༢༠༢༤ལོའི་ཟླ༡༡པའི་ཚེས༡༢ཉིན།༼ནང་ཆེན་བོད་སྐད་གསར་འགྱུར༽༼བཞི༽
政务
2024-11-12 21:48
青海
![]()
ནང་ཆེན་རྫོང་གིས་ཁག་བགོས་དོ་དམ་ཁྱབ་ཁོངས་ཀྱི་མང་ཚོགས་ཉེ་འགྲམ་གྱི་ཚུལ་མིན་སྤྱོད་ཚུལ་དང་རུལ་སུངས་ཀྱི་གནད་དོན་གཅིག་སྡུད་ཐོག་གླེང་མོལ་བྱས་པ། འདྲེན་ཚིག ཟླ་11པའི་ཚེས་6ཉིན་ནང་ཆེན་རྫོང་གིས་ཁག་བགོས་དོ་དམ་ཁྱབ་ཁོངས་ཀྱི་མང་ཚོགས་ཉེ་འགྲམ་གྱི་ཚུལ་མིན་སྤྱོད་ཚུལ་དང་རུལ་སུངས་ཀྱི་གནད་དོན་གཅིག་སྡུད་ཐོག་གླེང་མོལ་བྱས་པ་རེད། ཚོགས་འདུ་རྫོང་སྲིད་གཞུང་གི་རྫོང་དཔོན་གཞོན་པ་ཚེ་རིང་བཟང་པོས་གཙོ་སྐྱོང་གནང་བ་དང་རྫོང་ཨུད་ཀྱི་རེས་སྐོར་བཞི་པའི་སྐོར་ཞིབ་ཚོགས་ཆུང་གི་བློ་མཐུན་མཱ་ཏ་ཁྲེང་དང་། རྫོང་རང་བྱུང་ཐོན་ཁུངས་དང་ནགས་རྩྭ་ཅུས། རྫོང་སྡོད་ཁང་དང་གྲོང་ཁྱེར་གྲོང་གསེབ་འཛུགས་སྐྲུན་ཅུས། རྫོང་དབང་པོ་སྐྱོན་ཅན་མཉམ་འབྲེལ་ལྷན་ཚོགས་བཅས་ཀྱི་འགན་འཁུར་བློ་མཐུན་གཙོ་བོ་ཚོགས་འདུར་ཞུགས་ཡོད་པ་རེད།དངོས་གཞི། ཚོགས་འདུའི་ཐོག་བསྟན་དོན། མང་ཚོགས་ཉེ་འགྲམ་གྱི་ཚུལ་མིན་སྤྱོད་ཚུལ་དང་རུལ་སུངས་ཀྱི་གནད་དོན་གྱིས་མང་ཚོགས་ཀྱི་བདེ་རྩར་ཐུག་པའི་ཁེ་ཕན་ལ་ཐད་ཀར་གནོད་འཚེ་བཟོ་བ་དང་། ཏང་དང་སྲིད་གཞུང་གི་གཟུགས་བརྙན་དང་ཀུན་གྱིས་ཡིད་ཆེས་བྱེད་ཚད་ལ་ཤུགས་རྐྱེན་ཚབས་ཆེན་བཟོ་རྒྱུ་ཡིན་པས། གཅིག་སྡུད་བཅོས་སྐྱོང་ལས་དོན་སྤེལ་རྒྱུ་ནི་ཕྱོགས་ཡོངས་ནས་ཏང་ནན་པོས་སྐྱོང་རྒྱུ་ལག་བསྟར་དོན་འཁྱོལ་བྱེད་པའི་ལྡོག་མེད་ཀྱི་བླང་བྱ་ཞིག་དང་། མང་ཚོགས་ཀྱི་དོ་ཁུར་ལ་བརྡ་ལན་སྤྲོད་པ་དང་སྤྱི་ཚོགས་ཀྱི་གཞུང་དྲང་དྲང་བདེན་སྲུང་སྐྱོང་བྱེད་པའི་བྱ་ཐབས་གལ་ཆེན་ཞིག་ཡིན། ང་ཚོས་ལས་ཀ་འདིའི་གལ་ཆེའི་རང་བཞིན་དང་ཁ་ཚ་དགོས་གཏུག་གི་རང་བཞིན་ལ་ངོས་འཛིན་གཏིང་ཟབ་བྱས་ཏེ། དག་ཐེར་བཅོས་སྐྱོང་གི་ལས་ཀ་དེ་ད་ལྟ་དང་ཕྱིན་ཆད་དུས་སྐབས་ཤིག་གི་རིང་ལ་ལས་འགན་གཙོ་བོར་མཐའ་གཅིག་ཏུ་བརྩིས་ནས་དམ་འཛིན་བྱས་ཏེ། མང་ཚོགས་ལ་འགྱུར་ལྡོག་ངོ་མ་མཐོང་ཐུབ་པ་དང་། ཕན་འབྲས་ངོ་མ་ཚོར་བ། ཁེ་ཕན་ངོ་མ་ཐོབ་པ་བཅས་བྱེད་དུ་འཇུག་དགོས། དབྱེ་ཞིབ་དང་བརྡར་གཅོད་ནན་ཏན་བྱས་ནས་བཅོས་སྒྲིག་དམ་འཛིན་བྱེད་དགོས། རང་སོ་སོའི་འགན་འཁུར་བ་དང་ལས་བགོས་ཁྱབ་ཁོངས་སུ་གནས་པའི་མང་ཚོགས་ཀྱི་ཁེ་ཕན་ལ་གནོད་འཚེ་གཏོང་བའི་ནང་དོན་ལ་དམིགས་ཏེ་རིགས་དབྱེ་དང་ཁྱབ་ཁོངས་དབྱེ་ནས་གནད་དོན་གྱི་ཁུངས་སྣེ་གྲལ་བཤེར་བྱེད་པ་དང་། གཙོ་གནད་དང་དམིགས་ས་ཡོད་པའི་སྒོ་ནས་བཅོས་སྒྲིག་བྱས་ཏེ་གཅིག་སྡུད་ཀྱིས་དག་ཐེར་བཅོས་སྐྱོང་བྱེད་པར་ཁུག་ཀྱོག་མི་ལུས་པ་དང་། གསང་ཁུལ་མི་ལུས་པ་འགན་ལེན་བྱ་དགོས།ཚོགས་འདུའི་ཐོག་གཅིག་ནས་རྩ་འཛུགས་ཀྱི་འགོ་ཁྲིད་ལ་ཤུགས་སྣོན་བརྒྱབ་ནས་ལས་ཀའི་འགན་འཁྲི་ཁ་གསལ་བཟོ་དགོས། མང་ཚོགས་ཀྱི་ཉེ་འགྲམ་དུ་གནས་པའི་ཚུལ་མིན་སྤྱོད་ཚུལ་དང་རུལ་སུངས་ཀྱི་གནད་དོན་བཅོས་སྒྲིག་བྱ་རྒྱུ་ནི་མི་དམངས་མང་ཚོགས་ཀྱིས་རེ་སྒུག་བྱེད་པའི་དོན་དངོས་ཤིག་ཡིན་ལ། ཏང་གི་སྲིད་འཛིན་རྨང་གཞི་དང་འབྲེལ་བ་ཡོད་པའི་དོན་ཆེན་ཞིག་ཀྱང་ཡིན། ཚད་མཐོའི་མཐོང་ཆེན་བྱེད་པ་དང་འབྲེལ་ཡོད་སྡེ་ཚན་ཁག་གིས་ལས་ཀའི་འགན་འཁྲི་ཏན་ཏིག་འཁུར་ནས་རྒྱུན་གཏན་གྱི་བསམ་ཕྱོགས་དང་། བྱ་ཐབས། བློ་ཐབས། ཤུགས་ཚད་བཅས་ཀྱི་ཐོག་ནས་གཅིག་སྡུད་བཅོས་སྒྲིག་ལས་དོན་ལ་སྐུལ་འདེད་གཏོང་དགོས། གཉིས་ནས་དུས་བབ་གསལ་རྟོགས་བྱས་ནས་གནས་བབ་མཐོ་རུ་གཏོང་དགོས། སྡེ་ཚན་ཁག་གི་ལས་བགོས་འགན་གཉེར་འགོ་ཁྲིད་ཀྱིས་མང་ཚོགས་ཀྱི་ཉེ་འགྲམ་དུ་གནས་པའི་ཚུལ་མིན་སྤྱོད་ཚུལ་དང་རུལ་སུངས་ཀྱི་གནད་དོན་གཅིག་སྡུད་ཀྱིས་བཅོས་སྐྱོང་བྱེད་པའི་ལས་ཀའི་དོན་སྙིང་གལ་ཆེན་ལ་ངོས་འཛིན་གཏིང་ཟབ་བྱས་ཏེ་མང་ཚོགས་ཀྱི་ཉེ་འགྲམ་དུ་གནས་པའི་ཚུལ་མིན་སྤྱོད་ཚུལ་དང་རུལ་སུངས་ཀྱི་གནད་དོན་གཅིག་སྡུད་ཀྱིས་བཅོས་སྐྱོང་བྱེད་པའི་ཆབ་སྲིད་ཀྱི་ལས་འགན་མཐའ་གཅིག་ཏུ་ཕྲག་ཏུ་འཁུར་དགོས། གསུམ་ནས་ཁུར་པོ་མཉམ་ཁུར་དང་རང་འགན་གཙང་སྒྲུབ་བྱེད་དགོས། ཚན་པ་ཁག་གི་ལས་བགོས་འགན་གཉེར་འགོ་ཁྲིད་ཀྱིས་འགན་ལེན་ལམ་སྲོལ་སྣེ་ཁྲིད་ནས་དོན་འཁྱོལ་ཡག་པོ་བྱས་ཏེ་དངོས་གནས་མཐོང་ཆེན་དང་དངོས་སུ་ཞིབ་ལྟ་བྱེད་པ། འབྲེལ་ཡོད་རིམ་པ་གཉིས་པའི་ཚན་པ་ཁག་ལ་ལྟ་སྐུལ་དོ་དམ་དང་ལྟ་སྐུལ་མཛུབ་ཁྲིད་ཀྱི་འགན་འཁྲི་དོན་འཁྱོལ་ཡག་པོ་བྱ་རྒྱུར་སྐུལ་འདེད་གཏོང་བ། གྲལ་བཤེར་བྱས་ནས་ཤེས་རྟོགས་བྱུང་བའི་མངོན་གསལ་དོད་པའི་གནད་དོན་ལ་གཅིག་སྡུད་བཅོས་སྒྲིག་བྱས་ནས་ཕན་འབྲས་དངོས་པོ་ཐོན་པ་བཅས་བྱེད་དགོས་པའི་བླང་བྱ་བཏོན་ཡོད་པ་རེད།
总监制/普巴才仁/监制/久美旺加
审核/久美旺加/编辑/索南巴丁
邮箱：3035885499@qq.com
电话：0976-8877227
