ئۈندىدار سالۇنى تەرجىمىسى
م430 مىڭ ئەسكەر يىقىلدى،12 مىڭ 600 تانكا پارتلاپ پارە - پارە بولۇپ كەتتى! ئامېرىكا ئۇكرائىناغا نۇرغۇن مەبلەغ سېلىپ ياردەم بەردى، نەچچە 100 مىڭ دانە چوڭ كالبېرلىق زەمبىرەك ئوقى پاراخوتقا قاچىلاندى، رۇسىيە ئاز دېگەندە يەنە ئىككى يىل ئۇرۇش قىلىشى كېرەك
م2025 - يىلىنىڭ بېشىدا، ئۇكرائىنا ھۆكۈمىتى كىشىنىڭ دىققىتىنى تارتىدىغان يىللىق ھەربىي ئىشلار دوكلاتىنى ئېلان قىلدى. ئۇكرائىنا باش ئىشتابى ئاشكارىلىغان ھۆججەتكە ئاساسلانغاندا، ئۇكرائىنا ئارمىيەسى 2024 - يىلى كۆرۈنەرلىك نەتىجىلەرنى قولغا كەلتۈرۈپ، رۇسىيە ئارمىيەسىنىڭ 430 مىڭ ئەسكىرىي كۈچىنى مۇۋەپپەقىيەتلىك تارمار قىلىپ،40 كۈرەشچى ئايروپىلان، بەش ھەربىي پاراخوت،400 دىن ئارتۇق ھاۋا مۇداپىئە سىستېمىسىنى، شۇنداقلا 12 مىڭ 600 تانكا ۋە بىرونېۋىك ئاپتوموبىلىنى پاچاقلاپ تاشلىغان. خەلقئارانىڭ قوللىشى جەھەتتە، بىدېن پۈتۈن كۈچى بىلەن ۋەزىپە ئۆتەش مۇددىتى ئاخىرلىشىشتىن بۇرۇن دەسمايە سالدى، ئۇكرائىناغا ياردەم بېرىش سالمىقى مىسلىسىز بولدى.
ئاق ساراي ئېلان قىلغان ئەڭ يېڭى ياردەم بېرىش لايىھەسىدە كۆرسىتىلىشىچە، ئامېرىكا ئۇكرائىناغا نەچچە يۈز مىڭ زەمبىرەك ئوقى، نەچچە مىڭ باشقۇرۇلىدىغان بومبا ۋە نەچچە يۈز بىرونېۋىك يەتكۈزۈشنى پىلانلىغان. بۇنىڭدىن باشقا، ئامېرىكا يەنە ھاۋا مۇداپىئەسى ۋە تانكىغا قارشى باشقۇرۇلىدىغان بومبىنى ئۆز ئىچىگە ئالغان كۆپ خىل قورال - ياراغلار، شۇنداقلا 10 مىڭ توننىدىن ئارتۇق قىشلىق ھەربىي فورما، خەۋەرلىشىش قورالى، داۋالاش ئەسلىھەلىرى، دالا ئۇرۇشى يېمەكلىكلىرى، يەككە ئەسكەرلەر جابدۇقلىرى، قورال - ياراغ زاپچاسلىرى ۋە كېچىدە كۆرۈش ئۈسكۈنىلىرى قاتارلىق ئارقا سەپ ماددىي ئەشيالىرى بىلەن تەمىنلەشكە ۋەدە بەردى، ئومۇمىي قىممىتى 2 مىليارد 500 مىليون ئامېرىكا دوللىرىغا يېتىدۇ. ئامېرىكا بەش بۇرجەكلىك بىنانىڭ ياۋروپا ھەربىي قورال ـ ياراغلىرىغا مەسئۇل مۇئاۋىن دۆلەت مۇداپىئە مىنىستىرى مۇنۇلارنى تەكىتلىدى:ئۇكرائىنا ئارمىيەسىنىڭ كۆپ سەپ ۋە يۆنىلىشتىكى جىددىي ئېھتىياجىنى كۆزدە تۇتۇپ، ئامېرىكا 5 ـ «سامانيولى» ۋە 17 ـ «يەر شارى زومىگىرى» قاتارلىق چوڭ تىپتىكى ھەربىي ترانسپورت ئايروپىلانى ئارقىلىق باشقۇرۇلىدىغان بومبىنى ئۇكرائىنا ياكى دونباس ئالدىنقى سېپىدىكى كەسكىن جەڭ رايونىغا بىۋاسىتە توشۇشقا تەييارلىق قىلدى.
بۇ باشقۇرۇلىدىغان بومبىلار ھاۋادىن تاشلاش ياكى دالا ئۇرۇشى ئايرودرومىغا بىۋاستە قونۇش ئۇسۇلى ئارقىلىق ئۇكرائىنانىڭ ھەرقايسى ئۇرۇش قىسىملىرىغا تېز سۈرئەتتە تارقىتىپ بېرىلىدۇ. شۇنىڭ بىلەن بىر ۋاقىتتا، ھەر خىل تىپتىكى زەمبىرەك ئوقى، راكېتا بومبا ۋە 10 مىڭ توننىدىن ئارتۇق باشقا ئۇرۇش ماددىي ئەشيالىرىمۇ پاراخوتقا قاچىلىنىپ، ئۇكرائىناغا قاراپ يولغا چىقىدۇ. ئامېرىكىنىڭ بۇ ئىستراتېگىيەلىك مۇددىئاسى ناھايىتى ئېنىق:ھەرقانداق بەدەل تۆلەشتىن باش تارتماي، ئۇكرائىنانىڭ رۇسىيە بىلەن بولغان توقۇنۇشتا پۈتۈن كۈچى بىلەن ئاتلىنىشىنى قوللاش. شۇنىڭ بىلەن بىر ۋاقىتتا، رۇسىيە ئارمىيەسى شىمالىي يۆنىلىش ئارمىيەسىنىڭ باش قوماندانى رابىننىڭ ئاشكارىلىشىچە، ئۆتكەن بىر يىلدا، رۇسىيە ئارمىيەسى ئۇكرائىنا ئارمىيەسى كونتروللۇقىدىكى 214 ئولتۇراق نۇقتىسىنى مۇۋەپپەقىيەتلىك ئازاد قىلغان، بولۇپمۇ دونېچىك رايونىدىكى 142 ئولتۇراق نۇقتىسىنى مۇھىم ئورۇنغا قويغان. ھەربىي مۇتەخەسسىسلەرنىڭ پەرەز قىلىشىچە، رۇسىيە ئارمىيەسىنىڭ ئۆتكەن بىر يىللىق ئىلگىرىلەش سۈرئىتىگە ئاساسلانغاندا،
ئەگەر زور ئۆزگىرىش بولمىسا، دونېچىك مەمۇرىي لىنىيەسىنى ئەسلىگە كەلتۈرۈشكە يەنە ئىككى يىل ھەتتا ئۇنىڭدىنمۇ ئۇزاق ۋاقىت كېتىدىكەن. رۇسىيە ئارمىيەسىنىڭ ھۇجۇمى توختىمىدى، يېقىندا خېلسون رايونىدا داۋاملىق شىددەتلىك ھۇجۇم قىلدى، ئۇرۇش شەھەر رايونىنىڭ جەنۇبىي شەھەر ئەتراپىغىچە كېڭىيىپ، ۋەزىيەت بارغانسېرى جىددىيلەشتى. خېلسون ئۇرۇشىنىڭ تەييارلىق خىزمەتلىرى بۇلتۇر 11 - ئايدىلا ئاستا - ئاستا باشلاندى. رۇسىيە ئارمىيەسى يەرلىك خەلق ئەسكەرلىرى ۋە توختاملىق قىسىملارغا تايىنىپ، كېچىدە ئاندا-ساندا بۆسۈپ ئۆتۈش، دنېپر دەرياسىنىڭ ئوڭ قىرغىقىنى ئوت كۈچى بىلەن رازۋېدكا قىلىش قاتارلىق ۋاسىتىلەر ئارقىلىق خېلسونغا تەدرىجىي يېقىنلاشتى.
ئالدىنقى ھەپتە، روسىيە ئارمىيىسىنىڭ بۇ رايونغا بولغان ھۇجۇمى يەنىمۇ كۈچەيدى، بولۇپمۇ ئانتونوۋىسكى كۆۋرۈكىنىڭ ئوڭ قىرغىقىدا سىناق خاراكتېرلىك كۈچلۈك ھۇجۇم قوزغىدى، ھەتتا كلىنجى قاتارلىق جايلاردىكى ئاھالىلەرنى تارقاقلاشتۇرۇشقا باشلىدى، ئۇرۇش ۋەزىيىتىنىڭ مۇرەككەپلىكى ۋە تەخىرسىزلىكىنى نامايەن قىلدى. كەچ كىرگەندىن كېيىن، رۇسىيە ئارمىيەسىنىڭ پاراشۇتچىلار زەربىدارلار ئەترىتى توپ - زەمبىرەك ئوتىنىڭ ھىمايىسىدە، كېچىدە بۆسۈپ ئۆتۈش ئۇرۇشىغا ماسلاشتى.
جەڭ تەدرىجىي ھالدا تېخىمۇ چوڭقۇر قاتلامغا قاراپ ئىلگىرىلىدى، بۇ كۈچلۈك ھۇجۇم ھەرىكەتلىرى رۇسىيە ئارمىيەسىنىڭ مۇرەككەپ يەر شەكلى ئاستىدىكى تېز ئىنكاس قايتۇرۇش ئىقتىدارىنى نامايان قىلىپلا قالماي، كېيىنكى جەڭگە تېخىمۇ پۇختا ئاساس سالدى. شۇنىڭ بىلەن بىر ۋاقىتتا، رۇسىيە ئارمىيەسىنىڭ كۇراخوۋو ۋە كۇپىيانسك ئۇرۇش سېپىدىكى ئىلگىرىلىشىمۇ تەرتىپلىك ئېلىپ بېرىلدى. ئۇرۇش پىلانىغا ئاساسەن، كۇراخوۋو ئۇرۇشى ئاخىرقى باسقۇچقا كىردى، رۇسىيە ئارمىيەسىنىڭ زەربىدارلار ئەترىتى ئۇكرائىنا ئارمىيەسىنىڭ شەھەر ئىچىدىكى يادرولۇق بازىسى - تېرمو ئېلېكتىر ئىستانسىسى رايونىغا يېقىنلىشىپ، زاۋۇت رايونىغا ئۈزلۈكسىز ئىچكىرىلەپ كىردى.
ئەگەر ئۇكرائىنا ئارمىيەسى كۇراخوۋونى قولدىن بېرىپ قويسا، بۇ دونباسنىڭ غەربىي جەنۇبىدىكى ئۇرۇش سېپىنىڭ ئۈزۈل - كېسىل گۇمران بولۇشىنى كەلتۈرۈپ چىقىرىپلا قالماي، يەنە پوكروۋسك رايونىدىكى مۇداپىئە سېپىنىڭ زور دەرىجىدە قولدىن كېتىشىنى كەلتۈرۈپ چىقىرىشى مۇمكىن. كۇراخوۋو، ئۇگرەدار قاتارلىق ئۇرۇش رايونلىرىدا، رۇسىيە ئارمىيەسىنىڭ ئىلگىرىلەش ئۇسۇلى تەدرىجىي كەڭ كۆلەمدىكى ماشىنىلاشقان تۇيۇقسىز زەربە بېرىشنى ئاساس قىلىشقا ئۆزگەردى، رۇسىيە ئارمىيەسى بۇ كەڭ رايونلاردا ھەرىكەتچانلىقى يۇقىرى قىسىملارنىڭ جانلىقلىقىغا تايىنىپ، ئۇكرائىنا ئارمىيەسىنىڭ بازىسىنى تەدرىجىي پىلە قۇرتىدەك يەپ، ئەڭ ئاخىرىدا دونېچىك يادرولۇق رايونىنى ئىگىلەشكە تەييارلىق قىلدى.
