ནང་ཆེན་རྫོང་གིས་རིག་གནས་དང་ཡུལ་སྐོར་སྤུས་ཚད་མཐོ་པོའི་ངང་འཕེལ་རྒྱས་གཏོང་བའི་སྐུལ་སྤེལ་ཚོགས་འདུ་འཚོགས་པ།
འདྲེན་ཚིག ཟླ་11པའི་ཚེས་4ཉིན་ནང་ཆེན་རྫོང་གིས་རིག་གནས་ཡུལ་སྐོར་སྤུས་ཚད་མཐོ་པོའི་ངང་འཕེལ་རྒྱས་གཏོང་བའི་སྐུལ་སྤེལ་ཚོགས་འདུ་འཚོགས་ནས་རིག་གནས་དང་ཡུལ་སྐོར་ལས་དོན་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་རྣམ་བཤད་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱེད་པ། ཀྲུང་དབྱང་དང་། ཞིང་ཆེན། ཁུལ་བཅས་ཀྱི་འབྲེལ་ཡོད་ཚོགས་འདུའི་དགོངས་དོན་ཁྱོན་ཡོངས་ནས་དོན་འཁྱོལ་བྱེད་པ། ལོ་འཁོར་གྱི་ལས་འགན་ལེགས་སྒྲུབ་བྱས་ཚུལ་ཁྱོན་ཡོངས་ནས་སླར་གསོ་བྱེད་པ། མིག་སྔར་གནས་པའི་མངོན་གསལ་དོད་པའི་གནད་དོན་དང་ཞན་ཆར་དབྱེ་ཞིབ་གཏིང་ཟབ་བྱེད་པ། དུས་མཚམས་རྗེས་མའི་ལས་འགན་གཙོ་བོ་བཀོད་སྒྲིག་བཅས་བྱས་པ་རེད། རྫོང་ཨུད་ཀྱི་ཧྲུའུ་ཅི་ཧྲི་ཏ་ཚུན་ཚོགས་འདུར་ཕེབས་པ་དང་གསུང་བཤད་ཀྱང་གནང་བ་རེད། རྫོང་ཨུད་ཀྱི་ཧྲུའུ་ཅི་གཞོན་པ་རྫོང་སྲིད་གཞུང་གི་རྫོང་དཔོན་ཤེས་རབ་རྒྱ་མཚོས་ཚོགས་འདུ་གཙོ་སྐྱོང་གནང་བ་རེད།དངོས་གཞི། ཚོགས་འདུའི་ཐོག་ལོ་འགོ་ནས་བཟུང་རྫོང་ཡོངས་ཀྱི་གོང་འོག་ཚང་མས་ཏང་གི་ཚོགས་ཆེན་ཐེངས་ཉི་ཤུ་པ་དང་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱས་པ་དང་། རིག་གནས་དང་ཡུལ་སྐོར་ལས་དོན་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་རྣམ་བཤད་གལ་ཆེན་ལ་གོ་བ་གཏིང་ཟབ་བླངས་པ།《ཡུས་ཧྲུའུ་ཁུལ་གྱིས་རྒྱལ་སྤྱིའི་ཡུལ་སྐོར་སྐྱེ་ཁམས་གཏོད་པའི་ལོ་གསུམ་བྱ་སྤྱོད་ཇུས་གཞིར》དམིགས་པ་དང་། གོང་འོག་བློ་སེམས་གཅིག་སྒྲིལ་དང་2023ལོའི་གསབ་ཁྲིད་རྣམ་གྲངས་དང་2024ལོའི་ལས་འགན་གཙོ་བོ་ཕྱོགས་ཡོངས་ནས་ལེགས་སྒྲུབ་བཅས་བྱས་ཏེ་རིག་གནས་དང་ཡུལ་སྐོར་འཕེལ་རྒྱས་འཆར་འགོད་གཞི་རྩའི་ཆ་ནས་གྲུབ་པ་དང་། རྒྱུ་རྐྱེན་གཙོ་བོ་འགན་ལེན་ཟམ་མི་ཆད་པར་འཐུས་ཚང་དུ་ཕྱིན་པ། སྤུས་རྟགས་ཀྱི་ཕན་འབྲས་རྒྱུན་མཐུད་ངང་འདོན་སྤེལ་ཐུབ་པ། དྲིལ་བསྒྲགས་འོས་སྦྱོར་བྱེད་རྒྱ་ཆེ་རུ་ཕྱིན་པ་བཅས་བྱུང་ནས་འགྲན་ནུས་དང་ཤུགས་རྐྱེན་ཆེ་ཙམ་ལྡན་པའི་རིག་གནས་ཡུལ་སྐོར་ཐོན་ལས་འབྲེལ་ཐག་རྒྱུན་མཐུད་ངང་འཐུས་ཚང་དང་སྟོབས་ཆེར་གཏོང་བཞིན་ཡོད་ཅེས་བསྟན་ཡོད་པ་རེད།ཚོགས་འདུའི་ཐོག་ད་ལོ་ནི་རྒྱལ་སྤྱིའི་སྐྱེ་ཁམས་ཡུལ་སྐོར་དམིགས་སའི་གདམ་ག་བྱ་ཡུལ་གཏོད་པའི་ལོ་གསུམ་བྱ་སྤྱོད་ཀྱི“ལོ་གཉིས་ལ་ཕན་འབྲས་ཐོན་པའི”དམིགས་ཚད་ཀྱི་འགག་སྒྲོལ་ལོ་ཞིག་ཡིན་པས་རྫོང་ཡོངས་ཀྱི་གོང་འོག་ཚང་མས“མིག་མང་འགྲིག་སྐོར་གཅིག”གི་བསམ་བློ་བརྟན་པོ་བཙུགས་ནས“ལོ་གསུམ་གྱི་བྱ་སྤྱོད་ཇུས་གཞིའི”ལས་འགན་དང་རིག་གནས་ཡུལ་སྐོར་གྱི་གཙོ་གནད་ལས་དོན་ཁག་བགོས་ཀྱི་དམིགས་ཚད་དང་ཞིབ་བསྡུར་ནན་པོ་བྱེད་པ་དང་། ཇུས་འགོད་འཆར་འགོད་དང་། 2023ལོའི་གསབ་ཁྲིད་ལས་འགན།2024ལོའི་གཙོ་གནད་རྣམ་གྲངས་འཛུགས་སྐྲུན་བཅས་ཀྱི་གཙོ་གནད་ལས་དོན་ཁག་གསུམ་ལ་དམིགས་པ། དེ་བཞིན་རིག་གནས་ཡུལ་སྐོར་རྣམ་གྲངས་འཛུགས་སྐྲུན་དང་། རྨང་གཞིའི་སྒྲིག་བཀོད་མཐོར་འདེགས་བྱེད་པ། ཁོར་ཡུག་འཕྲོད་བསྟེན་ཕྱོགས་བསྡུས་བཅོས་སྒྲིག་སོགས་ཀྱི་ནང་དོན་ཁག་ཉེར་བརྒྱད་ལ་དམིགས་པ། གནད་དོན་གྱི་འདུ་ཤེས་དང་དམིགས་ཚད་ཀྱི་ཁྲིད་སྟོན་མཐའ་འཁྱོངས་བྱེད་པ། ལྷུ་ཚིགས་གཙོ་བོར་དམ་འཛིན་བྱས་ནས་འགག་སྒྲོལ་དཀའ་སེལ།བསམ་ཕྱོགས་དང་བྱ་ཐབས་གསར་གཏོད་ཀྱིས་མངོན་མེད་ནུས་ཤུགས་ཆེ་རུ་གཏོང་བ། རིག་གནས་ཡུལ་སྐོར་འཕེལ་རྒྱས་ཀྱི་ཞན་ཆ་གསབ་པ་དང་སྟོབས་ཆེར་གཏོང་བ་བཅས་བྱས་ཏེ་སྐས་རིམ་གསར་པ་ཞིག་ཏུ་སླེབས་རྒྱུར་སྐུལ་འདེད་བཏང་ནས་ཐོན་ཁུངས་ཀྱི་ལེགས་ཆ་དེ་འཕེལ་རྒྱས་ཀྱི་ལེགས་ཆར་འགྱུར་བ་བྱེད་དགོས་པའི་ནན་བཤད་བྱས་པ་རེད། སྲིད་ཇུས་ཡག་པོ་ཏན་ཏིག་སྤྱོད་པ་དང་། ཁུལ་ཨུ་དང་ཁུལ་སྲིད་གཞུང་གིས་རིག་གནས་ཡུལ་སྐོར་འཕེལ་རྒྱས་ལ་རྒྱབ་སྐྱོར་བྱེད་པའི་གཟིགས་སྐྱོང་བྱེད་ཐབས་50ལག་བསྟར་དོན་འཁྱོལ་ནན་ཏན་བྱེད་པ། གྲོང་གསེབ་དར་རྒྱས་དང་། མཛེས་སྡུག་ལྡན་པའི་གྲོང་གསེབ། གྲོང་ཁྱེར་དང་གྲོང་གསེབ་མཉམ་འདྲེས་སོགས་ཀྱི་སྲིད་ཇུས་ཐོན་ཁུངས་སྤྱི་འདོམས་བྱེད་པ། སྲིད་ཇུས་ཀྱི་ཁེ་སྤོགས་དེ་རིག་གནས་ཡུལ་སྐོར་འཕེལ་རྒྱས་ཀྱི་ཕན་འབྲས་ལ་འགྱུར་བ་བྱེད་པ། རིག་གནས་ཡུལ་སྐོར་འཕེལ་རྒྱས་དེ་འབབ་འཕར་ཕྱུག་འགྱུར་གྱི་ཐབས་ལམ་གལ་ཆེན་དུ་འགྱུར་བ་བཅས་བྱས་ནས་མང་ཚོགས་ཀྱི་ཐོབ་སེམས་དང་བདེ་སྐྱིད་ཚོར་སེམས་རྒྱུན་མཐུད་ངང་ཆེ་རུ་གཏོང་དགོས་པའི་བླང་བྱ་བཏོན་ཡོད་པ་རེད། ཤེས་ལྡན་མི་སྣ་གསོ་སྐྱོང་ལ་ཤུགས་སྣོན་བརྒྱབ་ནས་རིམ་པ་མཐོ་བའི་ཤེས་ལྡན་མི་སྣ་ནང་འདྲེན་བྱེད་པའི་གཟིགས་སྐྱོང་སྲིད་ཇུས་ཁག་དོན་འཁྱོལ་བྱས་ཏེ་ནང་ཆེན་ལ་རྒྱུས་མངའ་ཡོད་པ་དང་། ནང་ཆེན་ལ་དགའ་བ། ནང་ཆེན་གྱི་གཏམ་རྒྱུད་བཤད་ཤེས་པ། ནང་ཆེན་གྱི་གཏམ་རྒྱུད་བཤད་མཁས་པ་བཅས་ཀྱི་བྱང་ཚད་མཐོ་བའི་ཆེད་ལས་ཅན་གྱི་ཡུལ་སྐོར་ཤེས་ལྡན་མི་སྣའི་དཔུང་ཁག་ཅིག་འཛུགས་སྐྱོང་བྱེད་དགོས། ཁྲོམ་རའི་ལྟ་སྐུལ་དོ་དམ་ལ་ཤུགས་སྣོན་བརྒྱབ་སྟེ་དྲིལ་བསྒྲགས་དང་། སྤྱི་བདེ། རིག་གནས་ཡུལ་སྐོར། གྲོང་ཁྱེར་ལྟ་སྐུལ། ཕྱོགས་བསྡུས་ཁྲིམས་འཛིན་སོགས་སྡེ་ཚན་གྱི་ཕྱོགས་བསྡུས་ལྟ་སྐུལ་དོ་དམ་ལམ་སྲོལ་འཐུས་ཚང་དུ་བཏང་ནས་ཁྲོམ་ར་ཚད་ལྡན་བཅོས་སྒྲིག་ལས་དོན་ཕྱོགས་ཡོངས་ནས་གཏིང་ཟབ་སྤེལ་ཏེ་བྱ་ཐབས་ནུས་ལྡན་སྤྱད་དེ་ནང་ཆེན་གྱི་ཡུལ་སྐོར་གཟུགས་བརྙན་སྲུང་སྐྱོང་མཐའ་གཅིག་ཏུ་བྱེད་དགོས། རྒྱ་ཁྱབ་ངང་སྐུལ་སློང་བྱས་ནས་མཉམ་ཤུགས་ཤིག་ཆགས་པ་བྱས་ཏེ་རྒྱ་ཆེའི་མང་ཚོགས་ཚོས“གང་སར་ཡུལ་སྐོར་གྱི་ཁོར་ཡུག་དང་མི་ཚང་མ་ཡུལ་སྐོར་གྱི་གཟུགས་བརྙན་ཡིན་པའི”འདུ་ཤེས་ཟབ་ཏུ་གཏོང་རྒྱུར་ཁྲིད་སྟོན་བྱས་ནས་སྤྱི་ཚོགས་ཡོངས་ཀྱིས་ཡུལ་སྐོར་ལ་སེམས་ཁུར་དང་། ཡུལ་སྐོར་ལ་རྒྱབ་སྐྱོར།ཡུལ་སྐོར་ནང་ལ་ཞུགས་པ་བཅས་ཀྱི་རྣམ་པ་བཟང་པོ་ཞིག་གཏོད་དགོས།ཚོགས་འདུའི་ཐོག་ནང་ཆེན་གྱིས་ཁུལ་དེ་ཡོངས་ཀྱི་རིག་གནས་ཡུལ་སྐོར་ཐོན་ལས་འཕེལ་རྒྱས་ཁྲོད་ཀྱི་ངེས་གནས་སྟངས་འཛིན་ནན་པོ་བྱས་ཏེ“ལས་བྱེད་པས་ལས་ཀ་བྱེད་པ་དང་། བསམ་ཕྱོགས་གསལ་བོར་ཡིན་པ། རང་གཅུན་ནན་པོ་བྱེད་པ”བཅས་ཀྱི་ལས་ཀའི་བླང་བྱ་ལྟར“དམ་པོ་དང་། ཞིབ་ཚགས། ནན་པོ”བཅས་ཀྱི་ལས་ཀའི་རྣམ་པ་རྒྱུན་འཁྱོངས་ཀྱིས་བློ་བརྟན་འགྱུར་མེད་ངང་དམིགས་ཚད་ལས་འགན་ལ་དམིགས་ཏེ་ནུས་ཤུགས་ཡོད་རྒུས་རིག་གནས་ཡུལ་སྐོར་བྱ་གཞག་འཕེལ་རྒྱས་ལ་སྐུལ་འདེད་གཏོང་དགོས་པའི་བླང་བྱ་བཏོན་ཡོད་པ་རེད། རིམ་ཁག་ཆེད་དོན་འཛིན་གྲྭའི་ཙུའུ་ཀྲང་དང་འགན་འཁུར་བའི་ནུས་པ་འདོན་སྤེལ་ཏན་ཏིག་བྱས་ཏེ་གཏན་འཁེལ་བྱས་པའི་དམིགས་ཚད་གཞིར་བཟུང་ནས་ལས་ཀའི་ལྷུ་ཚིགས་སྟངས་འཛིན་ཡག་པོ་བྱེད་པ་དང་ལས་འགན་གྱི་གསལ་ཐོ་དོན་འཁྱོལ་ཡག་པོ་བྱས་ཏེ་རང་འགུལ་ངང་གནད་ལ་འཁེལ་བ་དང་འབྲེལ་གཏུག་ཧུར་ཐག་བྱས་ནས་རིག་གནས་དང་ཡུལ་སྐོར་འཕེལ་རྒྱས་ཀྱི་དམིགས་ཚད་དོན་འཁྱོལ་བྱེད་པའི་མཉམ་ཤུགས་ཆེན་པོ་ཞིག་ཆགས་པ་བྱས་ཏེ་བྱ་ཐབས་ཁག་དོན་འཁྱོལ་བྱ་རྒྱུར་སྐུལ་འདེད་ཧུར་ཐག་གཏོང་དགོས། ལས་དོན་ཁག་ལ་ལྟ་སྐུལ་ཞིབ་བཤེར་དང་དཔྱད་ཞིབ་ཚོད་སྐོར་བྱ་རྒྱུར་ཤུགས་སྣོན་བརྒྱབ་སྟེ་དུས་བཀག་བཞིན་བརྡ་ཁྱབ་གཏོང་བ་དང་།སྔོན་ཐོན་ལ་གཟེངས་བསྟོད་བྱེད་པ། ་་དྲན་སྐུལ་སྐོང་འདྲི་སོགས་ཀྱི་བྱེད་ཐབས་བརྒྱུད་ནས་ལས་དོན་ཁག་གོ་རིམ་ལྡན་པའི་ངང་སྤེལ་བ་དང་ཕན་འབྲས་ཆེ་བའི་སྒོ་ནས་སྐུལ་འདེད་གཏོང་དགོས། དེ་དང་ཆབས་ཅིག་ཏུ་ལྟ་སྐུལ་མཛུབ་ཁྲིད་དང་དཔྱད་ཞིབ་བྱས་འབྲས་དེ་ལོ་འཁོར་གྱི་ལས་རྗེས་གདེང་འཇོག་དང་བྱ་དགའ་ཆད་གཅོད་ལམ་སྲོལ་དང་སྦྲེལ་མཐུད་བྱས་ཏེ་ལས་སྒྲུབ་ལས་གཏོད་ཀྱི་ཧུར་བརྩོན་རང་བཞིན་དང་གསར་གཏོད་ནུས་པ་འཕེལ་བར་བྱ་རྒྱུ་རེད།ཚོགས་འདུའི་ཐོག་ལོ་འཁོར་གྱི་རིག་གནས་ཡུལ་སྐོར་སྤུས་ཚད་མཐོ་པོའི་སྒོ་ནས་འཕེལ་རྒྱས་གཏོང་བའི་གཙོ་གནད་ལས་དོན་གྱི་ལས་འགན་ལ་སྐུལ་འདེད་གཏོང་ཚུལ་བརྡ་ཁྱབ་བཏང་བ་དང་ཆེད་དོན་ཚོགས་ཆུང་ཁག་གིས་ཞིབ་ཕྲའི་ལས་འགན་ལེགས་སྒྲུབ་བྱས་ཚུལ་སྙན་སེང་ཞུས་པ་རེད།རྫོང་ཡོངས་ཀྱི་རྫོང་རིམ་པ་གཞོན་པ་ཡན་གྱི་འགོ་ཁྲིད་དང་། ཞང་དང་གྲོང་རྡལ་ཁག་གི་ཏང་ཨུ་དང་སྲིད་གཞུང་། རྫོང་ཨུད་ཀྱི་པུའུ་ཨུ་ཁག རྫོང་ཐད་གཏོགས་སྡེ་ཚན་ཁག མི་དམངས་ཚོགས་པ་ཁག་གི་འགན་འཁུར་བློ་མཐུན་གཙོ་བོ་བཅས་ཚོགས་འདུར་ཞུགས་ཡོད་པ་རེད།
