མེ་ཏོག་མ།
美朵玛
ཚིག གངས་མགོན་རྒྱལ།
དབྱངས། གངས་མགོན་རྒྱལ།
རོལ་མོ། གངས་མགོན་རྒྱལ།
ལེན་མཁན། གངས་མགོན་རྒྱལ།
ཞལ་ལ་ཟླ་བ་ཚེས་འདྲའི་བུ་མོ་མེ་ཏོག་མ།།
གཟུགས་ལ་སྨྱུག་ཕྲན་སྐྱེས་འདྲའི་བུ་མོ་མེ་ཏོག་མ།།
ཆོས་ལ་དད་མདུན་ཅན་གྱི་བུ་མོ་མེ་ཏོག་མ།།
བྱམས་ལ་སྙིང་རྗེ་ཅན་གྱི་བུ་མོ་མེ་ཏོག་མ།།
སྟོད་རྒྱ་གར་རྒྱལ་བོའི་མཛོད་ནང་གི།
གོས་འབྲུག་རིས་མ་དེ་གོན་ན་འོད་ལམ་ལམ།།
སྨད་རྒྱ་ནག་རྒྱལ་བོའི་མཁར་ནང་གི།
གསེར་སེར་བོའི་རྣ་ཏོག་བཏེགས་ན་ཡག་ལྷང་ངེ།།
རང་ཡུལ་རུ་སྡེའི་ནང་གི།
མིག་གི་ལྟ་ས་ཁྱོད་རེད།།
སྣང་བ་ཤོར་ས་ཁྱོད་རེད།།
ཡ་ཆུང་སེམས་པའི་དཀྱིལ་གྱི།།
སྙིང་གི་མེ་ཏོག་ཁྱོད་རེད།།
མཚན་མོའི་རྨི་ལམ་ཁྱོད་རེད།།
སྐད་ལ་དྭངས་ཤ་ཅན་གྱི་བུ་མོ་མེ་ཏོག་མ།།
ངག་ལ་གཉོམ་ཤ་ཅན་གྱི་མི་མོ་མེ་ཏོག་མ།།
སེམས་ལ་བརྩེ་བ་ཅན་གྱི་བུ་མོ་མེ་ཏོག་མ།།
གཤིས་ལ་དུངས་བ་ཅན་གྱི་མི་མོ་མེ་ཏོག་མ།།
སྟོད་དབུས་གཙང་རྩེད་ར་གོང་མ་ནས།།
སྒྲ་སྙན་མོའི་རྒྱུད་སྐུད་རྡུང་ན་སྙན་ལྷང་ལྷང་།།
སྨད་ཨ་མདོའི་རྩེད་ར་ཞོལ་མ་ནས།།
ཁ་མཐུན་པ་ངག་ལ་བཀུག་ན་གཉོམ་དུང་ངེ།།
ཁྲོམ་པ་བརྒྱ་ཚོགས་ནང་གི།
མིག་གི་མེ་ཏོག་ཁྱོད་རེད།།
རྣ་བའི་བུ་རམ་ཁྱོད་རེད།།
དྲན་སེམས་ལོ་ཟླའི་ཀློང་གི།
སྙན་ངག་འབྲི་ས་ཁྱོད་རེད།།
བརྩེ་གླུ་ལེན་ས་ཁྱོད་རེད།།
གཙོ་སྒྲིག་པ་དབུ་ནག་བོད།
▼
ངེད་དབུ་ནག་བོད་ཚང་གི་འཕྲིན་སྟེགས་འདི་ནི་དབུ་ནག་བོད་སྒྲ་སྙན་སྒྲིག་སྦྱོར་ཁང་གི་དོ་དོམ་བྱས་ཡོད་པའི་སྤྱི་སྟེགས་ཤིག་ཡིན་ལ་ཚོང་ཁང་འདིར་ཀུ་ཤུ་དང་སྐར་གསུམ་སོགས་ཀྱི་ཁ་པར་སྣ་ཚོགས་ཞིག་གསོ་དང་ཉོ་ཚོང་བྱེད་ཀྱིན་ཡོད་པ་དང་། ཤུབས་དང་འཆར་ངོས། གློག་བསོགས་ཆས་སོགས་བཙོང་རྒྱུ་ཡོད། སྐུ་ཉིད་ཀྱི་རེ་འདུན་ལྟར་ཁ་པར་ནང་དུ་ཡིག་གཟུགས་སྣ་ཚོགས་དང་། གཟུགས་དང་སྒྲ། མ་ལག་སྣ་ཚོགས་ནང་འཇུག་དང་ཕབ་ལེན་བྱེད་ཀྱིན་ཡོད་པར་མ་ཟད། བོད་ཆོལ་ཁ་གསུམ་གྱི་གཞས་པ་གཞས་མ་ཚོའི་ཆེད་བསྒྲིགས་དང་དགོངས་ཚོགས་སོགས་སྡེབ་ཚོང་དང་སིལ་ཚོང་བྱེད་ཀྱིན་ཡོད། གཞན་བོད་ཀྱི་གོས་ལྭ་དང་རྒྱ་ལྭ། ཕོ་མོའི་ཞྭ་རིགས་དང་ལྷམ་རིགས་སོགས་ཀྱང་བཙོང་རྒྱུ་ཡོད་པས་ཁྱེད་རྒྱ་ཆེའི་མཛད་སྤྱོད་པ་དག་དུས་ལྟར་ཕེབས་པར་དགའ་བསུ་ཞུ།
དབུ་ནག་བོད་ཚང་སྤྱི་སྟེགས།
