ئىسرائىلىيە بىلەن يەمەندىكى قۇسەي قوراللىق كۈچلىرىنىڭ باشقۇرۇلىدىغان بومبا ھۇجۇم قىلىش، مۇداپىئە ئۇرۇشى بىر يىلدىن كۆپرەك داۋاملاشقاندىن كېيىن، ئىسرائىلىيە يېقىندا ئاخىرى قارتىنى ئاشكارىلاپ، قۇسەي قوراللىق كۈچلىرىنى ئۈزۈل-كېسىل يوقىتىمىز دەپ جار سالدى. قۇسەي قوراللىق كۈچلىرىمۇ قىلچە ئاجىزلىق كۆرسەتمەي، ترايېكتورىيەلىك باشقۇرۇلىدىغان بومبا بىلەن توختىماي جاۋاب قايتۇردى.
سۈرەت ( يەمەننىڭ ئۆلكىسىدىكى بىر ئېلېكتىر ئىستانسىسى ئىسرائىلىيە ئارمىيەسىنىڭ ھاۋا ھۇجۇمىغا ئۇچرىدى )
ئىسرائىلىيە ئارمىيىسىنىڭ ئۇقتۇرۇشىغا قارىغاندا، شۇ يەر ۋاقتى 2024-يىلى 12-ئاينىڭ 26-كۈنى، ئىسرائىلىيە ئارمىيىسى يەمەندىكى قۇسى قوراللىق كۈچلىرىنىڭ سانا خەلقئارا ئايرودرومى، خودېدا پورتى ۋە باشقا جايلاردىكى ھەربىي ئەسلىھەلىرىگە ھاۋا ھۇجۇمى قىلغان. بۇ بۇلتۇر 9-ئاينىڭ 29-كۈنىدىن بۇيان ئىسرائىلىيە ئارمىيەسىنىڭ قۇسەي قوراللىق كۈچلىرىگە قوزغىغان 3-قېتىملىق كەڭ كۆلەملىك ھاۋا ھۇجۇمى.
ئىسرائىلىيە زۇڭلىسى نىتانىياخۇ شۇ
كۈنى ئىسرائىلىيە قۇسەي قوراللىق كۈچلىرىدىن ئىبارەت «ئىران ۋاكالەتچىسى»نى تاكى نىشانغا يەتكۈچە يوقىتىشقا بەل باغلىدى، دېدى.
خەۋەرلەرگە قارىغاندا، يېقىندا يەمەندىكى قۇسەي قوراللىقلىرى ئىسرائىلىيەگە كۆپ قېتىم باللىستىك باشقۇرۇلىدىغان بومبا ھۇجۇمى قىلغان. بۇلتۇر 12-ئاينىڭ 25-كۈنى، 27-كۈنى ۋە 31-كۈنى، مەزكۇر تەشكىلات ئۈچ قېتىم «پەلەستىن-2» تىپلىق ئاۋازدىن تېز سۈرئەتتە باللىستىك باشقۇرۇلىدىغان بومبا ئارقىلىق ئىسرائىلىيە چېگرىسى ئىچىدىكى نىشانلارغا ھۇجۇم قىلغانلىقىنى جاكارلىدى، بۇ بېن-گۇرىئون خەلقئارا ئايرودۇرۇمىغا ئىككى قېتىم ھۇجۇم قىلىشنى ئۆز ئىچىگە ئالىدۇ.
