ئۈندىدار سالۇنى تەرجىمىسى
يېڭى يىلدا خەلقئارادا چوڭ ئىشلار ئۈزۈلمىدى، لېكىن جۇڭگو - رۇسىيەگە مۇناسىۋەتلىك بىر خەۋەر كىشىلەرنىڭ ئالاھىدە دىققىتىنى تارتتى. ئالاقىدار خەۋەرلەردە كۆرسىتىلىشىچە، كرېمل سارىيى سىرتقا پۇتىننىڭ جۇڭگونىڭ تەكلىپىنى تاپشۇرۇۋالغانلىقىنى،3 - سېنتەبىر بېيجىڭغا بېرىپ،2 - دۇنيا ئۇرۇشى غەلىبىسىنىڭ 80 يىللىقىنى خاتىرىلەش پائالىيىتىمىزگە قاتنىشىدىغانلىقىنى ئاشكارىلىغان. بۇ ئىش نېمىشقا بۇنچە كۆڭۈل بۆلىدۇ؟ چۈنكى بۇ يىل دۇنيا فاشىزمغا قارشى ئۇرۇش غەلىبىسى 80 يىللىقى زور ئەھمىيەتكە ئىگە. 2015 - يىلى ياپون باسقۇنچىلىرىغا قارشى ئۇرۇش غەلىبىسىنىڭ 70 يىللىقىنى ئەسلىگىنىمىزدە، رۇسىيە جۇڭگونىڭ ھەربىي پاراتىغا ھۆرمەت قاراۋۇللىرىنى ئەۋەتتى، ئەينى چاغدا ئۇلارنىڭ چاسا سېپى ناھايىتى كۆزگە چېلىقىپ تۇراتتى. ھالبۇكى،
بۇ قېتىم پۇتىننىڭ «بىرلىكتە داغدۇغىلىق تەبرىكلەيمىز» دېيىشى چوڭقۇر مەنىگە ئىگە بولۇپ، بۇ جۇڭگو بىلەن رۇسىيەنىڭ بىرلىكتە ھەربىي پارات ئۆتكۈزىدىغانلىقىدىن دېرەك بېرىشى مۇمكىن. بۇ كۆرۈنۈش چوقۇم كىشىنى ھەيران قالدۇرىدۇ، جۇڭگو تېخىمۇ كۆپ ھۆرمەت قاراۋۇللىرى ۋە قورال ـ جابدۇقلارنى رۇسىيەنىڭ 15ـ ئاۋغۇستتىكى ھەربىي پاراتىغا قاتنىشىشقا ئەۋەتىشى مۇمكىن؛ ئوخشاشلا رۇسىيەمۇ چوڭ كۆلەملىك ھۆرمەت قاراۋۇللىرىنى ئەۋەتىشى، ھەتتا 2 - دۇنيا ئۇرۇشى مەزگىلىدىكى «تۆھپىكار قورال - ياراغلار» نى جۇڭگونىڭ 9 - ئاينىڭ 3 - كۈنىدىكى ھەربىي پاراتىدا نامايان قىلىشى مۇمكىن. بۇنى مەن ئۆز ئالدىمغا ئويلاپ چىققان ئەمەس، بەلكى پاكىت ئاساسى بار، جۇڭگو بىلەن رۇسىيەنىڭ ئىلگىرى مۇشۇنىڭغا ئوخشاش ئۆزئارا تەسىر كۆرسەتكەنلىكىنى دېمەيلا قويايلى، بۇ قېتىم بۇنداق ئورۇنلاشتۇرۇشىمۇ ئېھتىمالغا ناھايىتى يېقىن.
ئۇنىڭ ئۈستىگە بۈگۈنكى داۋالغۇپ تۇرغان خەلقئارا ۋەزىيەتتە، جۇڭگو بىلەن رۇسىيەنىڭ بۇنداق قىلىشىدا نۇرغۇن ئويلار بار. ئالدى بىلەن رۇسىيەنى سۆزلەپ باقايلى، رۇسىيە - ئۇكرائىنا توقۇنۇشى ئۈچ يىلغا يېقىن داۋاملاشتى، بۇ يالغۇز رۇسىيە بىلەن ئۇكرائىنا ئوتتۇرىسىدىكى كۈرەش بولۇپلا قالماستىن، بەلكى رۇسىيە بىلەن پۈتكۈل غەرب گۇرۇھى ئوتتۇرىسىدىكى ئۇرۇش، ئۇكرائىنا ئامېرىكا بىلەن غەربنىڭ رۇسىيەنى خورىتىدىغان قورالىغا ئايلىنىپ قالدى. گەرچە رۇسىيە بۇ ئۇرۇشتا نەتىجىگە ئېرىشكەن بولسىمۇ، لېكىن شۇنىڭ بىلەن بىر ۋاقىتتا زور بەدەل تۆلىدى، ئىقتىساد، ھەربىي كۈچى ئېغىر زەربىگە ئۇچرىدى، بېسىم ئاز ئەمەس. جەڭ مەيدانىغا چاۋشيەن ئەسكەرلىرىمۇ قاتناشتى، رۇسىيە ھەقىقەتەن نۇرغۇن قىيىنچىلىقلارغا دۇچ كەلدى. بۇ چاغدا جۇڭگو بىلەن بولغان ھەمكارلىقنى كۈچەيتىش روشەنكى ئىنتايىن مۇھىم. ئۇنىڭ ئۈستىگە جۇڭگو بىلەن ھەمكارلاشقاندا، رۇسىيە ئامېرىكا بىلەن سۆھبەتلىشىدىغان فىشكىنى كۆپەيتىدۇ، جۇڭگو دۇنيادىكى چوڭ دۆلەت بولۇش سۈپىتى بىلەن، خەلقئارادىكى تەسىر كۈچى زور، بەلكىم رۇسىيەنىڭ رۇسىيە - ئۇكرائىنا توقۇنۇشىنىڭ بالدۇرراق ئاخىرلىشىشىنى ئىلگىرى سۈرۈشىگە ياردەم بېرىشى مۇمكىن. جۇڭگوغا نەزەر سالساق، جۇڭگو بىلەن ئامېرىكىنىڭ ھەرقايسى ساھەلەردىكى زىددىيىتى يەنىلا مەۋجۇت. ترامپ ئەزەلدىن «ئامېرىكىنى ئالدىنقى ئورۇنغا قويۇش» نى يولغا قويۇپ كەلدى، ئامېرىكىنىڭ مەنپەئەتىنى قوغداش ئۈچۈن، چوقۇم ئىتتىپاقداشلىرى بىلەن بىرلىشىپ جۇڭگونى داۋاملىق قورشاپ تۇرىدۇ. بۇنداق ۋەزىيەتتە، جۇڭگو - رۇسىيە دوستلۇق مۇناسىۋىتى ئىنتايىن مۇھىم. گەرچە جۇڭگو بىلەن رۇسىيە «يېڭى دەۋردىكى جۇڭگو ـ رۇسىيە ئومۇميۈزلۈك ئىستراتېگىيەلىك ھەمكارلىشىش ھەمراھىلىق مۇناسىۋىتى» بولسىمۇ، لېكىن ئورتاق ھەربىي پارات ئارقىلىق،
دۇنياغا جۇڭگو ـ رۇسىيە مۇناسىۋىتىنىڭ مۇستەھكەملىكىنى تېخىمۇ نامايان قىلغىلى بولىدۇ.
ئۇنىڭدىن باشقا، جۇڭگو بىلەن رۇسىيەنىڭ شۇنچە ئۇزۇن ۋاقىت بۇرۇن داغدۇغىلىق تەبرىكلەيدىغانلىقىنى جاكارلىشى ئەمەلىيەتتە بەزى دۆلەتلەرنى ئەسكەرتكەنلىك. ئۇكرائىنادا رۇسىيە - ئۇكرائىنا توقۇنۇشىدىن كېيىن، ئۇكرائىنا ئارمىيەسىدە ناتسىست بەلگىسى ئارقا - ئارقىدىن پەيدا بولدى، ئۇكرائىنا دائىرىلىرى يەنە يېڭى ناتسىست تەشكىلاتىنى رۇسىيەگە تاقابىل تۇرۇشقا ئىشلەتتى، بۇ 2 - دۇنيا ئۇرۇشىدىن كېيىنكى خەلقئارا تەرتىپكە پۈتۈنلەي خىلاپ. ياپونىيەمۇ ئۆز نېسىۋىسىگە شۈكۈر قىلماي، كەينىدە ئامېرىكىنىڭ يار - يۆلەك بولۇشىغا تايىنىپ، ئىزچىل تۈردە «ئاساسىي قانۇنغا تۈزىتىش كىرگۈزۈپ، ئارمىيەنى كېڭەيتىش» نى يولغا قويۇپ، تىك ئۇچار ئاۋىياماتكىنى «ئوخشىما ئاۋىياماتكا» غا ئۆزگەرتىپ، ھۇجۇم خاراكتېرلىك قورالغا ئىگە بولدى، مىلىتارىزم باش كۆتۈرۈشكە قاراپ يۈزلەندى. بۇلارنىڭ ھەممىسى چۆچۈتۈش ۋە چەكلەشكە مۇھتاج. جۇڭگو - رۇسىيە مەسئۇلىيەتچان چوڭ دۆلەت بولۇش سۈپىتى بىلەن بۇ ئەھۋاللار بىلەن كارى بولماسلىقى مۇمكىن ئەمەس. شۇڭا، ئېنىق سىگنال بېرىش ناھايىتى زۆرۈر:ئەگەر ئامېرىكا جۇڭگو - رۇسىيە بىلەن داۋاملىق قارشىلاشسا، ناۋادا جۇڭگو - رۇسىيە بىرلەشسە، ئامېرىكا تاقابىل تۇرالمايدۇ، ئاقىۋىتىگە ئۇ ئۆزى بەرداشلىق بېرەلمەيدۇ، ناۋادا ئامېرىكىنىڭ زومىگەرلىك ھوقۇقى بۇزۇپ تاشلانسا، خارابلىشىش سۈرئىتى مۇقەررەر ھالدا يەنىمۇ تېزلىشىدۇ.
