འཛམ་གླིང་ཨེ་ཛི་ཉིན་མོའི་བྱེད་སྒོ་དང་མཁན་ཆེན་ཚུལ་ཁྲིམས་བློ་གྲོས་མཆོག་གི་གསུང་གསར།
མི་ལོ་བཅུ་གཉིས་ཀྱི་རིང་ལ་ཨེ་འགོག་གི་ལས་ཀ་བསྒྲུབས་པར་གྲུབ་འབྲས་བཟང་པོ་ཐོབ་པ་འདི། དགའ་འོས་པ་དང་། སྤྲོ་འོས་པ། སྤོབས་པ་རྒྱས་འོས་པ་ཞིག་རེད།
མཁན་ཆེན་ཚུལ་ཁྲིམས་བློ་གྲོས་ནས།
ལོ་བཅུ་གཉིས་ནི་ཆོས་འཇིག་རྟེན་གང་ལ་འབད་རུང་། ཆེས་མ་ནོར་བའི་དུས་བཟང་ཡིན་པས། ཁྱེད་རྣམ་པ་ལོ་བཅུ་གཉིས་ལ་དགེ་ལས་སུ་ཞུགས་པ་ནི་ཆེས་རིན་ཐང་དང་ལྡན་པ་ཞིག་རེད།
མཁན་ཆེན་ཚུལ་ཁྲིམས་བློ་གྲོས་ནས།
ཨེ་འགོག་གི་བྱ་བ་ནི་ཤི་བོའི་ཆོས་དང་གསོན་པོའི་སྨན་དང་འདྲ་བས། ནད་པ་མང་པོ་ཞིག་གི་སྐྱབས་དང་སྐྱོབ་པ་རུ་གྱུར་བ་ནི་མི་འཇིགས་སྐྱབས་སྦྱིན་གྱི་ལས་ཡིན་པས། རང་གི་བསོད་ནམས་ཡིན་ལ་ལམ་མ་ནོར་བའང་ཡིན།
མཁན་ཆེན་ཚུལ་ཁྲིམས་བློ་གྲོས་ནས།
མངོན་བུད་ཨེ་ཛིའི་ནད་དུག་ཅན་ཨ་གཡང་།
འཇོ་མདའ་དཔལ་འབྱོར་དང་ཨ་གཡང་སོགས་ཀྱིས་མངོན་འབུད་བྱས་པས། མང་ཚོགས་མང་པོ་ཞིག་གི་འཕྲོད་བསྟེན་གྱི་འདུ་ཤེས་གོང་མཐོར་བཏང་ཡོད་ལ། ནད་པ་མང་པོ་ཞིག་ལ་གཞན་ལས་ལྷག་པའི་ནུས་པ་ཐོན་ཡོད།
མཁན་ཆེན་ཚུལ་ཁྲིམས་བློ་གྲོས་ནས།
ཁྱེད་རྣམ་པ་ལོ་རེ་ནས་རེ་བཞིན་ཆེད་ལས་རང་བཞིན་དང་། དེང་རབས་རང་བཞིན། སྲོལ་མཐུན་རང་བཞིན་དུ་འགྱུར་བཞིན་འདུག་པས། ཡིད་ཆེས་དང་དགའ་གུས་བྱེད་འོས་པ་ཞིག་རེད།
ཚེ་བྷོ་ཐིང་ཀྲང་མཆོག་ནས།
མང་ཚོགས་ཀྱི་ནང་དུ་ཕྱིན་ནས་ཤེས་བྱ་དྲིལ་སྒྲོག་བྱེད་སྐབས། བློ་རྒྱ་བསྐྱེད་ནས་ཇི་ལྟར་བྱས་ན་མང་ཚོགས་ཀྱིས་དང་ལེན་ཐོབ་པ་དང་། ཇི་ལྟར་བྱས་ན་ཁོང་ཚོས་གོ་བ་ལོན་པ་སོགས་ཀྱི་ཐད་དུ། གསར་གཏོད་རང་བཞིན་གྱི་བྱེད་ཐབས་སྤྱད་པས་འདིར་ང་ཚོས་ཀྱང་སློབ་སྦྱོང་བྱ་འོས་པ་ཞིག་རེད།
ཚེ་བྷོ་ཐིང་ཀྲང་མཆོག་ནས།
