ཉེ་ཆར། ལྷ་རྩེ་རྫོང་མི་དམངས་ཁྲིམས་ཁང་དམངས་དོན་གྱོད་གཞི་སྟབས་བདེའི་ཚོགས་པས་འདུམ་འགྲིག་གཙོ་བོར་བཟུང་ནས་ནར་མ་སོན་པའི་མིའི་བདེ་ཐང་འཚར་ལོངས་ལ་དམིགས་ནས་ནར་མ་སོན་པའི་མི་དང་འབྲེལ་བ་ཡོད་པའི་གྱོད་དོན་ཁག་གཉིས་བར་འདུམ་བྱས་ཡོད་པ་རེད།
གྱོད་དོན་དང་པོ།
ཧྲེ་ཆེ་གེ་མོ་དང་སྤེན་ཆེ་གེ་མོ་གཉིས་2023ལོར་བརྩེ་དུང་འགྱུར་ལྡོག་བྱུང་བའི་དབང་གིས་ཁག་ཁག་བསྡད་ཅིང་བུ་མོ་དེ་ཧྲེ་ཆེ་གེ་མོ་དང་མཉམ་དུ་འཚོ་བ་བསྐྱལ། ད་ཆ་བུ་མོ་སློབ་གྲྭར་ཞུགས་དགོས་པའི་སྟབས་ཀྱིས་ཧྲེ་ཆེ་གེ་མོས་བུ་མོའི་ཐེམ་ཐོ་ཧྲེ་ཆེ་གེ་མོའི་ཕྱོགས་སུ་སྒྱུར་དགོས་པ་མ་ཟད། ཧྲེ་ཆེ་གེ་མོ་ནས་གསོ་སྐྱོང་བྱ་རྒྱུའི་རེ་བ་བཏོན་པས། ཁོ་གཉིས་ཕྲུ་གུ་གསོ་སྐྱོང་བྱེད་དབང་ཐད་འགལ་ཟླ་ཤུགས་ཆེན་བྱུང་།
གྱོད་དོན་ཐོ་འགོད་བྱས་རྗེས། གྱོད་དོན་ཞིབ་གཅོད་མི་སྣས་འཕྲལ་མར་ཕྱོགས་གཉིས་ཀར་འབྲེལ་གཏུག་གིས་བར་འདུམ་བྱས། ཡིན་ན་ཡང་སྤེན་ཆེ་གེ་མོ་ཁོང་ཁྲོ་ལངས་ནས་ཕྲུ་གུ་ཧྲེ་ཆེ་གེ་མོས་ཁྲིད་རྒྱུར་ངོ་རྒོལ་དྲག་པོ་བྱས། ཁྲིམས་དཔོན་གྱིས་བཅའ་ཁྲིམས་ཀྱི་གཏན་འབེབས་དང་ཕྲུ་གུའི་འཚར་ལོངས་ཀྱི་དགོས་མཁོ་གཉིས་ཀྱི་ཐད་ནས་དོ་བདག་ལ་འབྲེལ་གཏུག་ཐེངས་མང་བྱས་ཏེ་བར་འདུམ་གྱི་ཐབས་ལམ་བཙལ། འགྲེལ་བཤད་ཐེངས་མང་བརྒྱབ་པ་བརྒྱུད་མཇུག་མཐར་སྤེན་ཆེ་གེ་མོས་རང་འགུལ་ངང་ཕྲུ་གུ་གསོ་སྐྱོང་བྱེད་དབང་ཧྲེ་ཆེ་གེ་མོར་སྤྲད་པ་དང་། སྤེན་ཆེ་གེ་མོ་རྒྱུན་དུ་ཕྲུ་གུར་ཡང་ཡང་བལྟ་རུ་འགྲོ་རྒྱུར་མོས་མཐུན་བྱས། ཕྱོགས་གཉིས་དབར་ལ་འདུམ་འགྲིག་གྲོས་མཐུན་བྱུང་ནས་ཧྲེ་ཆེ་གེ་མོས་རང་འགུལ་གྱིས་སློང་ཆང་གཏོང་སྐབས་ཀྱི་སྒོར་5000སྤེན་ཆེ་གེ་མོར་ཕྱིར་སློག་བྱས།
གྱོད་དོན་གཉིས་པ།
སྐལ་ཆེ་གེ་མོ་དང་བསོད་ཆེ་གེ་མོ་གཉིས་གཉེན་སྒྲིག་བྱས་རྗེས་བརྩེ་དུང་གི་རྨང་གཞི་མེད་ཁར། བསོད་ཆེ་གེ་མོར་བརྒྱལ་གཟེར་ནད་ཕོག་ནས་ལས་ཀ་འོས་འཚམ་བཙལ་ཐབས་མེད་ཙང་། ཕྱོགས་གཉིས་རྒྱུན་དུ་ཁ་རྩོད་བྱུང་ཏེ་འཆམ་མཐུན་མེད་པས། སྐལ་ཆེ་གེ་མོས་གིས་བཟའ་ཚང་ཁ་བྲལ་རྒྱུའི་ཞུ་སྦྱོར་བྱས།
འདུམ་འགྲིག་བྱེད་རིང་། གྱོད་སྒྲུབ་མི་སྣས་ཁག་ཁག་ཏུ་འདུམ་འགྲིག་བྱས་ཏེ་ཕྱོགས་གཉིས་པོའི་སེམས་ནད་རྒྱུས་ལོན་དང་། གདོང་ཐུག་སྟེ་སྤེལ་རེས་བྱས་ནས་རང་སོ་སོའི་མ་སྐྱིད་པ་ཤོད་རེས་ངང་གནད་དོན་གསེད་བཀྲོལ་བྱས། དེ་རྗེས་ཁྲིམས་དཔོན་གྱིས་ཁོ་གཉིསལ་གཉེན་སྒྲིག་གི་གནས་ཚུལ་ལ་དབྱེ་ཞིབ་བྱེད་རོགས་དང་། གནས་ལུགས་གསལ་བཤད་བྱས་རྗེས། ཕྱོགས་གཉིས་ཀའི་རྣམ་འགྱུར་ལ་འགྱུར་ལྡོག་བྱུང་སྟེ། ཕྲུ་གུ་སྐལ་ཆེ་གེ་མོས་གསོ་རྒྱུ་དང་། བསོད་ཆེ་གེ་མོས་ཕྲུ་གུའི་གསོ་རིན་འགན་འཁུར་རྒྱུ་མ་ཟད། རང་ས་དེ་གར་གསོ་རིན་སྒོར3000སྤྲད་པ་རེད། དེ་ལྟར་བཟའ་ཚང་ཁ་བྲལ་གྱི་རྩོད་གཞིའི་གྱོད་དོན་དེ་ཡོངས་སུ་ཐག་གཅོད་བྱུང་བ་རེད།
བསྐྱར་ཞུས། རྒྱལ་མཚན།
ཞུ་དག ཚེ་རིང་སྒྲོལ་མ།
རྩོམ་སྒྲིག་པ། བཀྲ་ཤིས་ཚེ་རིང་།
ཡིག་སྒྱུར། བཀྲ་ཤིས་ཚེ་རིང་།
སྒྲ་འཇུག ཚེ་སྒྲོན།
ཡོང་ཁུངས། ལྷ་རྩེའི་དཀར་ཁུང་།
ཡིག་སྒམ་ཨང་གྲངས།
གལ་སྲིད་ཁྱེད་ལ་ཁུངས་བཙན་གྱི་གསར་འགྱུར་རམ་ཆ་འཕྲིན་ཆོབ་ཚ་པོ་དེ་འདྲ་ཡོད་ཚེ་ང་ཚོར་བསྐུར་རོགས་གནང་།
ང་ཚོའི་ཡིག་སྒམ་ནི་1132875981@qq.comཡིན།
རྩོམ་ཡིག་གཞིས་ཀ་རྩེའི་ཚགས་པར་ལས་ཁུངས་ཀྱི་ཡིག་སྒམ་rkzbszw@163.comལ་བསྐུར་རོགས་གནང་།
ང་ཚོའི་བརྙན་ཐུང་རྟགས་ཅན་日喀则广播电视台ཟེར་བར་དོ་ཁུར་གནང་ནས་ངོ་མཚར་ལྟད་མོར་གཟིགས་དང་།
