར་བའི་ཨ་རི་རྒྱལ་ཁབ་ཀྱི་རྐང་ལྷ་（股神）རུ་འབོད་པའི་བྷ་ཧྥེས་ཐུ་（Warren Buffett)རེད། དེའི་རྗེས་སུ་དགེ་ལས་དགོང་གསོལ་གྱི་བརྗོད་བྱའི་ཁ་བྱང་ལ་དགེ་ལས་ནི་སྒོར་མ་རེད་གཙོ་བོ་སེམས་ཡིན་ཞེས་བསྒྱུར། ཉིན་དེའི་མི་སྣ་གཙོ་བོ་ནི་ཨ་སྒོར་ཁྲི་སུམ་བརྒྱ་ཕུལ་བའི་བྷ་ཧྥེས་ཐུ་མ་ཡིན་ལ། ཨ་སྒོར་ཁྲི་བརྒྱད་བརྒྱ་སྦྱིན་པའི་བྷེལ་ཀེ་ཚི་（Bill Gates)ཡང་མ་ཡིན་པར་ཨ་སྒོར་སུམ་ཅུ་ཕུལ་བའི་བུ་མོ་ཆུང་ཆུང་དེ་རེད། དགོང་གསོལ་དེར་སྤྲོ་སེམས་ཀྱི་ཐལ་མོ་རྡེབ་སྒྲས་དགའ་བསུ་ཆེས་མང་པོ་ཐོབ་མཁན་མོ་རང་རེད། གཏམ་རྒྱུད་འདིའི་མཚོན་དོན་ཅི་ཞིག་རེད། དགེ་ལས་ནི་འབྱོར་ལྡན་ཀུན་གྱི་ཆེད་ལས་ཞིག་མ་ཡིན་པར། འབྱོར་མེད་ཀྱང་དགེ་ལས་ལ་ཞུགས་ཆོག་པ་བསྟན་ཡོད། དོན་དག་འདིའི་ཐད་ནས་འཁྲབ་སྟོན་པ་གྲགས་ཅན་ལེས་ལེན་ཅེའི（李连杰) ༼གཅིག་ཐེབས་རྩ་ཚོགས་པ།（壹基金会）༽ཡིས་བསྒྲུབས་པ་ནི་ཧ་ཅང་བཟང༌། ཁོའི་ཐེབས་རྩའི་མི་རེ་རེས་ཟླ་གཅིག་ལ་སྒོར་གཅིག་གམ་ཡང་ན་དུས་ཚོད་གཅིག་ལ་གླ་མེད་པའི་ལས་ཀ་བྱེད་དགོས་ཞེས་འབོད་བསྐུལ་བྱས། དེ་ལྟར་ན་དགེ་སེམས་ཡོད་པ་སུ་ཡིན་ཡང་དགེ་ལས་ནང་ཞུགས་ཆོག་པ་རེད།
