▽
ཀློང་ཆེན་ཐུགས་ཀྱི་སྲས་པོ་འཇའ་ལུས་པ།
དཔའ་མཆོག་གངས་ཆར་གྱིས་ཚིག་བརྩམས།
ཚེ་རིང་དོན་གྲུབ་ཀྱིས་དབྱངས་བརྩམས།
གནས་འབའ་ཡུལ་ལྷ་ཡི་དགའ་ཚལ་དུ། །
རྗེ་བླ་མ་བཟང་པོ་ལྷ་ཡི་སྲས།།
མ་འགྲོ་དྲུག་འདྲེན་པའི་ཐུགས་བསྐྱེད་ཅན།།
སྐུ་བསོད་ནམས་འགྲོ་བའི་དཔལ་དུ་ཤར།།
གནས་མི་འགྱུར་འཇའ་ལུས་ཕོ་བྲང་དུ།།
གཟུངས་དྲུག་མའི་བྱིན་རླབས་དངོས་གྲུབ་འབར།།
ལྷ་ཕྱག་ན་པདྨོའི་འཕྲིན་ལས་ཅན།།
གངས་ཁ་བའི་ལྗོངས་འདིའི་མགོན་དུ་ཤར།།
གཞི་མི་འཇིགས་སེང་ཆེན་ཁྲི་འཕང་དུ།།
མགོན་བླ་མ་བྱང་སེམས་སྤྲུལ་བ་ཅན།།
སྐུ་མཛད་འཕྲིན་ཉི་ཟླའི་འོད་ཟེར་ལ།།
ནང་གདུལ་བྱ་སྐར་ཚོགས་རང་འདུས་ཡིན།།
རྗེ་བླ་མ་བསྟན་འཛིན་སྙན་གྲགས་མཆོག །
ཐུགས་བརྩེ་བའི་འགྲོ་དོན་རྒྱས་པར་ཤོག།
སྐུ་མི་ནུབ་བསྐལ་བརྒྱར་བརྟན་པར་ཤོག།
གསུང་འགག་མེད་ཆོས་སྒྲ་སྒྲོག་པར་ཤོག།
