སྙོར་སྐྱོང་བྱེད་དབང་ཐོབ་ཆེད་ནར་མ་སོན་པའི་བུ་ཕྲུག་སྦས་སྐུང་བྱས་ན་ཁྲིམས་དང་མཐུན་ནམ།
《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ནར་མ་སོན་པའི་མིའི་སྲུང་སྐྱོང་བྱེད་པའི་བཅའ་ཁྲིམས》ཀྱི་དོན་ཚན24པའི་གཏན་འཁེལ་ལྟར་ན། ནར་མ་སོན་པའི་མིའི་ཕ་མ་གཉེན་འཐོར་སྐབས་ནར་མ་སོན་པའི་ཕྲུ་གུ་གསོ་སྐྱོང་དང་སློབ་གསོ། ཐུག་འཕྲད། རྒྱུ་ནོར་སོགས་ཀྱི་དོན་དག་ཐག་གཅོད་འོས་འཚམ་བྱ་དགོས་ཤིང་། ནར་མ་སོན་པའི་མིའི་བསམ་འཆར་ལ་ཉན་དགོས། ནར་མ་སོན་པའི་བུ་ཕྲུག་བཙན་འཕྲོག་དང་སྦས་སྐུང་བྱེད་པ་སོགས་ཀྱི་བྱེད་སྟངས་ལ་བརྟེན་ནས་གསོ་སྐྱོང་བྱེད་དབང་རྩོད་མི་ཆོགནར་མ་སོན་པའི་མིའི་ཕ་མ་གཉེན་འཐོར་རྗེས་ནར་མ་སོན་པའི་ཕྲུ་གུ་དངོས་སུ་གསོ་སྐྱོང་མི་བྱེད་པའི་ཕྱོགས་དེས་གྲོས་མཐུན་དང་མི་དམངས་ཁྲིམས་ཁང་གིས་ཁྲིམས་གཅོད་བྱེད་པའམ་ཡང་ན་འདུམ་སྒྲིག་བྱས་ཏེ། གཏན་འཁེལ་གྱི་དུས་ཚོད་དང་བྱེད་སྟངས་ལྟར་ནར་མ་སོན་པའི་མིའི་སློབ་སྦྱོང་ངམ་འཚོ་བར་ཤུགས་རྐྱེན་མི་ཐེབས་པའི་གནས་ཚུལ་འོག ནར་མ་སོན་པའི་ཕྲུ་གུ་ཐུག་འཕྲད་བྱ་དགོས་ཤིང་། ཐད་ཀར་གསོ་སྐྱོང་བྱེད་པའི་ཕྱོགས་དེས་གཞོགས་འདེགས་བྱ་དགོས། འོན་ཀྱང་། མི་དམངས་ཁྲིམས་ཁང་གིས་བཅའ་ཁྲིམས་ལྟར་ཐུག་འཕྲད་བྱེད་དབང་མཚམས་འཇོག་བྱས་པའི་རིགས་འདིའི་ཁོངས་སུ་མི་གཏོགས་ཞེས་བཀོད་ཡོད།མཁའ་འབུམ་རྒྱལ་གྱིས་བསྒྱུར།
