དེང་རབས་བསླབ་བྱ་ལས།
ཀོ་བ་མ་མཉེད་གྱོང་པོར་འགྱུར། །ས་ཞིང་མ་རྨོས་ཐ་བར་འགྱུར། །བུ་ཕྲུག་མ་བསླབས་བླུན་པོར་འགྱུར། །དེ་ཕྱིར་སློབ་གསོ་ངེས་པར་དགོས། ། ཕྲུ་གུར་སློབ་གསོ་མི་སྟེར་བ། །ཕ་མའི་སྐྱོན་གྱི་ཆེ་ཤོས་ཏེ། །ཡོན་ཏན་རྒྱན་གྱིས་མ་བརྒྱན་ན། །གསོས་པ་ཙམ་གྱིས་ག་ལ་ཆོག ། ཕྲུ་གུ་བསྐྱེད་ནས་གསོ་བ་ཙམ། །དུད་འགྲོའི་ཕ་མ་རྣམས་ཀྱང་བྱེད། །ཤེས་རིག་ཡོན་ཏན་བསླབས་བྱས་ན། །ད་གཟོད་མི་ཡི་ཁྱད་ཆོས་ཡིན། ། ལྟོ་གོས་བཟང་པོས་གསོས་ན་ཡང་། །ཉིན་གཅིག་འཁྱག་ལྟོགས་སེལ་ཙམ་སྟེ། །སློབ་གསོ་བཟང་པོ་མ་བྱིན་ན། །ཚེ་གཅིག་དཀའ་ངལ་སེལ་ཐབས་མེད། །
དེང་རབས་བསླབ་བྱ་ལས།
