ཚིག་དབྱངས། པད་མ།
ལེན་མཁན། ལྷ་སྐྱིད།
བཀྲ་ཤིས་ཤོག
དག་གཙང་གངས་དཀར་རི་ལ་འོད་དཀར་འཚེར།།
ལྷུང་ལྷུང་གཙང་ཆབ་རིང་མོ་རྟག་ཏུ་འབབ།།
ཆུ་འཛིན་ལང་ལོང་རབ་དཀར་ཁ་བཏགས་མཚུངས།།
གངས་ལྗོངས་ཡུལ་ལ་བཀྲ་ཤིས་དགེ་མཚན་རྒྱས།།
ཆུ་འཛིན་ལང་ལོང་རབ་དཀར་ཁ་བཏགས་མཚུངས།།
གངས་ལྗོངས་ཡུལ་ལ་བཀྲ་ཤིས་དགེ་མཚན་རྒྱས།།
བཀྲ་ཤིས་ཤོག
མཐོ་སྒང་སྨན་གྱི་ལྗོངས་ལ་དཔྱིད་དཔལ་བཞད།།
ཡར་འབྲོག་གཡུ་མཚོ་ཁ་ནས་གསེར་ཉ་རྩེན།།
ཧི་མ་ལ་ཡི་རི་ལ་ཉི་ཟེར་འཕྲོས།།
གངས་ལྗོངས་ཡུལ་ལ་རྟེན་འབྲེལ་བཟང་པོ་འགྲིགས།།
ཧི་མ་ལ་ཡི་རི་ལ་ཉི་ཟེར་འཕྲོས།།
གངས་ལྗོངས་ཡུལ་ལ་རྟེན་འབྲེལ་བཟང་པོ་འགྲིགས།།
བཀྲ་ཤིས་ཤོག
ཤར་ཕྱོགས་དགུང་སྔོན་མཐའ་ནས་གཡུ་འབྲུག་གྲགས།།
སཱ་ལའི་ལྗོངས་ལ་བཀྲ་ཤིས་ཆར་བ་བབས།།
འཛམ་གླིང་ཉི་ཟླ་སྐར་གསུམ་མགྲོན་ལ་ཕེབས།།
གངས་ལྗོངས་ཡུལ་ལ་བདེ་སྐྱིད་འོད་དཔལ་འབར།།
འཛམ་གླིང་ཉི་ཟླ་སྐར་གསུམ་མགྲོན་ལ་ཕེབས།།
གངས་ལྗོངས་ཡུལ་ལ་བདེ་སྐྱིད་འོད་དཔལ་འབར།།
