སྲིད་འཛིན་ཆད་གཅོད་ཀྱི་གྱོད་གཞི་ཡོངས་བསྒྲགས་དང་པོ།
2024ལོའི་ཟླ་6ཚེས་28ཉིན་གཞིས་ཀ་རྩེ་གྲོང་ཁྱེར་ཁྲོམ་ར་ལྟ་སྐུལ་དོ་དམ་ཅུས་ཀྱི་སྲིད་འཛིན་ཆད་གཅོད་གྱོད་གཞིའི་ཁུངས་སྣེ་བརྒྱུད་སྤྲོད་རྩིས་ཐོ་གཞིར་བཟུང་། བོད་ལྗོངས་ཀྲུའུ་ཕེན་ཐེ་པའོ་ཚོང་དོན་ཚད་ཡོད་ཀུང་སིར་བསྐྱོད་ནས་ས་གནས་ས་ཐོག་ཏུ་ཞིབ་དཔྱད་བྱས་པ་རེད།
བརྟག་དཔྱད་བྱས་པ་བརྒྱུད། བོད་ལྗོངས་ཀྲུའུ་ཕེན་ཐེ་པའོ་ཚོང་དོན་ཚད་ཡོད་ཀུང་སིས་སྟེགས་བུ་ཞིག་ཏུ་སྤེལ་བའི་བདེ་སྲུང་མཁོ་ཆས་ཀྱི་དྲིལ་བསྒྲགས་བརྙན་ལམ་ནང་གི་དྲིལ་བསྒྲགས་ཤོག་བྱང་དང་དྲིལ་བསྒྲགས་སྒྲོམ་སྟེགས་ཐོག་ཏུ་སྨན་རྫས་དང་དེ་བཞིན་སྨན་བཅོས་ཡོ་བྱད་དང་ནོར་འཛོལ་སླ་བའི་ཐ་སྙད་སྤྱད་པ་དེ་《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་བརྡ་ཁྱབ་བཅའ་ཁྲིམས་》ཀྱི་དོན་ཚན་བཅུ་བདུན་པའི་གཏན་འབེབས་ལས་འགལ་བས་2024ལོའི་ཟླ་7ཚེས་9ཉིན་ཁྲིམས་ལྟར་གྱོད་དོན་ཐོ་འགོད་བྱས། 《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་བརྡ་ཁྱབ་བཅའ་ཁྲིམས་》ཀྱི་དོན་ཚན་ང་བརྒྱད་པའི་གཏན་འབེབས་ལྟར། གཞིས་ཀ་རྩེ་གྲོང་ཁྱེར་ཁྲོམ་ར་ལྟ་སྐུལ་དོ་དམ་ཅུས་ཀྱིས་དོ་བདག་ལ་སྒོར3120ཡི་སྲིད་འཛིན་དངུལ་ཆད་བཏང་བ་རེད།
སྲིད་འཛིན་ཆད་གཅོད་ཡོངས་བསྒྲགས་ཀྱི་འབྲེལ་ཡོད་གཏན་འབེབས་གཞིར་བཟུང་ད་ཐེངས་ཀྱི་སྲིད་འཛིན་ཆད་གཅོད་སྤྱི་ཚོགས་ཐོག་ཡོངས་བསྒྲགས་བྱས་ཡོད།
སྲིད་འཛིན་ཆད་གཅོད་ཀྱི་གྱོད་གཞི་ཡོངས་བསྒྲགས་གཉིས་པ།
2024ལོའི་ཟླ་7ཚེས་12ཉིན། ཧྭ་ཡན་ཞིབ་དཔྱད་ཚོགས་པ་ཚད་ཡོད་འགན་འཁྲི་ཀུང་སིས་བཏོན་པའི་ལེ་ཀྲེན་འཇམ་འདྲེད་སྣུམ་ཚོང་ཁང་གིས་ཕྱིར་ཚོང་བྱས་པའི་བཀག་གཏོང་གཤེར་ཁུར་འཐེན་བཤེར་བྱས་འབྲས་ཀྱི་ཚད་གཞི་མ་ལོན་པའི་ཞིབ་བཤེར་སྙན་ཞུར་གཞིགས་ནས་ཚོང་ཁང་དེར་བསྐྱོད་དེ་ས་གནས་ས་ཐོག་ཏུ་ཞིབ་དཔྱད་བྱས་པ་རེད།
ཞིབ་བཤེར་བྱས་པ་བརྒྱུད། དོ་བདག་གིས་ཚད་གཞི་མ་ལོན་པའི་ཐོན་རྫས་ཀྱིས་ཚད་གཞི་ལོན་པའི་ཐོན་རྫས་ཡིན་ཁུལ་བྱས་ནས་ཕྱིར་འཚོང་བྱས་ཡོད་པས།《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཐོན་རྫས་སྤུས་ཚད་བཅའ་ཁྲིམས་》ཀྱི་དོན་ཚན་སོ་དགུ་བའི་གཏན་འབེབས་ལ་འགལ་ཡོད། དོ་བདག་གིས་སའེ་ཕུའུ་ཐེ་ཡིས་ཐོ་འགོད་བྱས་པའི་ཚོང་རྟགས་ཆེད་དབང་ལ་བཙན་གནོད་བྱས་པའི་བཀག་གཏོང་གཤེར་ཁུ་ཕྱིར་འཚོང་བྱས་པ་དེ་《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཚོང་རྟགས་བཅའ་ཁྲིམས་》ཀྱི་དོན་ཚན་ང་བདུན་པའི་གཏན་འབེབས་ལས་འགལ་ཞིང་། 《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཐོན་རྫས་སྤུས་ཚད་སྐོར་གྱི་བཅའ་ཁྲིམས་》ཀྱི་དོན་ཚན་ལྔ་བཅུ་པ་དང་དྲུག་ཅུ་པའི་གཏན་འབེབས་ལྟར་ན། དོ་བདག་གི་གོང་སྨོས་ཁྲིམས་འགལ་བྱ་སྤྱོད་དངུལ་ལ་ཆད་བཅད་པ་གཤམ་གསལ།
1.ཚད་གཞི་མ་ལོན་པའི་བཀག་གཏོང་གཤེར་ཁུ་ཤེལ་དམ་6གཞུང་བཞེས་བཏང་བ།
2.ཁྲིམས་འགལ་གྱི་ཐོབ་ཆ་སྒོར་360གཞུང་བཞེས་གཏོང་རྒྱུ།
3.མི་དམངས་ཤོག་སྒོར་1485ཡི་དངུལ་ཆད་གཅོད་རྒྱུ། ཉེས་ཆད་དང་གཞུང་བཞེས་བཏང་བའི་དངུལ་བསྡོམས་པས་སྒོར1845ཡིན།
སྲིད་འཛིན་ཆད་གཅོད་ཡོངས་བསྒྲགས་ཀྱི་འབྲེལ་ཡོད་གཏན་འབེབས་གཞིར་བཟུང་ད་ཐེངས་ཀྱི་སྲིད་འཛིན་ཆད་གཅོད་སྤྱི་ཚོགས་ཐོག་ཡོངས་བསྒྲགས་བྱས་ཡོད།
བསྐྱར་ཞུས། རྒྱལ་མཚན།
ཞུ་དག ཚེ་རིང་རྒྱ་མཚོ།
རྩོམ་སྒྲིག་པ། བཀྲ་ཤིས་ཚེ་རིང་།
ཡིག་སྒྱུར། བཀྲ་ཤིས་ཚེ་རིང་།
སྒྲ་འཇུག སྐལ་བཟང་རྒྱལ་མཚན།
ཡོང་ཁུངས། ཇོ་རིའི་འཕྲིན་སྟེགས།
ཡིག་སྒམ་ཨང་གྲངས།
གལ་སྲིད་ཁྱེད་ལ་ཁུངས་བཙན་གྱི་གསར་འགྱུར་རམ་ཆ་འཕྲིན་ཆོབ་ཚ་པོ་དེ་འདྲ་ཡོད་ཚེ་ང་ཚོར་བསྐུར་རོགས་གནང་།
ང་ཚོའི་ཡིག་སྒམ་ནི་1132875981@qq.comཡིན།
རྩོམ་ཡིག་གཞིས་ཀ་རྩེའི་ཚགས་པར་ལས་ཁུངས་ཀྱི་ཡིག་སྒམ་rkzbszw@163.comལ་བསྐུར་རོགས་གནང་།
ང་ཚོའི་བརྙན་ཐུང་རྟགས་ཅན་日喀则广播电视台ཟེར་བར་དོ་ཁུར་གནང་ནས་ངོ་མཚར་ལྟད་མོར་གཟིགས་དང་།
