مەزمۇن
ئەگەر سالۇنىمىزدىكى مەزمۇنلارسىزنىڭ نەشىر ھوقۇقىڭىزغا دەخلى-تەرىزى بولغان بولسابىزبىلەن ئالاقىلشىڭ ۋاقتىدا ئۆچۈرۈلىدۇ
مىسرانىم سالۇنى تەرجىمىسى
ئۇكرائىنانىڭ رۇسىيەنىڭ كۇرسىك ئوبلاستىدىكى ھەربىي ھەرىكىتى 32-كۈنىگە قەدەر داۋاملاشتى، پۇتىن خەلقئارا جىنايى ئىشلار سوت مەھكىمىسىنىڭ قولغا ئېلىش بۇيرۇقى بىلەن موڭغۇلىيەگە زىيارەتكە چىقتى،
قولغا ئېلىنمىدى.
كۇرسك جەڭ مەيدانىدا تىركىشىپ قالدى، ئۇكرائىنا ئارمىيەسى ئوڭۇشسىزلىققا ئۇچرىغاندىن كېيىن ئۇچقۇچىسىز ئايروپىلان بىلەن تۇيۇقسىز ھۇجۇم قىلىپ پاراكەندە قىلدى، رۇسىيە ئارمىيەسىنىڭ ئىككىنچى سەپتىكى مەجبۇرىيەت ئۆتىگۈچى ئەسكەرلىرى مۇداپىئەدە تۇردى.
پۇتىننىڭ كۇرسك ئۇكرائىنا ئارمىيەسىگە بولغان پوزىتسىيەسى ئۆزگەردى، رۇسىيە ئارمىيەسى 8-ئايدا ئۇرۇش نەتىجىسىگە ئېرىشتى ھەمدە كونترول رايونىنى يەنە كېڭەيتىشتىن ئۈمىد بار.
موڭغۇلىيە پۇتىننىڭ «پاناھگاھى» بولۇپ قالدى، رۇسىيە-ئۇكرائىنا توقۇنۇشىدا خەلقئارا جەمئىيەتتە بۆلۈنۈش كۆرۈلدى، بەزى دۆلەتلەر «ياراشتۇرغۇچى» بولدى، خەلق تىنچلىققا تەشنا بولدى.
ئۇكرائىنا ئارمىيەسىنىڭ قىزىل ئارمىيە كەنتى يۆنىلىشىدىكى ھۇجۇمى ئوڭۇشسىزلىققا ئۇچرىغاندىن كېيىن، تاكتىكىسىنى تېزدىن تەڭشەپ، ئۇچقۇچىسىز ئايروپىلاندىن پايدىلىنىپ يۇقىرى چاستوتىلىق، تۆۋەن سىجىللىقتىكى تۇيۇقسىز ھۇجۇم قىلىپ، رۇسىيە ئارمىيەسىنىڭ مۇداپىئە لىنىيەسىنى بۇزۇپ تاشلاشقا ئۇرۇندى.
بۇ خىل «چۈمۈلە پىلنى غاجاش» تاكتىكىسى ھەل قىلغۇچ غەلىبىگە ئېرىشەلمىگەن بولسىمۇ، لېكىن رۇسىيە ئارمىيەسىنىڭ زېھنىي كۈچى ۋە بايلىقىنى ئۈنۈملۈك خورىتىدۇ.
كۇرسك جەڭ مەيدانىدىكى تىركىشىش ھالىتىگە قارىتا، پۇتىننىڭ پوزىتسىيەسى بىر قېتىملىق نازۇك ئۆزگىرىشنى باشتىن كەچۈرگەندەك بولدى.
دەسلەپكى قاتتىق پوزىتسىيەدىن بۈگۈنكى كۈندە ئۇكرائىنا ئارمىيەسىنى «چوقۇم يىغىشتۇرىمىز» دەپ ئاشكارا جاكارلاشقىچە، بۇ ئۆزگىرىش دۆلەت ئىچىدىكى خەلق رايىغا قايتۇرغان ئىنكاس بولۇپلا قالماي، كەلگۈسى ئۇرۇش ۋەزىيىتىگە بولغان قەتئىي ئىشەنچ.
ئۇ تاكتىكىنى تەڭشەش ۋە ئىستراتېگىيەنىڭ جانلىقلىقىغا تېخىمۇ ئەھمىيەت بېرىپ، بېسىمنى ساقلاپ قېلىش ئارقىلىق رەقىبىنىڭ ئاجىزلىقىنى تېپىپ چىقىپ، ئۇرۇش ۋەزىيىتىنىڭ يامانلىشىشىنى ئىشقا ئاشۇرۇشقا تىرىشتى.
8-ئايغا نەزەر سالساق، رۇسىيە ئارمىيەسى كۆپ تەرەپلەردە كۆرۈنەرلىك ئىلگىرىلەشكە ئېرىشتى، كونترول قىلغان رايون 420 كىۋادرات كىلومېتىردىن ئېشىپ كەتتى، بۇ نەتىجە رۇسىيە ئارمىيەسىنىڭ جەڭگىۋارلىقىنى ئاشۇرۇپلا قالماي، يەنە كېيىنكى ھەرىكەتلەرگە پۇختا ئاساس سالدى.
ئاخباراتتا كۆرسىتىلىشىچە، روسىيە ئارمىيەسى ئەسكىرىي كۈچنى زىچ ئورۇنلاشتۇرۇپ، ئۇرۇش نەتىجىسىنى يەنىمۇ كېڭەيتىشكە تەييارلىق قىلىۋېتىپتۇ، مۆلچەرلىنىشچە يەنە 200 كۇۋادىرات كىلومېتىردىن ئارتۇق ئەمەلىي كونترول قىلىنىدىغان رايونغا ئېرىشىشتىن ئۈمىد بار ئىكەن.
بۇ بىر قاتار جەڭ نەتىجىلىرىنىڭ قولغا كەلتۈرۈلۈشى رۇسىيە ئارمىيەسى قوماندانلىق قاتلىمىنىڭ توغرا ھۆكۈم قىلىپ، جانلىق ماسلاشقانلىقىنىڭ نەتىجىسى، شۇنداقلا ئەسكەرلەرنىڭ قورقماي، قەيسەرلىك بىلەن ئېلىشقانلىقىنىڭ شاھىدى.
رۇسىيە ھاۋا ئارمىيەسىنىڭ كەينى-كەينىدىن زەربە بېرىشى ئۇكرائىنانىڭ نۇرغۇن جايلىرىغا غايەت زور بۇزغۇنچىلىق ئېلىپ كېلىپلا قالماي، ئۇكرائىنا ئارمىيەسىنىڭ تەمىنات لىنىيەسىنى كىرىزىسقا دۇچار قىلدى.
تېخىمۇ ئېغىر بولغىنى، ئامېرىكا قاتارلىق غەرب دۆلەتلىرى گەرچە ھەربىي ياردەم بىلەن تەمىنلەشكە ۋەدە بەرگەن بولسىمۇ، لېكىن ATACMS يىراق مۇساپىلىك باشقۇرۇلىدىغان بومبا قاتارلىق ھالقىلىق ئەسلىھەلەرنىڭ ئامبار زاپىسى چەكلىك بولۇپ، ئۇكرائىنانىڭ جىددىي ئېھتىياجىنى قاندۇرالمىدى.
دۆلەت ئىچىدىكى خەلقنىڭ ئۇرۇشقا بولغان ھارغىنلىقى ۋە نارازىلىق كەيپىياتىمۇ تەدرىجىي يامراۋاتىدۇ، قانداق قىلىپ خەلقنىڭ كۆڭلىنى تۇراقلاشتۇرۇش، كۈچنى مۇجەسسەملەش زېلېنسكى چوقۇم دۇچ كېلىدىغان رېئال مەسىلە بولۇپ قالدى.
بەزى دۆلەتلەر ئاكتىپلىق بىلەن «ياراشتۇرغۇچى»لىق رولىنى ئويناپ، دىپلوماتىيە يولى ئارقىلىق جىددىي ۋەزىيەتنى پەسەيتىپ، تىنچلىق مۇساپىسىنى ئىلگىرى سۈرۈشكە ئۇرۇندى.
تېخىمۇ كۆپ دۆلەتلەر مەنپەئەت توقۇنۇشى سەۋەبىدىن مەيدانى روشەن ھالدا سەپكە تىزىلىپ، خەلقئارا جەمئىيەتنىڭ بۆلۈنۈشى ۋە قارشىلىشىشىنى كۈچەيتىۋەتتى.
بۇنداق مۇرەككەپ خەلقئارا ئارقا كۆرۈنۈش ئاستىدا، تىنچلىقنىڭ تاڭ نۇرى ھەمىشە غۇۋا كۆرۈنۈپ تۇرىدۇ، ئەمما يەتكىلى بولمايدۇ.
مەيلى ئۇرۇش ئىس-تۈتەكلىرى قانچىلىك يامرىسۇن، مەيلى سىياسىي كۈرەش قانچىلىك كەسكىن بولسۇن، ئەڭ ئاخىرىدا ئۇرۇش ئازابىنى باشتىن ئاخىر ئادەتتىكى ئامما تارتىدۇ.
ئۇكرائىنانىڭ شەرقىي قىسمىدا سانسىزلىغان ئائىلىلەر چاك-چېكىدىن بۆسۈلۈپ، سەرگەردان بولۇپ كەتتى؛ رۇسىيەدىمۇ بارغانسېرى كۆپ كىشىلەر ئۇرۇشنىڭ ئەھمىيىتى ۋە قىممىتىدىن گۇمانلىنىشقا باشلىدى.
خەلقئارا جەمئىيەتتە،بارغانسېرى كۆپلىگەن خەلق ئاممىسى ھەر خىل ئۇسۇللار ئارقىلىق تىنچلىققا بولغان تەشنالىقى ۋە مۇراجىئىتىنى ئىپادىلىدى،ئۇلار سۆھبەتلىشىش ۋە كېڭىشىش ئارقىلىق تالاش-تارتىشنى زورلۇق كۈچ ۋە توقۇنۇش ئارقىلىق ھەل قىلىشنى ئۈمىد قىلىدۇ.
چوڭقۇرلاشقان قورشاۋ شاھمات : كۆپ تەرەپلىك كۈچ سىنىشىش
رۇسىيە-ئۇكرائىنا توقۇنۇشىنىڭ داۋاملىشىشىغا ئەگىشىپ، خەلقئارادىكى دىپلوماتىيە رىقابىتىمۇ كۈنسېرى كەسكىنلەشتى.
ب د ت خەۋپسىزلىك كېڭىشى كۆپ قېتىم جىددىي يىغىن ئېچىپ، توقۇنۇشنىڭ كۈچىيىشى، ئىنسانپەرۋەرلىك كىرىزىسى قاتارلىق مەسىلىلەرنى مۇزاكىرە قىلدى، لېكىن ھەرقايسى تەرەپلەرنىڭ مەيدانىدا ئىختىلاپ ئېغىر بولۇپ، ئورتاق تونۇش ھاسىل قىلالمىدى.
بۇنىڭ بىلەن ياۋروپا ئىتتىپاقى، شىمالىي ئاتلانتىك ئەھدى تەشكىلاتى قاتارلىق غەرب تەشكىلاتلىرى ئۇكرائىنانى قوللاشنى كۈچەيتىپ، ھەربىي جەھەتتە ياردەم بېرىپلا قالماي، يەنە ئىقتىساد، سىياسىي قاتارلىق ساھەلەردە بېسىم ئىشلىتىپ، رۇسىيەنى سۆھبەت ئۈستىلىگە قايتىپ كېلىشكە مەجبۇرلىماقچى بولدى.
روسىيە بۇنىڭلىق بىلەن چېكىنمىدى، ئەكسىچە مۇستەقىل دۆلەتلەر بىرلەشمىسىدىكى دۆلەتلەر، شاڭخەي ھەمكارلىق تەشكىلاتى قاتارلىق شېرىكلىرى بىلەن بولغان ھەمكارلىقنى كۈچەيتىپ، تېخىمۇ كەڭ بولغان خەلقئارا قوللاش تورىنى بەرپا قىلدى.
پۇتىن ھۆكۈمىتى دىپلوماتىيە يولى ئارقىلىق، رۇسىيەنىڭ ئۇكرائىنا مەسىلىسىدىكى مەيدانى ۋە كۆڭۈل بۆلىدىغانلىقىنى پائال شەرھلەپ، دۆلەتنىڭ بىخەتەرلىكى ۋە زېمىن پۈتۈنلۈكىنى قوغداشنىڭ مۇھىملىقىنى تەكىتلىدى.
جەڭ مەيدانىنىڭ سىرتىدا، ئۇچۇر ئۇرۇشى بىلەن پىسخىكا ئۇرۇشى ئىككى تەرەپ كۈچ سىنىشىدىغان يېڭى جەڭ مەيدانىغا ئايلاندى.
روسىيە بىلەن ئوكرائىنا ئىجتىمائىي ئالاقە ۋاستىسى، تېلېۋىزىيە، رادىئو قاتارلىق يوللاردىن پايدىلىنىپ، دۆلەت ئىچى ۋە سىرتىغا ئۆزلىرىنىڭ كۆز قارىشى ۋە مەيدانىنى تارقاتتى.
رۇسىيە تەرەپ كۆڭۈل قويۇپ پىلانلىغان تەشۋىقات ھۇجۇمى ئارقىلىق، ئۇكرائىنا ھۆكۈمەت ئارمىيەسىنىڭ «تاجاۋۇزچى» ئوبرازىنى ياراتماقچى بولدى.
ئۇكرائىنا بولسا رۇسىيەنىڭ توقۇنۇشتىكى زوراۋانلىقى ۋە ئۇرۇش جىنايىتىنى پاش قىلىش ئارقىلىق، خەلقئارا جەمئىيەتنىڭ ھېسداشلىقى ۋە قوللىشىنى قولغا كەلتۈردى.
بۇ خىل ئۇچۇر ئۇرۇشى بىلەن پىسخىكا ئۇرۇشىدىكى كۈچ سىنىشىش دۆلەت ئىچى-سىرتىدىكى ئاممىنىڭ توقۇنۇشقا بولغان تونۇشى ۋە پوزىتسىيەسىگە تەسىر كۆرسىتىپلا قالماي، خەلقئارا جامائەت پىكرىنىڭ يۆنىلىشىگىمۇ چوڭقۇر تەسىر كۆرسىتىدۇ.
توقۇنۇشنىڭ داۋاملىشىشىغا ئەگىشىپ،ئۇكرائىنانىڭ شەرقىي قىسمىدىكى ئىنسانپەرۋەرلىك كىرزىسى كۈندىن-كۈنگە ئېغىرلاشتى،نۇرغۇن ئامما سەرگەردان بولۇپ،يېمەكلىك،سۇ ۋە داۋالاش قاتارلىق ئاساسىي تۇرمۇش لازىمەتلىكلىرى كەمچىل بولدى.
توقۇنۇش يۈز بەرگەن رايوننىڭ بىخەتەرلىك ۋەزىيىتى مۇرەككەپ، ئۆزگىرىشچان بولۇپ، قۇتقۇزۇش خادىملىرىنىڭ كىرىشى تەس، ئۇل ئەسلىھەلەر ئېغىر دەرىجىدە بۇزغۇنچىلىققا ئۇچرىغاچقا، قۇتقۇزۇش ماددىي ئەشيالىرىنى توشۇش ۋە تارقىتىشمۇ ئىنتايىن قىيىن.
مۇشۇنداق ئارقا كۆرۈنۈش ئاستىدا، قايتا قۇرۇش خىزمىتى ئوخشاشلا زور خىرىسقا دۇچ كەلدى، ئۇكرائىنا ھۆكۈمىتى زور مىقداردا مەبلەغ ۋە بايلىق ئاجرىتىپ زىيانغا ئۇچرىغان ئۇل ئەسلىھەلەرنى ئەسلىگە كەلتۈرۈپ، نورمال ئىشلەپچىقىرىش، تۇرمۇش تەرتىپىنى ئەسلىگە كەلتۈرۈشى كېرەك.
گەرچە نۆۋەتتىكى ۋەزىيەت يەنىلا مۇرەككەپ ۋە كەسكىن بولسىمۇ، لېكىن تىنچلىقنىڭ تاڭ نۇرى تېخى پۈتۈنلەي ئۆچكىنى يوق، ئۇلار پەقەت تىنچلىق يولى ئارقىلىقلا ئۇزاققىچە مۇقىم بولۇش ۋە تەرەققىي قىلىپ گۈللىنىشنى ئىشقا ئاشۇرغىلى بولىدىغانلىقىنى تونۇپ يەتتى.
بۇنىڭ ئۈچۈن،خەلقئارا جەمئىيەت دىپلوماتىيە تىرىشچانلىقىنى داۋاملىق كۈچەيتىپ،ئىككى تەرەپنىڭ سۆھبەت ئۈستىلىگە قايتىپ كېلىشىنى ئىلگىرى سۈرۈشى،ھەر قايسى تەرەپلەرمۇ ئۆزىنى تۇتۇۋېلىپ سوغۇققان بولۇشى،زىددىيەتنى يەنىمۇ كەسكىنلەشتۈرىدىغان ھەرىكەت قوللىنىشتىن ساقلىنىشى كېرەك. ئۆتكەن بىر ئايدىكى ئۆزگىرىشلەرگە نەزەر سالىدىغان بولساق، روسىيە-ئۇكرائىنا توقۇنۇشىنىڭ كەلگۈسىنىڭ يەنىلا ئېنىقسىزلىققا تولغانلىقىنى تېپىش تەس ئەمەس.
جەڭ مەيدانىدىكى قاتمال ۋەزىيەت، دىپلوماتىيە جەھەتتىكى قورشاۋ شاھمات، خەلقئارا جەمئىيەتنىڭ بۆلۈنۈشى ۋە خەلقنىڭ تىنچلىققا بولغان تەشنالىقى مۇرەككەپ بىر تورنى شەكىللەندۈردى.
خۇددى تارىخ سانسىز قېتىم ئىسپاتلىغىنىدەك : مەيلى ئۇرۇش قانچىلىك دەھشەتلىك، قانچىلىك ئۇزۇن بولسۇن، تىنچلىقنىڭ تاڭ نۇرى ئاخىر يېتىپ كېلىدۇ.
بۇ جەرياندا، بىز تېخىمۇ كۆپ ئەقىل-ئىدراك ۋە ئۆزىنى تۇتۇۋېلىشقا، تېخىمۇ كۆپ پىكىر ئالماشتۇرۇش ۋە چۈشىنىشكە، شۇنداقلا تېخىمۇ كۆپ تىرىشچانلىق ۋە چىدامچانلىققا مۇھتاج.
ئىلان بېسىپ قوياڭلا خەلقىم ئۇندا قىلماي
قۇللاپ ئېلاننى چىكىپ قۇيۇپلا چىكەتسىڭىز بۇلدۇ قېرىندىشىم رەھمەتسىزگە
!!!دوسلار دېققەت
بىر قىسىم سېرىق مەزمۇن يوللايدىغان مەينەت،خەلىقنىڭ ئىدىيسىنى بۇلغايدىغان سالونلارنىڭ ئايلىق كىرىمى 20 مىڭدىن ئاشماقتا. ئەمما بىزدەك ساغلام ،پاكىز مەزمۇن يوللايدىغان سالونلارنىڭ ئايلىق كىرىمى 2000 يۈەنگىمۇ يەتمەيدۇ. ئاستىدىكى خەنزۇچە ئېلاننى بېسىپ قويسىڭىز بىزگە 3 مو پۇل كىرىدۇ، سىزدىن ھېچنىمە چىقىپ كەتمەيدۇ، مەينەت سېرىق سالونلارنى قوللامسىز؟!ياكى بىزنىمۇ تاللاش ئۆزىڭىزدىن!
سىزدىن بىر پۇڭ چىقىپ كەتمەيدۇ دۇستۇم ئاستىدىكى ئېلاننى چىكىپ قۇيۇپ چىقىپ كىتىڭ 👇
