དཀོན་མཆོག་གསུམ་གྱི་དབྱངས།
དཀོན་མཆོག་གསུམ་གྱི་དབྱངས།
ལྷ་མིའི་མུན་རིང་། འཇིག་རྟེན་སྨག་རུམ། སུ་ཡིས་སྣང་བར་བྱེད།
ཁམས་གསུམ་མེ་འོབས། སྡུག་བསྔལ་བརྒྱས་བཟེར། སུ་ཡིས་ཞི་བར་འདྲེན།
བརྩེ་ཆེན་མཁྱེན་ཡངས་མཐུ་སྟོབས་ཆེ། ན་མོ་བདྷ་ཡེ།
ཆོས་ཀུན་མངོན་སྣང་། སྐྱེ་དགུའི་མལ་སྟན། ཡོན་ཏན་བརྗོད་ལས་འདས།
ད་གཟོད་ནི། ཁྱོད་ཉིད་ལ། གཏན་གྱི་སྐྱབས་སུ་ཤེས།
ཚེ་ལུས་ཀུན། འབངས་སུ་འབུལ། དད་པས་བཀའ་བཞིན་བརྩོན།
བདེན་གཉིས་གཞི་འཟུང་། བསླབ་གསུམ་མངོན་འཕགས། ཡངས་ཡངས་ཆོས་ཀྱི་སྐུ།
ཡོན་ཏན་དག་རྫོགས། དྲི་ནད་ཡོངས་སྤངས། ཆེ་ཆེ་ཐར་པའི་གྲོང་།
རྐྱེན་རྣམས་སྟོང་ཉིད་སེམས་ཙམ་སྣང་། ན་མོ་དྷརྨ་ཡེ།
མ་ལུས་དོན་གསལ། མ་གྲོལ་སྒྲིབ་མེད། གང་དེ་འོད་སྟོང་འབར།
ད་གཟོད་ནི། ཁྱོད་ཉིད་ལ། གཏན་གྱི་སྐྱབས་སུ་ཤེས།
ཚེ་ལུས་ཀུན། འབངས་སུ་འབུལ། དད་པས་བཀའ་བཞིན་བརྩོན།
རྣམ་དག་ཁྲིམས་བསྲུང་། མཐུན་ཆོས་དྲུག་ལྡན། སྤུངས་རིའི་དཔལ་ལྟར་གནས།
སྒོམ་པའི་འབྲས་ཐོབ། ཆོས་སྤེལ་འགྲོ་ཕན། བསྟན་པའི་སྒྲོན་མེ་མཆེད།
ཐེག་གསུམ་འཕགས་པ་རབ་རྒྱས་རྒྱས། ན་མོ་སདྒ་ཡེ།
ཚོགས་རྣམས་ཡོངས་བསྡུད། ཀུན་ལ་ཆགས་མེད། དམ་ཆོས་གྲོང་ཁྱེར་འཛིན།
ད་གཟོད་ནི། ཁྱོད་ཉིད་ལ། གཏན་གྱི་སྐྱབས་སུ་ཤེས།
ཚེ་ལུས་ཀུན། འབངས་སུ་འབུལ། དད་པས་བཀའ་བཞིན་བརྩོན།
• • •
