བྲེ་སེར་འབྲོང་།
ཚིག ཧོར་དཀར་ནོར་མོ།།
དབྱངས། བསོད་ནམས་སྟོབས་རྒྱལ།
གཞས་པ། བསོད་ནམས་སྟོབས་རྒྱལ།
དམར་སེར་དུས་ཀྱི་ཁུག་སོ་ཞིག་ན།
གནའ་ནས་བརྒྱུད་པའི་རིག་གཞུང་གཉའ་དམའ།
ཁུར་གྱི་ཐེག་པའི་སྐྱེས་ཆེན་ཉུང་སོང་།
བྱང་འབྲོག་ཡུལ་གྱི་ཁུག་སོ་ཞིག་ནས།
བྲེ་སེར་འབྲོང་གཅིག་ག་ལེར་ཕེབས་བྱུང་།
ངུར་སྒྲ་གྲགས་བྱུང་།
གནམ་ས་གཡོས་བྱུང་།
སྦྲང་ཆར་བབས་བྱུང་།
ཕེབས་པ་ལེགས་བྱུང་།
རིག་གཞུང་དར་སོང་།
སྐྱ་སེར་འདུས་པའི་ཁུག་སོ་ཞིག་ནས།
གནའ་ནས་བརྒྱུད་པའི་དྭངས་སེམས་རྙོགས་སོང་།
དྭངས་རྙིགས་དབྱེ་བའི་ཆུ་ཤེལ་དཀོན་སོང་།
བྱང་འབྲོག་ཡུལ་གྱི་ཁུག་སོ་ཞིག་ནས།
བྲེ་སེར་འབྲོང་གཅིག་ག་ལེར་ཕེབས་བྱུང་།
ངུར་སྒྲ་གྲགས་བྱུང་།
གནམ་ས་གཡོས་བྱུང་།
སྦྲང་ཆར་བབས་བྱུང་།
ཕེབས་པ་ལེགས་བྱུང་།
སེམས་ཁམས་དྭངས་སོང་།
སེམས་ཀྱི་བྱང་ཐང་བདེ་བཤེགས་སྙིང་པོ།
སྒོམ་གྱི་འོད་སྣང་སྟོང་ཕྲག་འཕྲོས་ནས།
རྩྭ་ཐང་སྟེང་གི་ཕ་རྒན་མ་རྒན།
ཆོས་ཀྱི་སྦྲང་ཆར་སེམས་ལ་བཞུར་ནས།
ཉི་མའི་ཕྱོགས་སུ་མགུར་དབྱངས་འཐེན་བྱུང་།
བསྐལ་པ་བཟང་བྱུང་།
ཉམས་རྟོགས་རྒྱས་བྱུང་།
འབྲས་བུ་སྨིན་སོང་།
ཨེ་མ་དགའ་བ།
ཨ་ཧོ་སྐྱིད་པ།
གཙོ་སྒྲིག་པ་དབུ་ནག་བོད།
▼
ངེད་དབུ་ནག་བོད་ཚང་གི་འཕྲིན་སྟེགས་འདི་ནི་དབུ་ནག་བོད་སྒྲ་སྙན་སྒྲིག་སྦྱོར་ཁང་གི་དོ་དོམ་བྱས་ཡོད་པའི་སྤྱི་སྟེགས་ཤིག་ཡིན་ལ་ཚོང་ཁང་འདིར་ཀུ་ཤུ་དང་སྐར་གསུམ་སོགས་ཀྱི་ཁ་པར་སྣ་ཚོགས་ཞིག་གསོ་དང་ཉོ་ཚོང་བྱེད་ཀྱིན་ཡོད་པ་དང་། ཤུབས་དང་འཆར་ངོས། གློག་བསོགས་ཆས་སོགས་བཙོང་རྒྱུ་ཡོད། སྐུ་ཉིད་ཀྱི་རེ་འདུན་ལྟར་ཁ་པར་ནང་དུ་ཡིག་གཟུགས་སྣ་ཚོགས་དང་། གཟུགས་དང་སྒྲ། མ་ལག་སྣ་ཚོགས་ནང་འཇུག་དང་ཕབ་ལེན་བྱེད་ཀྱིན་ཡོད་པར་མ་ཟད། བོད་ཆོལ་ཁ་གསུམ་གྱི་གཞས་པ་གཞས་མ་ཚོའི་ཆེད་བསྒྲིགས་དང་དགོངས་ཚོགས་སོགས་སྡེབ་ཚོང་དང་སིལ་ཚོང་བྱེད་ཀྱིན་ཡོད། གཞན་བོད་ཀྱི་གོས་ལྭ་དང་རྒྱ་ལྭ། ཕོ་མོའི་ཞྭ་རིགས་དང་ལྷམ་རིགས་སོགས་ཀྱང་བཙོང་རྒྱུ་ཡོད་པས་ཁྱེད་རྒྱ་ཆེའི་མཛད་སྤྱོད་པ་དག་དུས་ལྟར་ཕེབས་པར་དགའ་བསུ་ཞུ།
དབུ་ནག་བོད་ཚང་སྤྱི་སྟེགས།
