འགྲིམ་འགྲུལ་དོན་རྐྱེན་གྱི་གྱོད་དཔེ།
2024ལོའི་ཟླ་12པའི་ཚེས་5ཉིན་གྱི་ཆུ་ཚོད་11དང་སྐར་མ་15ཡོལ་ཙམ་ལ། འཕྲིན་ཆེ་གེ་མོས་ཨང་རྟགས་A5***ཡིན་པའི་སྒམ་གཟུགས་ཟོག་འཁོར་ཆུང་གྲས་ཤིག་བཏང་ནས་ཚན་རྩལ་ལམ་གྱི་ལྷོ་ནས་བྱང་དུ་འགྲོ་བཞིན་གཞོགས་གཡོན་དུ་ཁ་བསྐོར་ནས་ཇོ་མོ་གླང་མའི་ལམ་དུ་ཞུགས་སྐབས། ཞིབ་ཕྲ་མ་བལྟས་པའི་ཁར་རླངས་ཁོར་བཏང་མགྱོགས་པས་མི་འགྲོ་སའི་ཐིག་ཁྲ་ནས་རྐང་ཐང་དུ་འགྲོ་མཁན་ཞིག་ལ་རྡུང་གྲབས་བྱས། རྐང་ཐང་དུ་འགྲོ་མཁན་དེ་མ་གཞི་ནས་རྐང་ཚིགས་ལ་རྨས་སྐྱོན་ཕོག་ནས་འགྲོ་སྐྱོད་སྟབས་བདེ་མེད་པས། བྲེལ་འཚུབ་ཀྱིས་ཉེན་གཡོལ་བྱེད་པའི་བརྒྱུད་རིམ་ཁྲོད་རྐང་ཚིགས་ཀྱི་རྨས་སྐྱོན་ཚབས་ཆེ་རུ་ཕྱིན་ཡོད།
གཞིས་ཀ་རྩེའི་འགྲིམ་འགྲུལ་ཉེན་རྟོག་པར་སྙན་སེང་འབྱོར་རྗེས། འཕྲལ་མར་ལམ་མདོའི་གློག་མིག་གི་བརྙན་ལམ་ནས་ཞིབ་དཔྱད་བྱས་ཏེ་རླངས་འཁོར་དེའི་ཁ་ལོ་བ་དུས་ཐོག་ཏུ་འགྲིམ་འགྲུལ་ཉེན་རྟོག་ཉིང་ལག་རུ་ཁག་ཏུ་ཐག་གཅོད་བྱེད་པར་ཡོང་དགོས་པའི་བརྡ་ཐོ་བཏང་། ཕྱོགས་གཉིས་ཀས་གྲོས་མོལ་བྱས་པ་བརྒྱུད། ཁ་ལོ་བ་ནས་རྐང་ཐང་འགྲོ་མཁན་དེར་འོས་འཚམ་གྱི་དངུལ་སྐྱིན་ཚབ་སྤྲོད་རྒྱུ་དང་། ད་དུང་ཁ་ལོ་བ་དེས་མི་འགྲོ་སའི་འཕྲེད་ལམ་དུ་སྐྱོད་སྐབས་རླངས་འཁོར་ཁ་བཀག་ནས་འགྲུལ་པ་སྔོན་ལ་མ་བཏང་བའི་ཁྲིམས་འགལ་བྱ་སྤྱོད་ལ་འགྲིམ་འགྲུལ་ཉེན་རྟོག་སྡེ་ཁག་གིས་ཁྲིམས་ལྟར་ཆད་པ་བཅད་པ་རེད།
བསྐྱར་ཞུས། རྒྱལ་མཚན།
ཞུ་དག ཚེ་རིང་སྒྲོལ་མ།
རྩོམ་སྒྲིག་པ། བཀྲ་ཤིས་ཚེ་རིང་།
ཡིག་སྒྱུར། བཀྲ་ཤིས་ཚེ་རིང་།
སྒྲ་འཇུག ཚེ་སྒྲོན།
ཡོང་ཁུངས། གཞིས་ཀ་རྩེའི་འགྲིམ་འགྲུལ་ཉེན་རྟོག
ཡིག་སྒམ་ཨང་གྲངས།
གལ་སྲིད་ཁྱེད་ལ་ཁུངས་བཙན་གྱི་གསར་འགྱུར་རམ་ཆ་འཕྲིན་ཆོབ་ཚ་པོ་དེ་འདྲ་ཡོད་ཚེ་ང་ཚོར་བསྐུར་རོགས་གནང་།
ང་ཚོའི་ཡིག་སྒམ་ནི་1132875981@qq.comཡིན།
རྩོམ་ཡིག་གཞིས་ཀ་རྩེའི་ཚགས་པར་ལས་ཁུངས་ཀྱི་ཡིག་སྒམ་rkzbszw@163.comལ་བསྐུར་རོགས་གནང་།
ང་ཚོའི་བརྙན་ཐུང་རྟགས་ཅན་日喀则广播电视台ཟེར་བར་དོ་ཁུར་གནང་ནས་ངོ་མཚར་ལྟད་མོར་གཟིགས་དང་།
