དགུན་ཟླ་འབྲིང་བའི་དུས་འདིར། མ་འོངས་པའི་ལོ་ལྔ་ལ་ལུཊ་རྙིང་ལོའི་ལོ་གསར་གྱི་གནམ་གང་མེད་པའི་ཆ་འཕྲིན་དེར་མི་རྣམས་ཀྱིས་དོ་ཁུར་བྱེད་བཞིན་ཡོད། ཆ་འཕྲིན་ནང་2025ལོ་ནས་2029ལོའི་བར་ཏེ་བསྟུད་མར་ལོ་5ལ་ལུཊ་རྙིང་ལོའི་ལོ་གསར་གྱི་གནམ་གང་མེད་ཅིང་། ལུཊ་རྙིང་ལོའི་ལོ་གསར་གྱི་ཉི་ཤུ་དགུ་བསྐྱལ་རྗེས་ལོ་གསར་ཚེས་གཅིག་ལ་སླེབས་ཡོད་ཅེས་བསྟན་འདུག
ལོ་གསར་གྱི་གནམ་གང་མེད་པར་གྱུར་དོན་ཅི་ཡིན།
ཀྲུང་གོ་ཚན་རིག་གླིང་ཙི་ཅིང་ཧྲན་གནམ་དཔྱད་སྟེགས་བུའི་ཚན་རིག་ཁྱབ་གདལ་དང་རྒྱབ་ཕྱོགས་མཁོ་སྒྲུབ་ལྟེ་གནས་ཀྱི་ཀྲུའུ་རེན་གཞོན་པ་ཝང་ཁོ་ཁྲའོ་ཡིས་བསྟན་དོན། ལུཊ་རྙིང་ལོའི་ལོ་གསར་གྱི་གནམ་གང་མེད་པར་གྱུར་དོན་དེ་གཙོ་བོ་རང་རྒྱལ་གྱིས་ད་ལྟ་སྤྱོད་བཞིན་པའི་སྲོལ་རྒྱུན་ལོ་ཐོ་སྟེ་ལུགས་རྙིང་གི་སྒྲིག་རྩིས་ལམ་སྲོལ་དང་འབྲེལ་བ་ཡོད་དེ། ལུགས་རྙིང་གི་ཟླ་བ་རེ་རེ་ནི་ཟླ་བའི་འཕེལ་འགྲིབ་ལྟར་བཀོད་སྒྲིག་བྱེད་བཞིན་ཡོད་ལ། དེའི་ཆ་སྙོམས་འཁོར་ཡུན་ནི་ཉིན་29.53ཡིན་པས། ལུགས་རྙིང་གི་ཟླ་རེར་ཟླ་བ་ཆེ་ཆུང་གི་དབྱེ་བ་ཡོད་དེ། ཟླ་ཆེན་ལ་ཉིན་30ཡོད་པ་དང་། ཟླ་ཆུང་ལ་ཉིན་29ཡོད། གལ་ཏེ་རྒྱལ་ཟླ་ནི་ཟླ་ཆུང་ཡིན་ན། ལོ་འདིར་ལོ་གསར་གྱི་གནམ་གང་མེད། རྒྱལ་ཟླ་ཟླ་ཆུང་དང་འཕྲད་པའི་སྣང་ཚུལ་མཐོང་དཀོན་པ་ཞིག་མིན་ཏེ། ཧ་ལམ་ལོ་གསུམ་ནས་ལོ་ལྔ་ཡི་བར་འབྱུང་བཞིན་ཡོད། 2013ལོ་དང་2016ལོ། 2022ལོ། དེ་བཞིན་2025ལོ་ནས་2029ལོ་བར་ཏེ་བསྟུན་མར་ལོ་5ལ་ལོ་གསར་གྱི་གནམ་གང་མེད་པ་རེད།
གཞན་ཟླ་ཆེན་ཟླ་ཆུང་ཐོན་པ་ནི་ཆེ་བ་གཅིག་དང་ཆུང་བ་གཅིག་གམ་ཆུང་བ་གཅིག་དང་ཆེ་བ་གཅིག་ལྟར་སྒྲིག་པ་ཞིག་མ་ཡིན་པར། བསྟུད་མར་ཟླ་ཆེན་འགའ་ཐོན་པའམ་བསྟུད་མར་ཟླ་ཆུང་འགའ་ཐོན་པའི་གནས་ཚུལ་ཡང་ཡོད། དེ་ཞིབ་ཅིང་དག་པའི་བརྩི་ཐབས་བརྒྱུད་གཏན་འཁེལ་བྱེད་དགོས།
ལོ་གསར་གྱི་གནམ་གང་མེད་ན་ལོ་གསར་གྱི་བྲོ་བ་ཉམས་པ་ཡིན་ནམ།
ཆེད་མཁས་པས་དམངས་ཁྲོད་དུ་ལོ་རྙིང་གི་ཆེས་མཇུག་མཐའི་མཚན་མོར་གནམ་གང་ཞེས་འབོད་སྲོལ་ཡོད་པས། རྒྱལ་ཟླའི་ཚེས་ཉི་ཤུ་དགུའམ་རྒྱལ་ཟླའི་ཚེས་སུམ་ཅུ་གང་ཡིན་རུང་། སྲོལ་རྒྱུན་དུས་ཆེན་ཡིན་པའི་གནམ་གང་དེ་ནམ་ཡང་ཡོད་ཅེས་བསྟན།
ཀུན་ཁྱབ་འོད་སྣང་འཕྲིན་སྟེགས།
གཞན་ལ་སྐུར།
ཉར་ཚགས།
མཐེ་བོང་ནོན།
མེ་ཏོག་ནོན།
