2024ལོའི་ཟླ་7པར། གཞིས་ཀ་རྩེའི་གྲོང་མི་བཀྲ་ཆེ་གེ་མོས་སླར་ཡང་ཆང་རག་བཏུངས་རྗེས་འཕྲུལ་སྒུལ་འཁོར་རིགས་བཏང་བའི་འགྲིམ་འགྲུལ་ཁྲིམས་འགལ་བྱ་སྤྱོད་ཀྱིས་རྐྱེན་པས་འཕྲུལ་སྒུལ་འཁོར་རིགས་ཀྱི་ཁ་ལོ་བའི་ལག་ཁྱེར་མེད་པ་བཟོས་པ་རེད། 2024ལོའི་ཟླ་9པར་བཀྲ་ཆེ་གེ་མོས་དྲ་རྒྱ་བརྒྱུད་བཅའ་ཁྲིམས་བློ་འདྲི་ཞེས་པ་ཞིག་ལ་བློ་འདྲི་བྱས་ཤིང་། ཕ་རོལ་གྱིས་བཀྲ་ཆེ་གེ་མོར་ཁ་ལོ་བའི་ལག་ཁྱེར་སླར་གསོ་བྱེད་ཐུབ་ཅེས་བཤད། ཕ་རོལ་གྱིས་གདེང་ཚོད་ཆེན་པོས་ལག་ཁྱེར་སླར་གསོ་བྱེད་ཐུབ་པའི་སྐོར་བཤད་པས། བཀྲ་ཆེ་གེ་མོས་ཡིད་ཆེས་ལ་མ་ཆེས་སྒོའི་ནས་སྒོར1600ཕ་རོལ་པོར་བསྒྱུར་བ་རེད།
མུ་མཐུད་རྒྱུས་ལོན་བྱས་རྗེས། ད་གཟོད་ཕ་རོལ་གྱིས་ལག་ཁྱེར་སླར་གསོ་བྱེད་ཐུབ་ཅེས་པ་དེ་ནི་གཞིས་ཀ་རྩེ་གྲོང་ཁྱེར་མི་དམངས་སྲིད་གཞུང་ལ་སྲིད་འཛིན་བསྐྱར་གྲོས་ཀྱི་ཞུ་གཏུག་བྱེད་དགོས་པ་དང་། དེ་མ་ཚད་བསྐྱར་གྲོས་རེ་ཞུའི་ཡི་གེ་དེ་མ་དཔེ་ཙམ་ཡིན་པ་ལས། བཀྲ་ཆེ་གེ་མོའི་གྱོད་གཞིའི་དོན་དངོས་དང་མི་འཚམ་པ་ཤེས་རྟོགས་བྱུང་ཡོད།
དོགས་ཟོན།
གཞིས་ཀ་རྩེའི་འགྲིམ་འགྲུལ་ཉེན་རྟོག་པས་ཤེས་རྟོགས་བྱས་པར་གཞིགས་ན། བཅའ་ཁྲིམས་བློ་འདྲི་ཀུང་སི་ག་གེ་མོ་ཞེས་པའི་ཀུང་སི་ཉུང་ཤས་ཀྱིས་དྲ་རྒྱའི་བརྙན་ལམ་ལས་སྟེགས་བརྒྱུད། འཕྲུལ་སྒུལ་འཁོར་རིགས་ཀྱི་ཁ་ལོ་བའི་ལག་ཁྱེར་མེད་པ་བཟོས་རྗེས་སྔ་བསྣུར་དུ་སླར་གསོ་བྱེད་ཆོག་ཅེས་ཡོངས་བསྒྲགས་བྱས་པ་མ་ཟད། ཆ་རྐྱེན་དང་མཐུན་ཚེ་སྔོན་ལ་ལག་ཁྱེར་སླར་གསོ་བྱས་རྗེས་མཇུག་ལ་དངུལ་བསྡུ་རྒྱུའི་ཁས་ལེན་ཡང་བྱས་ཡོད་པ་རེད། ལས་སྟེགས་དེ་དག་གི་སྤྱོད་མཁན་གྱིས་རྒྱུན་ཆད་མེད་པར་བརྙན་ལམ་འདི་རིགས་ཡོངས་བསྒྲགས་བྱས་ནས་ཁ་ལོ་བའི་ལག་ཁྱེར་སླར་གསོ་བྱེད་ཐུབ་ཅེས་བཤད་པ་གང་ཞིག་སླར་གསོ་ཐུབ་པའི་གྱོད་དཔེ་ཡང་ཡོད་པས་མང་ཚོགས་ཀྱིས་བློ་འདྲི་བྱ་རྒྱུར་ཁྲིད་སྟོན་བྱེད་ཀྱི་ཡོད་པ་རེད།
གཞིས་ཀ་རྩེའི་གྲོང་ཁྱེར་གྱི་མང་ཚོགས་ཁ་ཤས་ཀྱིས་དེ་དག་ལ་སྒོར་ཆིག་སྟོང་ནས་ཉིས་སྟོང་བར་མི་འདྲ་བའི་གྲོན་དངུལ་སྤྲད་ཡོད་མོད། འོན་ཀྱང་ཆེད་ལས་ཀྱི་བཅའ་ཁྲིམས་བློ་འདྲི་འདོན་སྤྲོད་བྱེད་ཐབས་མེད་པས། ནང་དོན་དང་འདྲ་བའི་རེ་ཞུ་ཡི་གེའམ་ཁྲིམས་སྦྱོར་སྙན་ཞུའི་མ་དཔེ་འདོན་སྤྲོད་བྱས་པ་ཙམ་ཡིན། དེ་དག་སྲིད་འཛིན་བསྐྱར་གྲོས་ཀྱི་ཁྲིམས་བཀོད་རེ་ཞུ་དུས་ཚད་ལས་མངོན་གསལ་བརྒལ་བའི་གྱོད་གཞི་ཁ་ཤས་སྲིད་འཛིན་བསྐྱར་གྲོས་བདག་སྤྲོད་བྱེད་ཐབས་བྲལ་ཞིང་། བཅའ་ཁྲིམས་བློ་འདྲི་ཀུང་སི་དེ་ཚོས་སྔར་བཞིན་གྲོན་དངུལ་སྒོར་ཆིག་སྟོང་ནས་ཉིས་སྟོང་བར་བླངས་ནས་མང་ཚོགས་ལ་སྲིད་འཛིན་བསྐྱར་གྲོས་ཡོང་རེ་ཞུ་བར་ཁྲིད་སྟོན་བྱས་པས་མང་ཚོགས་ཀྱི་ཁེ་ཕན་ལ་གནོད་འཚེ་ཚབས་ཆེན་བཟོས་ཡོད།
དྲན་སྐུལ།
ཁ་ལོ་བའི་ལག་ཁྱེར་སླར་གསོ་བྱེད་ཐུབ་ཅེས་པའི་ཆ་འཕྲིན་རིགས་ལ་ཡིད་ཆེས་གཏན་ནས་བྱེད་མི་རུང་།
བསྐྱར་ཞུས། རྒྱལ་མཚན།
ཞུ་དག ཚེ་རིང་རྒྱ་མཚོ།
རྩོམ་སྒྲིག་པ། ཚེ་རིང་སྒྲོལ་མ།
ཡིག་སྒྱུར། ཚེ་རིང་སྒྲོལ་མ།
སྒྲ་འཇུག ཚེ་སྒྲོན།
ཡོང་ཁུངས། ཇོ་རིའི་འཕྲིན་སྟེགས།
ཡིག་སྒམ་ཨང་གྲངས།
གལ་སྲིད་ཁྱེད་ལ་ཁུངས་བཙན་གྱི་གསར་འགྱུར་རམ་ཆ་འཕྲིན་ཆོབ་ཚ་པོ་དེ་འདྲ་ཡོད་ཚེ་ང་ཚོར་བསྐུར་རོགས་གནང་།
ང་ཚོའི་ཡིག་སྒམ་ནི་1132875981@qq.comཡིན།
རྩོམ་ཡིག་གཞིས་ཀ་རྩེའི་ཚགས་པར་ལས་ཁུངས་ཀྱི་ཡིག་སྒམ་rkzbszw@163.comལ་བསྐུར་རོགས་གནང་།
ང་ཚོའི་བརྙན་ཐུང་རྟགས་ཅན་日喀则广播电视台ཟེར་བར་དོ་ཁུར་གནང་ནས་ངོ་མཚར་ལྟད་མོར་གཟིགས་དང་།
