ནང་ཆེན་རྫོང་གིས་ཞིང་འབྲོག་ལས་ཀ་སྤུས་ཚད་མཐོ་བའི་འཕེལ་རྒྱས་ལས་དོན་གྱི་སྐུལ་སྤེལ་ཚོགས་འདུ་འཚོགས་པ།
འདྲེན་ཚིག ཟླ་11པའི་ཚེས་4ཉིན་ནང་ཆེན་རྫོང་གིས་ཞིང་འབྲོག་ལས་ཀའི་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བའི་ཚོགས་འདུ་འཚོགས་ནས“ཞིང་གསུམ”ལས་དོན་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་རྣམ་བཤད་གལ་ཆེན་སློབ་སྦྱོང་དང་ལག་བསྟར་གཏིང་ཟབ་བྱས་ཏེ་ཀྲུང་དབྱང་དང་། ཞིང་ཆེན། ཁུལ་བཅས་ཀྱི་འབྲེལ་ཡོད་ཚོགས་འདུའི་དགོངས་དོན་ཁྱོན་ཡོངས་ནས་དོན་འཁྱོལ་དང་། ལོ་འཁོར་གྱི་དམིགས་ཚད་ལས་འགན་ལེགས་སྒྲུབ་བྱས་ཚུལ་གྲལ་བཤེར་ཕྱོགས་སྡོམ་དང་། གོམ་སྟབས་རྗེས་མའི་ཞིང་འབྲོག་ལས་ཀའི་གཙོ་གནད་ལས་འགན་བཀོད་སྒྲིག་བཅས་བྱས་པ་རེད། རྫོང་ཨུད་ཀྱི་ཧྲུའུ་ཅི་ཧྲི་ཏ་ཚུན་ཚོགས་འདུར་ཕེབས་པ་དང་གསུང་བཤད་ཀྱང་གནང་བ་རེད། རྫོང་ཨུད་ཀྱི་ཧྲུའུ་ཅི་གཞོན་པ་རྫོང་དཔོན་ཤེས་རབ་རྒྱ་མཚོས་ཚོགས་འདུ་གཙོ་སྐྱོང་གནང་བ་རེད།དངོས་གཞི། ཚོགས་འདུའི་ཐོག་རྫོང་ཡོངས་ཀྱི་གོང་འོག་ཚང་མས་ཁུལ་ཨུ་དང་ཁུལ་སྲིད་གཞུང་གི“ལོ་གཅིག་ལ་ཚད་བརྒལ་ཡོང་བ་དང་། ལོ་གཉིས་ལ་མཁོ་སྤྲོད་བརྟན་པོ་ཡོང་བ། ལོ་གསུམ་ལ་ཕན་འབྲས་ཆེ་རུ་གཏོང་བ”བཅས་ཀྱི་དམིགས་ཚད་གཞིར་བཟུང་ནས་ཞིང་ཨུད་ཀྱི“ལས་བྱེད་པས་ལས་ཀ་བྱེད་པ་དང་། བསམ་ཕྱོགས་གསལ་བོར་བཟོ་བ། རང་གཅུན་ནན་པོ་བྱེད་པ”བཅས་ཀྱི་བླང་བྱ་ལག་བསྟར་གཏིང་ཟབ་བྱེད་པ་དང་།“དམ་འཛིན་དང་། ཞིབ་ཚགས། ནན་པོ”བཅས་ཀྱི་ལས་ཀའི་རྣམ་པ་རྒྱུན་འཁྱོངས་བྱེད་པ། རྒྱུན་ཆད་མེད་པར་བརྟག་དཔྱད་ཞིབ་འཇུག་གཏིང་ཟབ་བྱེད་པ། ལས་ཀའི་བསམ་ཕྱོགས་གསལ་པོ་བཟོ་བ་བཅས་བྱས་ཏེ་ཁུལ་ཡོངས་ཀྱི་སྐྱེ་ཁམས་ཞིང་འབྲོག་ལས་ཀ་སྤུས་ཚད་མཐོ་བའི་འཕེལ་རྒྱས་ཀྱི་ཇུས་བཟང་ལ་ཐུན་མོང་ཐོག་ནས་ཞིབ་འཇུག་བྱེད་པ་དང་། ཞིང་འབྲོག་ཐོན་ལས་འཕེལ་རྒྱས་ཀྱི་འཆར་འགོད་བཀོད་སྒྲིག་དང་། འཕེལ་རྒྱས་ཀྱི་བསམ་ཕྱོགས། མངོན་འགྱུར་ཐབས་ལམ་བཅས་ཐུན་མོང་ཐོག་ནས་ཇུས་འགོད་བྱེད་པ། ལྗང་མདོག་སྐྱེ་ལྡན་ཞིང་འབྲོག་ཐོན་རྫས་ཕྱིར་གཏོང་ས་བདག་མཁོ་འདོན་ཁུལ་ཧུར་ཐག་གཏོད་པ་བཅས་བྱས་ཡོད། 《ཡུས་ཧྲུའུ་ཁུལ་གྱི་སྐྱེ་ཁམས་ཞིང་འབྲོག་ལས་ཀ་སྤུས་ཚད་མཐོ་པོའི་ངང་འཕེལ་རྒྱས་གཏོང་བའི་ལག་བསྟར་ཇུས་གཞི》དང“ལོ་གསུམ་གྱི་བྱ་སྤྱོད་འཆར་གཞི”དོན་འཁྱོལ་བྱས་ནས་ཕན་འབྲས་ཐོན་རྒྱུར་ནུས་ཤུགས་ཡོད་རྒུས་སྐུལ་འདེད་གཏོང་བ།ཚོགས་འདུའི་ཐོག་ནན་བཤད་བྱས་དོན། གྲུབ་འབྲས་ལ་ཁས་ལེན་བྱེད་པ་དང་ཆབས་ཅིག་ཏུ་ལོ་ཧྲིལ་པོའི་དམིགས་ཚད་ལས་འགན་དང་བསྡུར་ནས་རྫོང་ཡོངས་ཀྱི་ཞིང་འབྲོག་ལས་ཀའི་འཕེལ་རྒྱས་ལ་ཞན་ཆ་དང་གནད་དོན་ཁག་གཅིག་འཕྲད་ཡོད་པ་སྟེ། ཞང་གྲོང་ཁག་དང་སྡེ་ཚན་ཁག་གིས་རིག་པ་དྭངས་གསལ་གྱི་སྒོ་ནས་ངོས་འཛིན་ཐུབ་པ་བྱས་ཏེ“མིག་མང་འགྲིག་སྐོར་གཅིག”གི་བསམ་བློ་བརྟན་པོ་འཛུགས་པ་དང་། བློ་བརྟན་འགྱུར་མེད་ཀྱིས“ཞིང་གསུམ”ལས་དོན་དེ་གལ་ཆེའི་ནང་གི་འགངས་ཆེར་འཇོག་པ། བསམ་བློ་དང་བྱ་སྤྱོད་དེ་ གིས“ཞིང་གསུམ”ལས་དོན་ཐད་ལ་གནང་བའི་གལ་ཆེའི་མཛུབ་སྟོན་དང་མཆན་འགོད་ཐོག་རང་རྟོགས་ངང་གཅིག་གྱུར་ཡོང་བ་བྱེད་པ། ཀྲུང་དབྱང་དང་། ཞིང་ཆེན། ཁུལ་བཅས་ཀྱི་གྲོང་གསེབ་ལས་དོན་ཚོགས་འདུའི་དགོངས་དོན་གྱི་ངོ་བོ་དང་། སྲིད་ཇུས་ཀྱི་ཁྲིད་སྟོན། ལག་ལེན་གྱི་བླང་བྱ་བཅས་ཁོང་དུ་ཆུད་པ་བྱེད་པ། དོན་དངོས་ལ་གཞི་ཚུགས་པ་དང་། གཙོ་གནད་ལས་འགན་ལ་དམ་འཛིན་ཏན་ཏིག་བཅས་བྱས་ཏེ་འདེབས་འཛུགས་གྲུབ་ཆ་ལེགས་སྒྲིག་དང་། ཐོན་ཁུངས་ཁག་སྡེབ་སྒྲིག ཚད་གཞི་མཐོ་བའི་ཞིང་ཁ་འཛུགས་སྐྲུན་ལ་སྐུལ་འདེད་གཏོང་བ། ཞིང་འབྲོག་མང་ཚོགས་ཀྱི་ཡོང་འབབ་འཕར་བ་བཅས་ཇི་ལྟར་བྱས་ཏེ་ཞིང་པར་བརྟེན་ནས་འབྲོག་ལ་ཁ་གསབ་དང་། འབྲོག་པར་བརྟེན་ནས་ཞིང་པར་ཕན་འདོགས་པ། གྲོང་གསེབ་ཁྱོན་ཡོངས་ནས་དར་རྒྱས་ཡོང་བ་བཅས་བྱེད་པའི་ཐད་ལ་ཇུས་འགོད་མང་ཙམ་དང་། བསམ་བློ་མང་ཙམ།ཐབས་ཤེས་མང་ཙམ་འདོན་པ་བཅས་བྱས་ནས་རྫོང་ཡོངས་ཀྱི་ཞིང་འབྲོག་ལས་ཀའི་ལས་དོན་ཁག་ལ་ཚད་བརྒལ་གསར་པ་ཡོང་བའི་འགན་ལེན་བྱེད་དགོས།ཚོགས་འདུའི་ཐོག་བླང་བྱ་བཏོན་དོན། ཚན་རྩལ་ལ་བརྟེན་ནས་ཞིང་ལས་སྟོབས་ཆེར་གཏོང་རྒྱུར་དམ་འཛིན་ཡག་པོ་བྱེད་པ་དང་། ཞིང་ལས་སྐྱེ་དངོས་ཀྱི་སྣ་ཁ་གསར་པ་དང་ལག་རྩལ་གསར་པ་ཁྱབ་གདལ་བེད་སྤྱོད་བྱ་ཤུགས་ཆེ་རུ་གཏོང་བ། རྨོ་ཞིང་སྲུང་སྐྱོང་དང་འཛུགས་སྐྲུན་ལ་ཤུགས་སྣོན་རྒྱག་པ། ཞིང་འཕྲུལ་གྱི་ལས་སྒྲུབ་སྤུས་ཚད་མཐོ་རུ་ཤུགས་ཆེན་གཏོང་བ།ནུས་ཤུགས་ཡོད་རྒུས་འབྲུ་རིགས་བདེ་འཇགས་འགན་ལེན་བཅས་བྱས་ནས་ཞིང་ལས་ཐོན་སྐྱེད་ཀྱི་རྨང་གཞི་རྒྱུན་ཆད་མེད་པར་བརྟན་པ “ཞིང་ལས་དང་། ལུས་རྩལ། རིག་གནས། ཡུལ་སྐོར། ཚོང་ལས”བཅས་མཉམ་འདྲེས་གཏིང་ཟབ་ངང་འཕེལ་རྒྱས་འགྲོ་རྒྱུར་སྐུལ་འདེད་ཏན་ཏིག་གཏོང་བ་དང་། ལྗང་མདོག་སྐྱེ་ལྡན་ཞིང་འབྲོག་ཐོན་རྫས་ཕྱིར་གཏོང་ས་བདག་གི་མཁོ་འདོན་ཁུལ་གཏོད་པའི་གོ་སྐབས་ལ་དམ་པོར་དམིགས་པ།“ཡུས་ཧྲུའུ་ཡི་འབྲི་གཡག”ས་ཁོངས་ཀྱི་སྤྱི་སྤྱོད་སྤུས་རྟགས་གཙོ་ཁྲིད་དུ་བྱེད་པ། པེ་ཅིན་གྱི་རོགས་སྐྲུན་དང་ཤར་ནུབ་རྒྱུད་ཀྱི་མཉམ་ལས་སོགས་ཀྱི་གོ་སྐབས་གལ་ཆེན་ཁོང་དུ་བརྟན་པོ་ཆུད་པ་བཅས་བྱས་ནས་འཛད་སྤྱོད་ཀྱི་རོགས་སྐྱོར་བྱེད་ཤུགས་ཆེ་རུ་གཏོང་བ་དང་། བྲིན་ཚོང་ཐབས་ལམ་དང་ལས་སྟེགས་རྒྱ་ཆེར་གཏོང་བ། ཁྲོམ་རའི་མཁོ་སྤྲོད་རྒྱ་ཆེར་གཏོང་བ་བཅས་བྱས་ཏེ་ཐབས་བརྒྱ་ཇུས་སྟོང་ངང་ཞིང་པ་དང་འབྲོག་པའི་ཡོང་འབབ་མང་དུ་གཏོང་དགོས། ནོར་ལུག་གི་འགན་བཅོལ་དང་བཤས་ཁོངས་སུ་གཏོང་བའི་བྱ་དགའ་སྤྲོད་ཐབས་སོགས་ཞིང་ཕན་ཕྱུགས་ཕན་གྱི་སྲིད་ཇུས་སྒྲོག་འགྲེལ་བྱེད་ཤུགས་ཆེ་རུ་གཏོང་བ་དང་། རྩྭ་ཐང་ཐོག་ཏུ་དུས་བཞིའི་རྩྭ་ཁ་རེས་སྐོར་དང་། ཕྱུགས་རིགས་འཚོ་བ། གཟན་ཆས་ཁ་གསབ་སྤྲོད་སྟངས།“ཟླ་རེ་བཤས་ཁོངས་སུ་གཏོང་བ”སོགས་ཀྱི་བྱེད་ཐབས་ཁྱབ་གདལ་གཏིང་ཟབ་གཏོང་བ། ཞིང་འབྲོག་དུད་ཚང་གི་བསམ་བློའི་འདུ་ཤེས་བསྒྱུར་རྒྱུར་ཁྲིད་སྟོན་བྱེད་པ། ཁྲོམ་རའི་ཆོས་ཉིད་གསལ་པོ་བཤད་པ། ཞིང་འབྲོག་མང་ཚོགས་ཚོས་སྔ་ཙམ་བཤས་ཁོངས་སུ་གཏོང་བ། མགྱོགས་མྱུར་ངང་བཤས་ཁོངས་སུ་གཏོང་བ། གྲངས་མང་པོ་བཤས་ཁོངས་སུ་གཏོང་བ་བཅས་ལ་ལྕག་སྐུལ་དང་ཁྲིད་སྟོན་བཅས་བྱེད་དགོས། གནད་དོན་ཕྱོགས་སྟོན་དུ་འཛིན་རྒྱུ་མཐའ་འཁྱོངས་བྱེད་པ་དང་། ཚད་གཞིའི་མ་ལག་འཐུས་ཚང་འཛུགས་རྒྱུར་མཐོང་ཆེན་བྱེད་པ།“ནག་པོ་གསུམ་དང་དམར་པོ་གཅིག”གིས་མཚོན་པའི་ཁྱད་ལྡན་ཐོན་རྫས་ལ་དམིགས་ཏེ་ཟུར་བསྣན་རིན་ཐང་མཐོ་བའི་ཞིང་འབྲོག་ཐོན་རྫས་ཞིབ་འཇུག་གསར་སྤེལ་དང་། གཞི་ཁྱོན་ཅན་གྱི་ཐོན་སྐྱེད། ཚད་ལྡན་ཅན་གྱི་བཟོ་སྣོན། ཚད་ལྡན་ཅན་གྱི་ཕྱིར་ཚོང་བཅས་ཀྱི་འཕེལ་རིམ་མགྱོགས་སུ་གཏོང་བ།“དམིགས་ཚད་གསུམ་གཅིག་ཏུ་སྒྲིལ”བའི་བྱེད་ཐབས་ཁྱབ་སྤེལ་གཏོང་བ་བཅས་བྱས་ནས་འདི་ལོར་ཐོབ་ཟིན་པའི་ལྗང་མདོག་སྐྱེ་ལྡན་གྱི་ཁས་ལེན་ལས་དོན་ཁག་53རྨང་གཞིའི་ཐོག་ “ཐོན་རྫས་གསུམ་དང་མཚོན་རྟགས་གཅིག”དང་ལྗང་མདོག་སྐྱེ་ལྡན་གྱི་བདེན་དཔང་ར་སྤྲོད་ལས་དོན་ལ་མུ་མཐུད་དུ་ཤུགས་སྣོན་བརྒྱབ་ནས་ལྗང་མདོག་སྐྱེ་ལྡན་ཞིང་འབྲོག་ཐོན་རྫས་ཀྱི་སྤུས་ཚད་རྒྱུན་ཆད་མེད་པར་ལེགས་སུ་གཏོང་རྒྱུ་ཡིན་པ་རེད། སྲིད་ཇུས་ཀྱི་ཁེ་སྤོགས་གནད་སྨིན་ངང་སྟངས་འཛིན་བྱེད་པ་དང་། རྫོང་ཁོངས་ཐོན་ཁུངས་རང་སྤུས་ལ་གཞི་ཚུགས་པ། གྲོང་གསེབ་དར་རྒྱས་ཀྱི་སྦྲེལ་མཐུད་མ་དངུལ་དང་། ནོར་སྲིད་ཀྱི་ཞིང་འབྲེལ་མ་དངུལ། མཚོ་སྔོན་ལ་རོགས་སྐྱོར་མ་དངུལ་བཅས་སྔར་བས་བསྡུ་སྒྲིལ་དང་སྤྱི་འདོམས་བྱེད་པ། ཞིང་འབྲོག་ལས་ཀ་འཕེལ་རྒྱས་ལ་ནོར་སྲིད་ཀྱི་གཏོང་ཆ་གཏོང་ཤུགས་རྒྱུན་ཆད་མེད་པར་ཆེ་རུ་གཏོང་བ་བཅས་བྱས་ནས་ཞིང་འབྲོག་ལས་ཀ་འཕེལ་རྒྱས་ཀྱི་ཆུ་ཚད་མཐོ་རུ་ཤུགས་ཆེན་གཏོང་དགོས་ཞེས་གསུངས་པ་རེད། “ཁྲི་སྟོང་འདུ་འགོད”ཀྱི་ཉམས་མྱོང་སློབ་སྦྱོང་དང་བེད་སྤྱོད་གཏིང་ཟབ་བྱས་ཏེ་སྣེ་ཁྲིད་དུ་བྱས་ནས་གྲོང་གསེབ་ཁྱོན་ཡོངས་ནས་དར་རྒྱས་ཡོང་རྒྱུར་སྐུལ་འདེད་གཏོང་རྒྱུ་དེ“ཞིང་གསུམ”ལས་དོན་གྱི་སྤྱིའི་དམ་འཛིན་བྱ་གཞིར་བརྩིས་ནས་ཐོན་འབབ་བརྟན་པོ་དང་མཁོ་སྤྲོད་འགན་ལེན། རྨོ་ཞིང་སྲུང་སྐྱོང་། ཞིང་འབྲོག་ཁྱབ་ཁོངས་ཀྱི་བདེ་འཇགས་ཐོན་སྐྱེད། གེགས་འགོག་གེགས་སེལ། ཐོན་ལས་རོགས་སྐྱོར། དབུལ་སྒྲོལ་འགག་སྒྲོལ་གྱི་གྲུབ་འབྲས་སྲ་བརྟན་དང་རྒྱ་ཆེར་གཏོང་བ་སོགས་ཀྱི་གཙོ་གནད་ལས་དོན་ལ་དམིགས་ཏེ་འགན་འཁྲི་ཁག་བགོས་ཞིབ་ཚགས་སུ་གཏོང་བ་དང་། འགན་འཁྲི་འཁུར་ཤུགས་ཆེ་རུ་གཏོང་བ། གསར་འབྱེད་གསར་གཏོད་ཧུར་ཐག་བྱེད་པ། ལས་དོན་དོན་འཁྱོལ་ལ་དམ་འཛིན་ནན་པོ་བཅས་བྱས་ནས་ལོ་འཁོར་གྱི་ལས་འགན་དང་དམིགས་ཚད་ཁག་ཕུན་སུམ་ཚོགས་པོའི་ངང་ལེགས་གྲུབ་ཡོང་བའི་འགན་ལེན་བྱེད་དགོས་པའི་ནན་བཤད་གནང་བ་རེད།ཚོགས་འདུའི་ཐོག“ཞིང་གསུམ”ལས་དོན་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་གྱི་དགོངས་དོན་དང་ཞིང་ཆེན་དང་ཁུལ་གྱི་འབྲེལ་ཡོད་ཚོགས་འདུའི་དགོངས་དོན་བརྒྱུད་བསྒྲགས་དང་སློབ་སྦྱོང་བྱེང་པ།《2024ལོའི་ལོ་འཁོར་གྱི་ནང་ཆེན་རྫོང་གི་ནོར་ལུག་བཤས་ཁོངས་སུ་གཏོང་བའི་ཚད་ལ་སྐུལ་འདེད་གཏོང་བའི་བྱ་ཐབས》གསལ་འགྲེལ་བྱས་པ། ཞང་གྲོང་ཁག་གི་འགན་འཁུར་བློ་མཐུན་གཙོ་བོས་ཕྱུགས་རིགས་བཤས་ཁོངས སུ་གཏོང་བའི་ཚད་ལ་དམིགས་ནས་སྤེལ་རེས་གཏམ་བཤད་བྱས་པ་རེད།རྫོང་དེ་ཡོངས་ཀྱི་རྫོང་རིམ་པ་གཞོན་པ་ཡན་གྱི་འགོ་ཁྲིད་ལས་བྱེད་པ་དང་། ཞང་གྲོང་ཁག་དང་། རྫོང་ཨུད་ཀྱི་སྡེ་ཚན་ཁག རྫོང་ཐད་གཏོགས་ཚན་པ་ཁག མི་དམངས་ཚོགས་པ་ཁག་བཅས་ཀྱི་འགན་འཁུར་བློ་མཐུན་གཙོ་བོ་ཚོགས་འདུར་ཞུགས་ཡོད་པ་རེད།
