ཟླ1པོའི་ཚེས3ཉིན་གྱི་སྔ་དྲོར་རྒྱལ་སྲིད་སྤྱི་ཁྱབ་ཁང་གསར་འགྱུར་གཞུང་ལས་ཁང་གིས་ཀྲུང་གོའི་དཔལ་འབྱོར་སྤུས་མཐོའི་གོང་འཕེལ་གྱི་གྲུབ་འབྲས་ཞེས་པའི་མུ་འབྲེལ་གསར་འགྱུར་ཡོངས་བསྒྲགས་ཚོགས་འདུ་འཚོགས་པ་དང་། རྒྱལ་ཁབ་འཕེལ་སྒྱུར་ཨུ་ལྷན་གྱི་འབྲེལ་ཡོད་འགན་འཁུར་བས། 2025ལོར“གསར་པ་གཉིས”ཀྱི་སྲིད་ཇུས་རྒྱ་སྐྱེད་བཏང་ནས་ལག་བསྟར་བྱ་རྒྱུར་ཤུགས་སྣོན་རྒྱུ་དང་། “གལ་ཆེན་གཉིས”ཀྱི་རྣམ་གྲངས་ལ་ཤུགས་ཚད་དེ་བས་ཆེ་བའི་སྒོ་ནས་རྒྱབ་སྐྱོར་བྱ་རྒྱུ་ཡིན་ཞེས་བརྗོད་འདུག
ཆུ་བེད་ལ་རྒྱབ་སྐྱོར་བྱེད་པའི་ཁྱབ་ཁོངས་དེ་རྒྱལ་ཡོངས་ཀྱི་ཞིང་ཆུ་གཏོང་ཡུལ་ཆེ་འབྲིང་རིགས་དང་། ཆུ་འདྲེན་ལས་གྲྭ་ཆེ་འབྲིང་རིགས་བར་རྒྱ་སྐྱེད་གཏོང་རྒྱུ།
གཙོ་གནད་གྲོང་ཁྱེར་ཚོགས་སྤྱིའི་གྲོང་ཁྱེར་དང་གྲོང་ཁྱེར་བར་གྱི་ལྕགས་ལམ་འཛུགས་སྐྲུན་སོགས་ཀྱི་རྣམ་གྲངས་དེ་རྒྱབ་སྐྱོར་ཁྱབ་ཁོངས་ནང་འཇུག་རྒྱུ། རྒྱལ་ཡོངས་ཁྱབ་ཁོངས་སུ་སྤྱི་ཚོགས་ཧྲིལ་པོའི་ཟོང་སྐྱེལ་མ་རྩ་ནུས་ལྡན་གྱིས་དམའ་རུ་གཏོང་བའི་བྱ་སྤྱོད་ཁྱོན་ཡོངས་ནས་སྤེལ་རྒྱུ་བཅས་རེད།
གཅིག་ནི་ཁྱབ་ཁོངས་རྒྱ་སྐྱེད་གཏོང་རྒྱུ། སྒྲིག་ཆས་གསར་བརྗེར་རྒྱབ་སྐྱོར་གཏོང་བའི་ཁྱབ་ཁོངས་དེ་གློག་རྡུལ་ཆ་འཕྲིན་དང་བདེ་འཇགས་ཐོན་སྐྱེད། སྒྲིག་བཀོད་ཞིང་ལས་སོགས་ཀྱི་ཁྱབ་ཁོངས་བར་རྒྱ་སྐྱེད་གཏོང་རྒྱུ་ཡིན་ལ། ཁ་པར་སོགས་གྲངས་འཛིན་ཐོན་རྫས་གསར་པ་ཉོ་བའི་ཁ་གསབ་ལག་བསྟར་བྱས་ནས། འཛད་སྤྱོད་པ་མི་སྒེར་གྱིས་ཁ་པར་དང་ངོས་ལེབ་གློག་ཀླད། རིག་ནུས་ལག་གདུབ་ཆུ་ཚོད་སོགས་རིགས་གསུམ་པོ་དེའི་གྲངས་འཛིན་ཐོན་རྫས་ཉོ་སྐབས་ཁ་གསབ་སྤྲོད་རྒྱུ་རེད། གཉིས་ནི་ཚད་གཞི་མཐོ་རུ་གཏོང་རྒྱུ། ནུས་ཁུངས་གསར་པའི་གྲོང་ཁྱེར་གྱི་སྤྱི་སྤྱོད་རླངས་འཁོར་དང་སྒུལ་ཤུགས་གློག་རྫས་ཀྱི་གསར་བརྗེ་དང་། ཞིང་ལས་འཕྲུལ་ཆས་བེད་མེད་ཟུར་བཞག་གི་གསར་བརྗེའི་ཁ་གསབ་སྤྲོད་པའི་ཚད་གཞི་སྔར་ལས་མཐོ་རུ་གཏོང་རྒྱུ་དང་། ཁྱིམ་ཆས་སྒྲིག་བཟོའི་འཛད་སྤྱོད་ཐོན་རྫས་ཀྱི་གསར་བརྗེར་རྒྱབ་སྐྱོར་གཏོང་བའི་ཤུགས་ཚད་ཆེ་རུ་གཏོང་རྒྱུ་རེད།
ཡོང་ཁུངས། ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་བོད་སྐད་རླུང་འཕྲིན།
རྩོམ་སྒྲིག་འགན་ཁུར་བ། དབང་ཆེན་དོན་འགྲུབ།
ལྟ་སྐུལ་བ། གཡང་འབུམ་ཚེ་རིང་།
责编/项吉当知
监制/杨本才让
投稿邮箱/3068276991@qq.com
བརྩམས་དབང་རྩོམ་མཁན་ལ་དབང་། དབང་གནོད་ཡོད་ཚེ་འཕྲལ་མར་ང་ཚོར་འབྲེལ་བ་གནང་རོགས།
版权归原作者所有，如有侵权请立即与我们联系
