ئۈندىدار سالۇنى تەرجىمىسى
سوخۇ تورىنىڭ خەۋىرىگە قارىغاندا، يېقىندا رۇسىيە - ئۇكرائىنا ۋەزىيىتى يەنە بىر قېتىم پۈتۈن دۇنيا كۆڭۈل بۆلىدىغان قىزىق نۇقتىغا ئايلانغان. ئۇكرائىنا زۇڭتۇڭى زېلېنسكىنىڭ بىر قاتار ھەرىكەتلىرى كەڭ تالاش-تارتىش قوزغىدى، ھەتتا بەزىلەر ئۇنى «ئىككى قولىنى ئېگىز كۆتۈرۈپ، ئۇكرائىنانى سېتىۋەتتى» دەپ ئەيىبلىدى. بۇ ئەيىبلەشلەر زېلېنسكى ھۆكۈمىتى بىلەن ئامېرىكا مۈلۈك باشقۇرۇش ماگناتى بېلەيد ئىمزالىغان «ئۇكرائىنا تەرەققىيات فوندى» كېلىشىمىدىن كېلىپ چىققان. بۇ كېلىشىم ئەسلىدە زېلېنسكى ھۆكۈمىتى تەرىپىدىن ئۇكرائىنا ئىقتىسادىنى قۇتقۇزۇشتىكى «دەل ۋاقتىدا ياغقان يامغۇر» دەپ قارىلىپ،
چەت ئەل مەبلىغىنى كىرگۈزۈش ئارقىلىق ئىقتىسادنى قايتا گۈللەندۈرۈش، يېزا ئىگىلىكى ۋە ئۇل ئەسلىھە قۇرۇلۇشىنى كۈچەيتىشنى مەقسەت قىلغان. كېلىشىمنىڭ تەپسىلاتىنىڭ تەدرىجى ئاشكارىلىنىشىغا ئەگىشىپ، ئۇنىڭدىكى خېيىم - خەتەرمۇ تەدرىجى ئاشكارىلاندى. كېلىشىمدە مۇنۇلار بەلگىلەندى:ناۋادا ئۇكرائىنا كېلىشىمگە خىلاپلىق قىلسا، بېلەيد ئۆزىنىڭ يەر، تەبىئىي بايلىق، ئاچقۇچلۇق ئۇل ئەسلىھەلەرنى ئۆز ئىچىگە ئالغان «بارلىق مۈلكى» گە ئېرىشىدۇ، ھەتتا ھەربىي ئەسلىھەلەرنىمۇ ئۆز ئىچىگە ئېلىشى مۇمكىن. بۇ ماددا ئۇكرائىنانىڭ كەلگۈسىگە غايەت زور ئېنىقسىزلىق ئېلىپ كەلدى. بۇنداق كېلىشىمگە ئۇكرائىنانىڭ دۆلەت ئىچىدىكى ئىنكاسى كۈچلۈك بولدى. نۇرغۇن كىشىلەر مۇنداق دەپ قارىدى:زېلېنسكىنىڭ بۇ ھەرىكىتى «ۋەتەن ساتقۇچ» بولۇپ، دۆلەتنىڭ كەلگۈسى تەقدىرىنى خەۋپ خەتىرى يۇقىرى بولغان چەت ئەل مەبلىغى كېلىشىمىگە باغلايدۇ. ئۇلار ئۇكرائىنا كېلىشىمنى ۋاقتىدا ئادا قىلالمىسا، دۆلەتنىڭ ئىگىلىك ھوقۇقى ئېغىر تەھدىتكە ئۇچرايدۇ، ئىقتىساد ھەرقانچە ئاۋات بولسىمۇ ئەينەكتىكى گۈل بولۇپ قالىدۇ، دەپ ئەندىشە قىلدى. زېلېنسكىي ھۆكۈمىتىنىڭمۇ ئۆزىگە چۇشلۇق دەردى بار. رۇسىيە - ئۇكرائىنا توقۇنۇشى كۆپ يىل داۋاملىشىپ، ئۇكرائىنانىڭ ئىقتىسادىغا ئېغىر زەربە بولدى. مالىيە قىزىل رەقىمى ئېشىپ، قەرز تاغدەك دۆۋىلىنىپ كەتتى، ئۇكرائىنا تاشقى مەبلەغنىڭ ئىقتىسادنىڭ ئەسلىگە كېلىشى ۋە كۈرەش تىرىشچانلىقىنى قوللىشىغا جىددىي ئېھتىياجلىق. بۇ خىل ئەھۋال ئاستىدا، بېلەيدې بىلەن بولغان ھەمكارلىق بىر خىل ئامالسىز تاللاش بولۇپ قالدى. لېكىن قانداقلا بولمىسۇن، زېلېنسكىنىڭ بۇ ھەرىكىتى كەڭ دائىرىدە تالاش-تارتىش ۋە گۇمان پەيدا قىلدى. كىشىلەر ئۇكرائىنانىڭ كەلگۈسى يۈزلىنىشىگە، شۇنداقلا زېلېنسكى ھۆكۈمىتىنىڭ دۆلەت ئىشلىرىنى بىر تەرەپ قىلىشتىكى ئىقتىدارى ۋە تەدبىرىگە قايتىدىن قاراپ چىقىشقا باشلىدى.
نۆۋەتتىكى مۇرەككەپ خەلقئارا ۋەزىيەتتە، ئۇكرائىنانىڭ كەلگۈسى ئېنىقسىزلىققا تولغان. زېلېنسكىي ھۆكۈمىتىنىڭ ھەر بىر تەدبىرى دۆلەتنىڭ تەقدىرىگە چوڭقۇر تەسىر كۆرسىتىشى مۇمكىن. شۇڭا، ئۇلار چوقۇم پايدا-زىياننى تېخىمۇ ئېھتىياتچانلىق بىلەن دەڭسەپ كۆرۈپ، دۆلەتنىڭ ئۇزاق مۇددەتلىك مەنپەئەتىنىڭ زىيانغا ئۇچرىماسلىقىغا كاپالەتلىك قىلىشى كېرەك. شۇنىڭ بىلەن بىر ۋاقىتتا، خەلقئارا جەمئىيەتمۇ ئۇكرائىنانىڭ قىيىنچىلىقىغا تېخىمۇ كۆپ كۆڭۈل بۆلۈشى ۋە قوللىشى كېرەك. خەلقارا ھەمكارلىق ۋە ئورتاق تىرىشچانلىق ئارقىلىقلا ئۇكرائىنانىڭ قىيىنچىلىقتىن قۇتۇلۇشىغا ياردەم بېرىپ، تىنچلىق ۋە گۈللىنىشنى ئىشقا ئاشۇرغىلى بولىدۇ. قىسقىسى، رۇسىيە - ئۇكرائىنا ۋەزىيىتىنىڭ ئۆزگىرىشى يەنىلا ئۆزگىرىشكە تولغان. زېلېنسكىي ھۆكۈمىتىنىڭ ھەر بىر ھەرىكىتى يېڭى تالاش-تارتىش ۋە گۇمانلارنى كەلتۈرۈپ چىقىرىشى مۇمكىن.
لېكىن قانداقلا بولمىسۇن، بىز ئۇكرائىنانىڭ ئۆزىگە ماس كېلىدىغان تەرەققىيات يولىنى تېپىپ، دۆلەتنىڭ ئەبەدىي ئەمىنلىكىنى ئىشقا ئاشۇرۇشىنى ئۈمىد قىلىمىز.
