རྒྱལ་ཁབ་འཇིག་རྟེན་འཕུར་སྐྱོད་ཅུས་ཀྱིས་ཟླ་བའི་ལྷ་མོ་ཨང་དྲུག་པའི་ལས་འགན་ལེགས་སྒྲུབ་བྱས་རྗེས། ཀྲུང་གོའི་ཟླ་དཔྱད་ལས་གྲྭས་ད་དུང་འཕེན་གཏོང་གི་ལས་འགན་ཐེངས་གཉིས་བསྒྲུབ་རྒྱུ་ཡིན་ཞིང་། དེས་རྒྱལ་སྤྱིའི་ཟླ་བའི་གོ་ལའི་ཚན་ཞིབ་ས་ཚིགས་ལ་རྨང་གཞི་འདིང་རྒྱུ་དང་། 2026ལོར་འཕེན་གཏོང་གི་ལས་འགན་ཐེངས་དང་པོ་གང་མགྱོགས་བསྒྲུབ་རྒྱུ་ཡིན་ཞེས་ཁྱབ་བསྒྲགས་བྱས་པ་རེད། འཆར་གཞི་ལྟར་ན། རང་རྒྱལ་གྱིས་2026ལོར་ཟླ་བའི་ལྷ་མོ་ཨང་བདུན་པ་འཕེན་གཏོང་བྱ་རྒྱུ་དང་། 2028ལོའི་སྔ་རྗེས་སུ་ཟླ་བའི་ལྷ་མོ་ཨང་བརྒྱད་པ་འཕེན་གཏོང་བྱ་རྒྱུ་ཡིན།
རྒྱལ་ཁབ་འཇིག་རྟེན་འཕུར་སྐྱོད་ཅུས་ཀྱི་ཅུས་ཀྲང་གཞོན་པ་པེན་ཀྲི་ཀང་གིས་མཚམས་སྦྱོར་བྱས་པར་གཞིགས་ན། 2035ལོའི་སྔ་རྗེས་སུ་རང་རྒྱལ་གྱིས་ཟླ་བའི་གོ་ལའི་ཚན་ཞིབ་ས་ཚིགས་ཀྱི་གཞི་རྩའི་རྣམ་པ་བསྐྲུན་རྒྱུ་རེད། རྒྱལ་ཁབ་འཇིག་རྟེན་འཕུར་སྐྱོད་ཅུས་ཀྱི་ཟླ་དཔྱད་དང་འཇིག་རྟེན་འཕུར་སྐྱོད་ལས་གྲྭ་ལྟེ་གནས་ཀྱི་ཀྲུའུ་རེན་གཞོན་པ་ཀོན་ཧྥུང་གིས་བསྟན་དོན། ཟླ་བའི་ལྷ་མོ་ཨང་བརྒྱད་པར་འཕྲིན་གཏོང་གི་ནུས་པར་བསམ་གཞིག་བྱེད་དགོས། ཟླ་བའི་གོ་ལའི་ཐོག་སྐུད་མེད་དྲ་བ་དང་ནུས་རྒྱུ་ཏན་ཏན་ཡོད། སྔོ་ཚལ་འདེབས་ཐུབ་མིན་ཐད་ཚན་རིག་མཁས་ཅན་ཚོས་ད་དུང་ཞིབ་འཇུག་བྱེད་བཞིན་ཡོད་པ་དང་། ཟླ་བའི་ལྷ་མོ་ཨང་བརྒྱད་པས་དེའི་ཐད་ཀྱི་ཚན་རིག་ཞིབ་འཇུག་བྱེད་ངེས།
