«ئوتتۇرا ياشلىق ئەر-خوتۇنلارنىڭ توي تۇرمۇشىنى باشقۇرۇشتىكى ئاچقۇچلۇق ئۈچ نۇقتا »
توي تۇرمۇشى يىللارنىڭ سىنىقى ئاستىدا، بولۇپمۇ ئادەم ئوتتۇرا ياشقا بارغاندا، دائىم نۇرغۇن خىرىسلارغا دۇچ كېلىدۇ. بۇ ۋاقىتتا ئەر-ئايال ئوتتۇرىسىدىكى سۆيۈش-سۆيمەسلىك ئەڭ مۇھىم ئەمەس، مۇھىمى تۆۋەندىكى ئۈچ نۇقتىنى ياخشى ئىگىلەش-ئىگىلىيەلمەسلىك.
بىرىنچى، ئۆزىنىڭ تۆۋەن چېكىنى ساقلاش
توي تۇرمۇشىدا كەڭ قورساق بولۇش ئەلۋەتتە مۇھىم، لېكىن ئوتتۇرا ياشلىق ئەر-خوتۇن چوقۇم ئۆزىنىڭ تۆۋەن چېكىنى بېكىتىشى كېرەك. ھەددىدىن ئارتۇق مۇرەسسە قىلىش ۋە سەۋر-تاقەت قىلىش بەخت ئېلىپ كەلمەستىن، بەلكى ئۆزىنى توي تۇرمۇشىدا پايدىسىز ئورۇنغا چۈشۈرۈپ قويۇشى مۇمكىن. تۆۋەن چەك ئۆزىنى قوغداشنىڭ بىر خىل چېكى، ئۇنىڭدا چىڭ تۇرغاندىلا، ئاندىن ئۆز ھېسسىياتىنى قوغداپ، تېگىشلىك ھۆرمەتكە ئېرىشكىلى، شۇ ئارقىلىق ئەر خوتۇنلۇق مۇناسىۋىتىنىڭ مۇقىملىقىغا كاپالەتلىك قىلغىلى بولىدۇ.
ئىككىنچى، قارشى تەرەپنىڭ يۇقىرى بېسىملىق توك سىمىغا تەگمەڭ
ھەربىر ئادەمنىڭ قەلبىدە بىر قىسىم سەزگۈر ھەم ئاجىز رايونلار بولىدۇ، بۇ دەل ئاتالمىش يۇقىرى بېسىملىق توك سىمى. ئەر-خوتۇننىڭ ھېسسىياتى مەيلى قانچىلىك چوڭقۇر بولسۇن، قارشى تەرەپنىڭ بۇ سەزگۈر نۇقتىلىرىغا ئاسانلىقچە چېقىلماسلىق كېرەك. چىقىشىپ ئۆتۈش جەريانىدا، ھەر ۋاقىت ئۆزىنىڭ سۆز-ھەرىكىتىگە دىققەت قىلىپ، گەپ-سۆز ياكى ھەرىكەتتىكى بىخەستەلىك سەۋەبىدىن قارشى تەرەپكە زىيان يەتكۈزۈپ قويۇشتىن ساقلىنىش كېرەك. قارشى تەرەپنىڭ يۇقىرى بېسىملىق توك سىمىنى ھۆرمەتلەش جورىسىغا بولغان ئاساسىي ھۆرمەت، شۇنداقلا ئەر ئايال ئىناقلىقىنى ساقلاشتىكى مۇھىم ئامىل.
3.ئىككى تەرەپنىڭ پاسىل سىزىقىنى ياخشى سىزىڭ
ئەر-خوتۇنلار ئوتتۇرىسىدا گەرچە ئارىلىق بولمىسىمۇ، لېكىن چېگرا يوقلۇقىدىن دېرەك بەرمەيدۇ. نۇرغۇن ئەر-خوتۇنلاردا كۆپ ھاللاردا چېگرا ئېڭى كەمچىل بولغانلىقتىن زىددىيەت پەيدا بولىدۇ. ئىككى تەرەپنىڭ ھوقۇقى ۋە مەجبۇرىيىتىنى ئايدىڭلاشتۇرۇپ، مۇۋاپىق ئارىلىق ساقلىغاندا، ھەم بىر-بىرىنى مۇستەقىل بوشلۇققا ئىگە قىلغىلى، ھەم زۆرۈر بولمىغان توقۇنۇش ۋە زىددىيەتلەردىن ساقلانغىلى بولىدۇ، بۇ توي تۇرمۇشىنىڭ ئۇزاق مۇددەتلىك سىرلىرىنىڭ بىرى.
توي تۇرمۇشىنى ياخشى باشقۇرۇش خۇددى بىر يۇمران گۈلنى ئاسرىغانغا ئوخشايدۇ، مۇھەببەت بىلەن ئوزۇقلاندۇرۇشقا، ئەقىل-پاراسەت بىلەن سۇغىرىشقا توغرا كېلىدۇ.
