༢༠༢༤ལོའི་ཟླ༡༡པའི་ཚེས༡༤ཉིན།༼ནང་ཆེན་བོད་སྐད་གསར་འགྱུར༽༼བཞི༽
政务
2024-11-14 21:57
青海
![]()
ལྟ་སྐོར་དང་སློབ་སྦྱོང་བྱེད་ནས་བསམ་བློ་རྒྱ་བསྐྱེད་གཏོང་བ། སྤེལ་རེས་དང་དཔྱད་གཞིར་བཟུང་ནས་མཐོར་འདེགས་གཏོང་བ།--མོ་གྲོང་ཞང་གི་ཚོགས་པ་ཤར་མདའ་གྲོང་རྡལ་འཇང་འཁར་གྲོང་ཚོའི་ཚད་གཞི་མཐོ་བའི་ཞིང་ཁ་འཛུགས་སྐྲུན་ལས་དོན་ལ་ལྟ་སྐོར་བྱེད་པར་བསྐྱོད་པ།
འདྲེན་ཚིག དེང་རབས་ཅན་གྱི་ཞིང་ལས་འཕེལ་རྒྱས་ལ་སྐུལ་འདེད་གཏོང་བ་དང་།ཚད་གཞི་མཐོ་བའི་ཞིང་ཁ་འཛུགས་སྐྲུན་ལ་སྐུལ་འདེད་གཏོང་བ། ཞིང་ལས་ཐོན་འཕར་དང་ཞིང་པར་འབབ་འཕར་རྒྱུན་མཐུད་ངང་བརྟན་པོ་ཡོང་བ་བཅས་བྱ་ཆེད། ཟླ་11པའི་ཚེས་12ཉིན།མི་གྲོང་ཞང་ཏང་ཨུད་ཀྱི་འགོ་ཁྲིད་ཀྱིས་ཕྱེ་འོ་གྲོང་ཚོ་དང་མ་ཡུས་གྲོང་ཚོའི་ཨུ་ལྷན་གཉིས་ཀྱི་ཚན་ཁག་སོགས་ཁྱོན་མི་17སྣེ་ཁྲིད་དེ་ཤར་མདའ་གྲོང་རྡལ་འཇང་འཁར་གྲོང་ཚོར་ཚད་གཞི་མཐོ་བའི་ཞིང་ཁ་འཛུགས་སྐྲུན་གྱི་སྔོན་ཐོན་ཉམས་མྱོང་དང་དེ་བཞིན་དཔེ་མཚོན་བྱེད་སྟངས་ལ་ལྟ་སྦྱོང་དང་སློབ་སྦྱོང་བྱེད་པར་བསྐྱོད་པ་རེད།དངོས་གཞི། ལྟ་སྦྱོང་ཚོགས་ཆུང་ཤར་མདའ་གྲོང་རྡལ་འཇང་འཁར་གྲོང་ཚོའི་ཚད་གཞི་མཐོ་བའི་ཞིང་ཁ་འཛུགས་སྐྲུན་བྱ་ཡུལ་དུ་བསྐྱོད་དེ་ཡུལ་དངོས་སུ་ལྟ་ཞིབ་དང་ཡུལ་དངོས་སུ་ཉམས་མྱོང་གི་འགྲེལ་བཤད་ཉན་པ། ཚད་གཞི་མཐོ་བའི་ཞིང་ཁ་འཛུགས་སྐྲུན་གྱི་གཞི་རྩའི་གནས་ཚུལ་དང་ཞིང་ནང་དོ་དམ་གྱི་ལས་ཀའི་གནས་ཚུལ་ལ་ཤེས་རྟོགས་ཞིབ་ཕྲ་བྱས་པ། གནས་ཚུལ་ངོ་སྤྲོད་ནན་ཏན་བྱས་པ་དང་། འབྲེལ་ཡོད་རྣམ་གྲངས་འཛུགས་སྐྲུན་གྱི་ཚད་གཞི་དང་ཨར་ལས་ཀྱི་བླང་བྱ་སོགས་ཀྱི་གནད་དོན་ཤེས་རྟོགས་ཞིབ་ཕྲ་བྱས་ནས་ལྟ་སྦྱོང་ཚོགས་ཆུང་གིས་ཚད་གཞི་མཐོ་བའི་ཞིང་ཁ་འཛུགས་སྐྲུན་ལ་ངོས་འཛིན་དེ་བས་གསལ་པོ་ཐུབ་པ་བྱས་པ་རེད།ལྟ་སྐོར་བྱེད་རིང་ལ་ལྟ་སྦྱོང་ཚོགས་ཆུང་གིས་ཚད་གཞི་མཐོ་བའི་ཞིང་ཁ་འཛུགས་སྐྲུན་གྱི་ཉམས་མྱོང་དང་བྱེད་ཐབས། འབྱུང་འགྱུར་གྱི་འཕེལ་རྒྱས་ཁ་ཕྱོགས་ལ་དམིགས་ནས་སྤེལ་རེས་གཏིང་ཟབ་བྱས་པ་རེད། ཚང་མས་ཤར་མདའ་གྲོང་རྡལ་འཇང་འཁར་གྲོང་ཚོས་ཚད་གཞི་མཐོ་བའི་ཞིང་ཁ་འཛུགས་སྐྲུན་བྱེད་པའི་ཐད་ལ་རྩ་ཆེའི་ཉམས་མྱོང་བསགས་ཡོད་པས་ཞང་གྲོང་གཞན་གྱིས་སློབ་སྦྱོང་དང་མིག་དཔེ་ལྟ་ཆོག་པའི་ངོས་འཛིན་བྱས་པ་རེད། ད་ཐེངས་ཀྱི་ལྟ་སྐོར་སློབ་སྦྱོང་བྱེད་སྒོས་ལྟ་སྦྱོང་ཚོགས་ཆུང་གིས་ཚད་གཞི་མཐོ་བའི་ཞིང་ཁ་འཛུགས་སྐྲུན་ཐད་ལ་སྔར་བས་ཐད་ཀར་ཤེས་རྟོགས་ཐུབ་པར་མ་ཟད། ཞིང་ལས་དེང་རབས་ཅན་ལ་སྐུལ་འདེད་དང་གྲོང་གསེབ་དར་རྒྱས་ལ་སྐུལ་འདེད་གཏོང་བའི་ཡིད་ཆེས་དང་ཆོད་སེམས་སྔར་བས་ཆེ་རུ་ཕྱིན་ཡོད་པ་རེད།ལྟ་སྦྱོང་མཇུག་གྲོལ་རྗེས་ལྟ་སྦྱོང་ཚོགས་ཆུང་གི་ཁོངས་མིས་གཅིག་རྗེས་གཉིས་མཐུད་ངང་ད་ཐེངས་ཀྱི་ལྟ་སྐོར་དང་སློབ་སྦྱོང་ལ་ཕན་འབྲས་མི་དམན་པ་ཐོབ་པ་དང་། ད་ཐེངས་ཀྱི་སློབ་སྦྱོང་གྲུབ་འབྲས་དེ་ལས་དོན་ལ་སྐུལ་འདེད་གཏོང་བའི་བྱ་སྤྱོད་དངོས་ལ་བསྒྱུར་ནས་ཞང་དེ་གའི་དངོས་ཡོད་གནས་ཚུལ་དང་ཟུང་འབྲེལ་གྱིས་དྲིལ་བསྒྲགས་བྱེད་ཤུགས་ཆེ་རུ་གཏོང་བ་དང་རྒྱ་ཆེའི་ཞིང་འབྲོག་མང་ཚོགས་རྣམས་དེང་རབས་ཅན་གྱི་ཞིང་ལས་ཐོན་སྐྱེད་ནང་ཧུར་ཐག་ཞུགས་རྒྱུར་ཁྲིད་སྟོན་བྱས་ཏེ་ཞང་ཡོངས་ཀྱི་ཞིང་ལས་སྤུས་ཚད་མཐོ་པོའི་ངང་འཕེལ་རྒྱས་འགྲོ་རྒྱུར་སྐུལ་འདེད་གཏོང་ཆེད་རང་ཉིད་ཀྱི་བློ་གྲོས་དང་སྟོབས་ཤུགས་ལེགས་སྐྱེས་སུ་འབུལ་རྒྱུ་ཡིན་ཞེས་བཤད་པ་རེད།གོམ་སྟབས་རྗེས་མར་མོ་གྲོང་ཞང་གིས་ད་ཐེངས་ཀྱི་ལྟ་སྦྱོང་གོ་སྐབས་སུ་བྱས་ཏེ་རང་ངོས་ཀྱི་དོན་དངོས་དང་ཟུང་འབྲེལ་ནས་ཚད་གཞི་མཐོ་བའི་ཞིང་ཁའི་ཆ་འཕྲིན་ཅན་དང་དེང་རབས་ཅན་འཛུགས་སྐྲུན་ལ་སྐུལ་འདེད་ཤུགས་ཆེན་གཏོང་བ། ཕ་ཡུལ་དུ་ལོག་ནས་ལས་གཏོད་བྱེད་མཁན་ཤེས་ལྡན་མི་སྣ་ནང་འདྲེན་བྱེད་པའི་བསམ་ཕྱོགས་གསར་པ་འཚོལ་ཞིབ་བྱེད་པ།དམངས་ཕན་ཞིང་ཕན་སྲིད་ཇུས་དྲིལ་བསྒྲགས་བྱེད་པ། ཞབས་ཞུའི་ཆེད་ལས་མི་སྣ་བཀོད་སྒྲིག་བྱེད་པ། གྲོང་གསེབ་དར་རྒྱས་ཡོང་རྒྱུར་མགྱོགས་སུ་གཏོང་བ་བཅས་བྱས་ཏེ་མང་ཚོགས་ཀྱི་འབབ་འཕར་ཐབས་ལམ་རྒྱུན་ཆད་མེད་པར་རྒྱ་ཆེར་བཏང་ནས་གྲོང་གསེབ་ཀྱི་ཐོན་ལས་དར་རྒྱས་ཡོང་བ་དང་མང་ཚོགས་ལ་འབབ་འཕར་ཡོང་ཆེད་སྒུལ་ཤུགས་གསར་པ་བསྣན་རྒྱུ་རེད། རྒྱལ་ཁབ་ཀྱི་འབྲུ་རིགས་བདེ་འཇགས་ཀྱི་སྤྱི་ཡོངས་ལྟ་བ་བརྟན་དུ་གཏོང་ཆེད་མོ་གྲོང་གི་སྟོབས་ཤུགས་དང་བློ་གྲོས་ཀྱང་ལེགས་སྐྱེས་སུ་ཕུལ་ཡོད།总监制/普巴才仁/监制/久美旺加
审核/久美旺加/编辑/索南巴丁
邮箱：3035885499@qq.com
电话：0976-8877227
