ནང་ཆེན་རྫོང་ཨུའི་རྒྱུན་ལས་ཨུ་ལྷན་གྱིས་ཚོགས་འདུ་འཚོགས་པ།
འདྲེན་ཚིག ཟླ་11པའི་ཚེས་11ཉིན་རྫོང་ཨུད་ཀྱི་ཧྲུའུ་ཅི་ཧྲི་ཏ་ཚུན་གྱིས་རྒྱུན་ཨུའི་（རྒྱ་སྐྱེད）ཚོགས་འདུ་གཙོ་སྐྱོང་གནང་ནས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཉེ་དུས་གསུང་བཤད་གལ་ཆེན་གྱི་དགོངས་དོན་དང་ཞིང་ཆེན་དང་ཁུལ་གྱི་འབྲེལ་ཡོད་ཚོགས་འདུ་དང་དེ་བཞིན་ཡིག་ཆའི་དགོངས་དོན་བརྒྱུད་བསྒྲགས་དང་སློབ་སྦྱོང་བྱས་པ། འབྲེལ་ཡོད་ལས་དོན་གྱི་སྙན་ཞུ་ཉན་པ། ཉེ་དུས་ཀྱི་གཙོ་གནད་ལས་དོན་བཀོད་སྒྲིག་བཅས་བྱས་པ་རེད། དངོས་གཞི། ཚོགས་འདུའི་ཐོག་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ཧུའུ་པེར་རྟོག་ཞིབ་གནང་སྐབས་གནང་བའི་གསུང་བཤད་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་བྱ་རྒྱུ་དེ་དང་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་མཚོ་སྔོན་དུ་རྟོག་ཞིབ་གནང་སྐབས་གནང་བའི་གསུང་བཤད་གལ་ཆེན་གྱི་དགོངས་དོན་དང་ཡུས་ཧྲུའུ་ཡི་ལས་དོན་ཐད་ལ་གནང་བའི་མཛུབ་སྟོན་དང་མཆན་འགོད་མཛུབ་སྟོན་གལ་ཆེན་གྱི་དགོངས་དོན་དང་ཟུང་འབྲེལ་དམ་ཟབ་བྱས་ཏེ“འདུ་ཤེས་བཞི”ཟབ་ཏུ་གཏོང་བ་དང་།“གདེང་ཚོད་བཞི”བརྟན་དུ་གཏོང་བ།“སྲུང་སྐྱོང་གཉིས”བྱེད་ཐུབ་པ་བཅས་བྱས་ནས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་རབ་དང་རིམ་པའི་ཕུན་སུམ་ཚོགས་པའི་ནང་དོན་དང་། དགོངས་དོན་གྱི་ངོ་བོ། ལག་ལེན་གྱི་བླང་བྱ་བཅས་ཆ་ཚང་ལ་གནད་ལ་འཁེལ་བའི་སྒོ་ནས་གོ་བ་ལེན་པ་དང་ཁོང་དུ་ཆུད་པ་བྱས་ཏེ་ནང་ཆེན་གྱི་སྤུས་ཚད་མཐོ་བའི་འཕེལ་རྒྱས་ཀྱི་རྣམ་པ་གསར་པ་ནུས་ཤུགས་ཡོད་རྒུས་གཏོད་དགོས་ཞེས་བསྟན་ཡོད་པ་རེད།ཚོགས་འདུའི་ཐོག་ཞིང་ཆེན་དང་པུའུ་རིམ་པའི་འགོ་ཁྲིད་ལས་བྱེད་པ་གཙོ་བོས་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་སློབ་སྦྱོང་ལག་བསྟར་བྱེད་པའི་ཆེད་དོན་བགྲོ་གླེང་འཛིན་གྲྭའི་ཐོག་གི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་བཤད་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱེད་པ་དང་།“དམ་པོ། ཞིབ་ཚགས། ནན་པོ་”ཡི་ལས་ཀའི་སྤྱོད་ཚུལ་ཐོག་མཐའ་བར་གསུམ་དུ་རྒྱུན་འཁྱོངས་བྱེད་པ།“འགག་རྩའི་ཉུང་ཤས”ཀྱི་སྣེ་ཁྲིད་ནུས་པ་འདོན་སྤེལ་བྱེད་པ། སྣེ་ཁྲིད་དེ་འགན་འཁྲི་བརྟན་དུ་གཏོང་བ། སྣེ་ཁྲིད་དེ་བྱ་ཐབས་དངོས་གཉེར་བ། སྣེ་ཁྲིད་དེ་བྱས་རྗེས་འཇོག་པ་བཅས་བྱས་ཏེ་ལྕགས་གཟེར་རྒྱག་པའི་སྙིང་སྟོབས་ཐོག་ནས་གཙོ་གནད་ཁྱབ་ཁོངས་ཀྱི་སྒྱུར་བཅོས་དམ་འཛིན་ཡག་པོ་བྱེད་པ་དང་། སྒྱུར་བཅོས་ཁྱོན་ཡོངས་ནས་གཏིང་ཟབ་ཏུ་གཏོང་བའི་བརྗིད་ཆེའི་འཆར་གཞི་དེ་སྤུས་ཚད་མཐོ་པོས“དངོས་ལྗོངས་རི་མོར”འགྱུར་བ་བྱས་ཏེ་སྒྱུར་བཅོས་ཁྱོན་ཡོངས་ནས་གཏིང་ཟབ་ཏུ་གཏོང་བའི་ཐད་ལ་གྲུབ་འབྲས་གསར་པ་ཧུར་ཐག་གཏོད་དགོས།ཚོགས་འདུའི་ཐོག་ནན་བཤད་བྱས་དོན། ཧྲུའུ་ཅི་ཁྲེན་ཀང་གིས་མཚོ་ནུབ་དང་ཡུས་ཧྲུའུ་ལ་བརྟག་ཞིབ་གནང་བའི་གསུང་བཤད་ཀྱི་དགོངས་དོན་སློབ་སྦྱོང་དང་ལག་བསྟར་ནན་ཏན་བྱས་ཏེ“ལས་བྱེད་པས་ལས་དོན་སྒྲུབ་པ་དང་། བསམ་ཕྱོགས་གསལ་བོར་ཡིན་པ། རང་གཅུན་ནན་པོ་བཅས་བྱེད་པའི”བླང་བྱ་ལག་བསྟར་གཏིང་ཟབ་བྱེད་པ་དང་། སྐྱེ་ཁམས་་ཤེས་དཔལ་འཛུགས་སྐྱོང་བྱ་རྒྱུ་དེ་ཆབ་སྲིད་ཀྱི་འགན་འཁྲི་གལ་ཆེན་དུ་བརྩི་རྒྱུ་མཐའ་འཁྱོངས་བྱེད་པ་དང་སྐྱེ་ཁམས་སྔོན་ལ་འཇོག་པ་དང་ལྗང་མདོག་འཕེལ་རྒྱས་གཏོང་རྒྱུ་མཐའ་འཁྱོངས་བྱེད་པ། རྒྱལ་ཁབ་སྤྱི་གླིང་དཔེ་སྟོན་ཞིང་ཆེན་འཛུགས་སྐྲུན་ནང་དུ་ཧུར་ཐག་ཞུགས་པ། རི་ཆུ་ནགས་ཞིང་མཚོ་མཚེའུ་བཅས་གཞི་གཅིག་ཅན་གྱི་སྲུང་སྐྱོང་དང་བརྒྱུད་རིམ་ལྡན་པའི་བཅོས་སྐྱོང་ལ་སྤྱི་འདོམས་བྱེད་པ། ལྗང་མདོག་ཐཱན་ཉུང་གི་འཕེལ་རྒྱས་ལམ་སྲོལ་འཐུས་ཚང་དུ་གཏོང་བ་བཅས་བྱས་ཏེ་ཆུ་ཚད་མཐོ་བའི་སྲུང་སྐྱོང་ལ་བརྟེན་ནས་སྤུས་ཚད་མཐོ་བའི་འཕེལ་རྒྱས་ལ་འདེགས་སྐྱོར་བྱེད་དགོས།ཚོགས་འདུའི་ཐོག《ཀྲུང་གུང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གི〈སློབ་གསོར་བརྟེན་ནས་རྒྱལ་ཁབ་སྟོབས་ཆེར་གཏོང་བའི་འཛུགས་སྐྲུན་འཆར་འགོད་རྩ་གནད（2024ལོ་ནས་2035ལོ་བར）〉པར་འགྲེམས་བྱ་རྒྱུའི་སྐོར་གྱི་བརྡ་ཐོ》བརྒྱུད་བསྒྲགས་དང་སློབ་སྦྱོང་བྱས་པ་རེད། 《སློབ་གསོར་བརྟེན་ནས་རྒྱལ་ཁབ་སྟོབས་ཆེར་གཏོང་རྒྱུའི་འཆར་འགོད་རྩ་གནད》སློབ་སྦྱོང་དང་ལག་བསྟར་ནན་ཏན་བྱས་ཏེ་དེང་རབས་ཅན་གྱི་སློབ་གསོའི་འདུ་ཤེས་བརྟན་པོ་འཛུགས་པ་དང་། སྤུས་ཚད་མཐོ་བའི་སློབ་གསོའི་མ་ལག་ཧུར་ཐག་གཏོད་པ། སློབ་གསོའི་སྒྲིག་སྲོལ་སྒྱུར་བཅོས་གཏིང་ཟབ་ཏུ་གཏོང་བ། སློབ་གསོ་དང་སློབ་ཁྲིད་བྱེད་ཐབས་རྒྱུན་ཆད་མེད་པར་གསར་གཏོད་བཅས་བྱས་ནས་ནང་ཆེན་གྱི་སློབ་གསོའི་སྤུས་ཚད་དང་སློབ་ཁྲིད་དོ་དམ་ནུས་པའི་ཆུ་ཚད་མཐོ་རུ་གཏོང་ཆེད་འབད་བརྩོན་གསར་པ་དང་ལེགས་སྐྱེས་གསར་པ་འབུལ་དགོས་པའི་ནན་བཤད་གནང་བ།ཚོགས་འདུའི་ཐོག་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་རྩོམ་ཡིག་གལ་ཆེན《སྤུས་ཚད་མཐོ་བའི་ལས་ཞུགས་གང་ལེགས་ལ་སྐུལ་འདེད་གཏོང་དགོས》ཞེས་པ་བརྒྱུད་བསྒྲགས་དང་སློབ་སྦྱོང་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་《སྤུས་ཚད་མཐོ་པོའི་སྒོ་ནས་ལས་ཞུགས་གང་ལེགས་ཐུབ་རྒྱུར་སྐུལ་འདེད་གཏོང་དགོས》ཞེས་པའི་རྩོམ་ཡིག་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་ནན་ཏན་བྱས་ཏེ་“སྤུས་ཚད་མཐོ་བ”དང་“ལས་ཞུགས་གང་ལེགས་ཐུབ་པ”གཉིས་མངོན་ཆེར་བཟུང་ནས་དྲིལ་བསྒྲགས་སློབ་གསོ་དང་ཁྲིད་སྟོན་བྱེད་རྒྱུར་ཤུགས་སྣོན་བརྒྱབ་སྟེ་རང་རྫོང་གི་མཐོ་རིམ་སློབ་ཆེན་གྱི་སློབ་ཐོན་སློབ་མ་ལས་ཞུགས་གང་ལེགས་ཐུབ་པ་བྱེད་པ་དང་། ལས་ཞུགས་བྱེད་རྒྱུ་དེ་དམངས་འཚོའི་དོན་ཆེན་ཨང་དང་པོར་བརྩིས་ནས་དུས་བབ་གསར་པའི་འོག་ནས་སྤུས་ཚད་མཐོ་པོའི་སྒོ་ནས་ལས་ཞུགས་གང་ལེགས་ཐུབ་པ་བྱེད་པའི་འགན་འཁྲིའི་བསམ་པ་དང་དགོས་གཏུག་གི་བསམ་པ་ཤུགས་ཆེར་ཏན་ཏིག་བཏང་སྟེ་རྩ་འཛུགས་ཀྱི་འགོ་ཁྲིད་སྔར་བས་ཤུགས་ཆེར་གཏོང་བ་དང་། ལས་ཀའི་ལམ་སྲོལ་འཐུས་ཚང་དུ་གཏོང་བ། ལས་ཞུགས་ཀྱི་དུས་བབ་ལ་ཞིབ་འཇུག་དང་དབྱེ་ཞིབ་བྱེད་རྒྱུར་ཤུགས་སྣོན་རྒྱག་པ།ལས་ཞུགས་ཀྱི་ཐབས་ལམ་རྒྱ་ཆེར་གཏོང་བ། ལས་ཞུགས་ཀྱི་གྲུབ་ཆ་ལེགས་སུ་གཏོང་བ། མཐོ་རིམ་སློབ་ཆེན་གྱི་སློབ་ཐོན་སློབ་མ་དང་། དམག་ཁོངས་ནས་ཕྱིར་བུད་པའི་དམག་མི། ལས་ཞུགས་བྱེད་རྒྱུར་དཀའ་ངལ་ཡོད་པའི་མི་སྣ་སོགས་གཙོ་གནད་ཚོགས་སྤྱིས་ལས་ཞུགས་གང་ལེགས་ཐུབ་པ་བཅས་བྱས་ནས་རྫོང་ཡོངས་ཀྱི་ལས་ཞུགས་ཀྱི་སྤྱི་ཡོངས་བརྟན་པོ་ཡོང་བའི་འགན་ལེན་བྱེད་དགོས།ཚོགས་འདུའི་ཐོག་དམངས་སྲིད་ལས་དོན་དང་སྤྱི་ཚོགས་ལས་དོན་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཛུབ་སྟོན་གལ་ཆེན་རབ་དང་རིམ་པའི་དགོངས་དོན་དང་དེ་བཞིན་ཞིང་ཨུད་ཀྱི་དུས་བདེའི་མཚོ་སྔོན་འཛུགས་སྐྲུན་འགོ་ཁྲིད་ཚོགས་ཆུང་ཡི་ཚོགས་འདུའི་དགོངས་དོན་བརྒྱུད་བསྒྲགས་དང་སློབ་སྦྱོང་བྱས་པ་རེད། ཚོགས་འདུའི་ཐོག་ད་དུང་དུས་རབས་གསར་པའི་སྤྱི་ཚོགས་ལས་དོན་གྱི་རྩ་དོན་དང་ཁ་ཕྱོགས་སྟངས་འཛིན་ཐུབ་པ་བྱས་ནས་རྫོང་ཨུའི་སྤྱི་ཚོགས་ལས་དོན་པུའི་འཛུགས་སྐྱོང་ལ་ཤུགས་སྣོན་བརྒྱབ་སྟེ་སྤྱི་ཚོགས་ལས་དོན་རིམ་སྤོར་ལ་སྐུལ་འདེད་གཏོང་དགོས། དེ་དང་ཆབས་ཅིག་ཏུ་ཞིང་ཨུད་ཀྱི་དུས་བདེ་འཛུགས་སྐྱོང་གི་བླང་བྱ་དང་བསྡུར་བ་ནན་པོ་བྱས་ཏེ་ནུས་ཤུགས་ཡོད་རྒུས་དུས་བདེའི་ནང་ཆེན་འཛུགས་སྐྲུན་ལ་སྐུལ་འདེད་གཏོང་བ་དང་། ཉེན་ཁ་སྔོན་འགོག་དང་། བདེ་འཇགས་འགན་ལེན། བརྟན་ལྷིང་སྲུང་སྐྱོབ། འཕེལ་རྒྱས་ལ་སྐུལ་འདེད་བཅས་ཀྱི་ཐད་ཕན་ལ་འབྲས་དངོས་ཐོན་པ་བྱས་ནས་དུས་བདེ་འཛུགས་སྐྱོང་གི་དཔྱད་ཞིབ་ཁྲོད་ཕུལ་བྱུང་གི་གྲུབ་འབྲས་ཐོབ་པའི་བརྩོན་ལེན་བྱས་ཏེ་མི་དམངས་མང་ཚོགས་ལ་དེ་བས་བདེ་འཇགས་དང་ཞི་མཐུན་གྱི་སྤྱི་ཚོགས་ཁོར་ཡུག་གཏོད་དགོས་པའི་བླང་བྱ་བཏོན་པ་རེད།ཚོགས་འདུའི་ཐོག་ནུས་མེད་ཟབ་ཟོབ་ཀྱི་གྲོང་ཚོའི་ཏང་རྩ་འཛུགས་བཅོས་སྒྲིག་དང་། ཟི་ལིང་གི་མ་དངུལ་ཚུར་ལེན། མང་ཚོགས་ཉེ་འགྲམ་གྱི་ཚུལ་མིན་སྤྱོད་ཚུལ་དང་རུལ་སུངས་གནད་དོན་བཅོས་སྒྲིག་བཅས་ཀྱི་ལས་དོན། དུས་བདེའི་ནང་ཆེན་འཛུགས་སྐྲུན་གྱི་ལས་དོན། ཚད་གཞི་མཐོ་བའི་ཞིང་ཁ་འཛུགས་སྐྲུན། རྫོང་དེ་ཡོངས་ཀྱི་གཏན་འཇགས་རྒྱུ་ནོར་གྱི་མ་འཇོག་ལེགས་སྒྲུབ་བྱས་ཚུལ་བཅས་ཀྱི་སྙན་ཞུ་གསན་པ་རེད།ཚོགས་འདུའི་ཐོག་ད་དུང་འབྲེལ་ཡོད་གྲོས་གཞིར་གྲོས་ཞིབ་བྱས་པ་དང་ཉེ་དུས་ཀྱི་གཙོ་གནད་ལས་དོན་བཀོད་སྒྲིག་བྱས། གཅིག་ནི་བདེ་འཇགས་འཛུགས་སྐྱོང་གི་ལས་དོན་ཁག་ལ་རྒྱུན་མཐུད་ངང་སྐུལ་འདེད་གཏོང་དགོས། གཉིས་ནི་གྲོང་གསེབ་དར་རྒྱས་གཏོང་བའི་ལས་དོན་ལ་མུ་མཐུད་དུ་་སྐུལ་འདེད་གཏོང་དགོས། གསུམ་ནི་ཉེན་མེད་ཐོན་སྐྱེད་ཀྱི་ལས་དོན་ཏན་ཏིག་བསྒྲུབ་དགོས། བཞི་ནི་ཕྱི་ཚུལ་རིང་ལུགས་བཅོས་སྒྲིག་གིས་གཞི་རིམ་གྱི་ཁུར་པོ་ཡང་དུ་གཏོང་བའི་འབྲེལ་ཡོད་ལས་དོན་ལ་མུ་མཐུད་དུ སྐུལ་འདེད་གཏོང་རྒྱུ་དང་། ལྔ་ནི་ལོ་འཁོར་གྱི་དམིགས་ཚད་ལས་འགན་དང་ལོ་འཁོར་གྱི་ཕྱོགས་སྡོམ་ལས་དོན་ལ་གོ་རིམ་ལྡན་པའི་ངང་སྐུལ་འདེད་གཏོང་རྒྱུ་བཅས་རེད། དྲུག་ནི་ནུས་ཤུགས་ཡོད་རྒུས་ཁུལ་ཡོངས་ཀྱི་རིག་གནས་ཡུལ་སྐོར་ལས་རིགས་ཀྱི་ལྟ་སྦྱོང་ཚོགས་འདུ་ཡི་སྤུས་ཚད་མཐོ་བའི་འཕེལ་རྒྱས་ཀྱི་གྲ་སྒྲིག་ལས་དོན་ཡག་པོ་བསྒྲུབ་རྒྱུ། བདུན་ནི་ད་ལོའི་དགུན་ཁ་དང་ཕྱི་ལོའི་དཔྱིད་ཀའི་གེགས་འགོག་ཕྱུགས་སྲུང་དང་ནགས་ཚལ་དང་རྩྭ་ཐང་གི་མེ་ཟོན་ལས་དོན་སྒོ་ཀུན་ནས་ཡག་པོ་སྒྲུབ་དགོས། བརྒྱད་ནི་ལོ་ལྔ་ཚན་བཅོ་ལྔ་པའི་འཆར་འགོད་བཟོ་བ་དང་རྣམ་གྲངས་འཆར་འགོད་ལས་དོན་ལ་སྐུལ་འདེད་ནུས་ལྡན་གཏོང་དགོས། དགུ་ནས་སང་ལོའི་གཙོ་གནད་ལས་དོན་དུས་ཐོག་ཏུ་ཇུས་འགོད་བྱེད་དགོས་པ། བཅུ་ནི་ཡིག་བསྐུར་ངོ་བཅར་ཁྲིམས་སྐྱོང་ཅན་དུ་འགྱུར་བའི་ལས་ཀ་ལེགས་པར་བསྒྲུབ་དགོས།རྫོང་ཨུད་ཀྱི་རྒྱུན་ཨུ་ཁག་ཚོགས་འདུར་ཞུགས་པ་དང་། རྫོང་རིམ་པ་གཞོན་པ་ཡན་གྱི་འགོ་ཁྲིད་ལས་བྱེད་པ། ཞང་དང་གྲོང་རྡལ་ཁག་གི་ཏང་ཨུ་དང་སྲིད་གཞུང་གི་འགན་འཁུར་བློ་མཐུན་གཙོ་བོ། རྫོང་ཨུའི་སྡེ་ཁག་སོ་སོ་དང་། རྫོང་ཐད་གཏོགས་སྡེ་ཚན་ཁག ལྟ་སྐུལ་དོ་དམ་སྡེ་ཚན་ཁག་བཅས་ཀྱི་འགན་འཁུར་བློ་མཐུན་གཙོ་བོ་ཚོགས་འདུར་ཟུར་ཞུགས་བྱེད་བཞིན་ཡོད།
