خوشنا دۆلەت ياپونىيەدە دۆلىتىمىزنىڭ نامىنى قوللىنىۋالغان بىر ئۆلكە بار، ئۇنداقتا
شەك ـ شۈبھىسىزكى، جۇڭگو دېگەن بۇ ئىككى خەتنىڭ بىز جۇڭگولۇقلارنىڭ قەلبىدىكى سالمىقى ئىنتايىن مۇقەددەس، دەخلى ـ تەرۇز قىلىشقا بولمايدۇ. ئېلىمىزنىڭ قەدىمدىن تارتىپ نەچچە مىڭ يىل مەۋجۇت بولۇپ كەلگەن نامى بولۇش سۈپىتى بىلەن، جۇڭگو دىگەن سۆز ئىككى خەنزۇچە خەتتەك ئاددىي بولۇپلا قالماي، يەنە جۇڭگولۇقلارنىڭ ئولتۇراقلاشقان يېرى ۋە سالاھىيەت تونۇشىغا ۋەكىللىك قىلىدۇ. ئەگەر يات مىللەتلەر تەرىپىدىن خالىغانچە يامان ئاتاققا قالساق، خەلقىمىز ھەرگىز بۇنىڭغا يول قويمايدۇ.
بىراق، يېقىنقى زاماندا ئېلىمىزگە نۇرغۇن جىنايەت ئۆتكۈزگەن ياپونىيەدە جۇڭگو دەپ ئاتىلىدىغان بىر يەر نامى بار،(بۇ يەردە خەنزۇچە خەت تەرجىمىسىدىكى يەر نامى كۆزدە تۇتىلىدۇ) بۇ يەردىكى بانكىنىڭ ئىسمى جۇڭگو بانكىسى، ئېلېكتىر شىركىتىنىڭ ئىسمى جۇڭگو ئېلېكتىر شىركىتى، ھەتتا ھۆكۈمەت تارماقلىرىنىڭ ھەممىسى مۇشۇ نام بىلەن ئاتىلىدۇ. ئاڭلىماققا كىشىنى ھەقىقەتەن قايمۇقتۇرىدىكەن، ھەتتا تۇنجى قېتىم بۇ يەرگە كەلگەن ئېلىمىز ساياھەتچىلىرىمۇ
يەنە خۇرسىنىپ قويىدۇ، ئەجەبا دۆلىتىمىزنىڭ ياپونىيىدىمۇ مۇستەملىكىسى بارمۇ؟
ئۇنداقمۇ ئەمەس، ياپونىيەدىكى بۇ جۇڭگو پۈتۈنلەي جۇڭگو رايونى دەپ ئاتىلىدۇ، ياپونىيە زېمىنىدىكى بىر قەدەر چوڭ مەمۇرىي رايون بولۇپ، دەرىجىسى دۆلىتىمىزدىكى مەلۇم ئۆلىكە تەڭ، يەنى ياپونىيەنىڭ بىر ئۆلىكىسى، توكيونىڭ ئۇقۇمى بىلەن ئوخشاش. ئۇ خونشيو ئارىلىنىڭ غەربىي رايونىغا جايلاشقان بولۇپ، كۆلىمى تەخمىنەن 32 مىڭ كۋادرات كىلومېتىر، تەخمىنەن بەش شاڭخەيچىلىك كېلىدۇ. نوپۇسى تەخمىنەن 7 مىليون 718 مىڭ بولۇپ، جەمىي نياۋجى، داۋگېن، گاڭشەن، خىروشىما ۋە سىمونىسكى دىن ئىبارەت بەش چوڭ ناھىيەگە بۆلۈنىدۇ.
ياپونىيەنىڭ تارىخىي يازما يادىكارلىقى ' ' تەيپىڭ خاتىرىسى' ' دە بايان قىلىنىشىچە، جۇڭگو رايونى دېگەن بۇ ئىسىم ياپونىيەنىڭ جەنۇبىي ۋە شىمالىي سۇلالىلىرى دەۋرىدىلا بار ئىكەن. بىراق ياپونىيە ئەپسانىلىرى ۋە ساماۋى پادىشاھنىڭ تارىخى تەسۋىرلەنگەن قەدىمكى ئىشلار خاتىرىسى ۋە ياپونىيە كىتابلىرى تەزكىرىسى دە بولسا، ئەڭ دەسلەپكى يۈنگو رايونى ۋېييۈئەن جۇڭگو دەپ ئاتالغان، بۇ بەلكىم جۇڭگو رايونىنىڭ نامى بولۇشى مۇمكىن. ئەمما كونكرېت قايسى يىلدىن باشلاپ ئىسىم قويۇلغان، بۇنىڭغا قارىتا توغرا قاراش يوق. يەنە بەزىلەر بۇ ياپونىيەنىڭ ئەينى يىللىرى تاڭ سۇلالىسىگە تەقلىد قىلىش ئۈچۈن ئالاھىدە تەسىس قىلغان يەر نامى ئىكەنلىكىنى ئوتتۇرىغا قويدى. قانداقلا بولمىسۇن ئۇلارنىڭ مەدەنىيەت ۋە سىياسىي تۈزۈمنىمۇ ئېلىمىزنىڭ تاڭ سۇلالىسىنى دوراپ، جۇڭگو رايونى دەپ ئاتىشىمۇ ئەجەبلىنەرلىك ئىش ئەمەس .
لېكىن مەيلى قايسى خىل كېلىپ چىقىش تەلىماتى بولسۇن، ھەممىسى بىر نۇقتىنى ئىسپاتلاپ بېرەلەيدۇ، يەنى ياپونىيە فېئوداللىق دەۋردىلا جۇڭگو رايونىدىن ئىبارەت بۇ جاينى بارلىققا كەلتۈرگەن. ئېلىمىزدە قەدىمكى زاماندا ئۆزىنى جۇڭگو دەپ ئاتايدىغان سۇلالىلەر ئانچە كۆپ ئەمەس ئىدى، ھەممىسى سۇلالىلەر نامى بىلەن ئۆزىگە تەمەننا قوياتتى، مەسىلەن، بۈيۈك تاڭ، بۈيۈك سۇڭ، بۈيۈك مىڭ، بۈيۈك چىڭ دىگەندەك، بۇنىڭ بىلەن ياپونىيە پۇرسەتپەرەسلىك قىلدى ، 1912ـ يىلى شىنخەي ئىنقىلابى غەلىبە قىلىپ، چىڭ سۇلالىسى گۇمران بولۇپ، مىنگو قۇرۇلدى، جۇڭگو دېگەن بۇ قاراش رەسمى تۈردە خەلقئارا سەھنىگە چىقتى. ئەينى ۋاقىتتىكى مىللىي ھۆكۈمەت دىپلوماتىيە جەھەتتىكى ئۇقۇشماسلىقنىڭ ئالدىنى ئېلىش ئۈچۈن، ياپونىيەگە ئالايىتەن ياپونىيەدىكى جۇڭگو رايونىنىڭ ئىسمىنى ئۆزگەرتىش تەكلىپىنى ئوتتۇرىغا قويغان. بىراق، ياپونىيە ھۆكۈمىتى بۇنى قاتتىق رەت قىلدى. قانداقلا بولمىسۇن ئەينى چاغدا مىنگو ھۆكۈمىتى ئەمدىلا قۇرۇلغان بولسىمۇ، دۆلەت يەنىلا زاۋاللىققا يۈزلەنگەنىدى ئۇنىڭ ئۈستىگە ياپونىيە بۇرۇنلا جۇڭگونىڭ چوتىنى سوقۇۋاتقان بولغاچقا، مىنگو ھۆكۈمىتىنىڭ تەكلىپىنى كۆزگە ئىلمايدىغانلىقى تۇرغان گەپ.
ئۇنىڭ ئۈستىگە، ياپونىيە ھۆكۈمىتى يەنە مۇنداق دەپ جار سالدى: ياپونىيەدە بۇنىڭدىن مىڭ يىل ئىلگىرىلا جۇڭگو رايونى بولغان، سىلەرنىڭ جۇڭگو ئىلگىرى ئۆزىنى سۇلالە دەپ ئاتاپ كەلگەن، ھازىرغا كەلگەندە ئاندىن جۇڭگو دەپ ئاتىلىدۇ. بىز بۇ ئاتالغۇنى بالدۇر قويغان، ھەرگىز ئىسمىنى ئۆزگەرتمەيمىز، دىگەن. مىنگو ھۆكۈمىتىمۇ ئامالسىز قېلىپ، بۇنى ياپونىيىە بىلەن تالاش-تارتىش قىلماسلىققا مەجبۇر بولدى. ياپون باسقۇنچىلىرىغا قارشى ئۇرۇش ئاخىرلاشقاندىن كېيىن، يېڭى جۇڭگو قۇرۇلۇپ، جۇڭگوچە ئىسىمنىڭ ئىشلىتىلىش نىسبىتى بارغانسېرى يۇقىرى كۆتۈرۈلدى، ئۇنىڭ ئۈستىگە خەلقارادىكى ئورنىمۇ بارغانسېرى يۇقىرى كۆتۈرۈلدى.
خەلقارادا جۇڭگو تىلغا ئېلىنسىلا، ئاساسەن دۆلىتىمىز كۆزدە تۇتۇلىدۇ، ياپونىيەنىڭ جۇڭگو رايونىنى يەنە ناھايىتى ئاز ساندىكى كىشىلەر بىلىدۇ. ئەكسىچە ياپونىيە ھۆكۈمىتى نۇرغۇن ئىشلاردا يەر ناملىرىنىڭ تەكرارلىنىشى سەۋەبلىك ئاۋارچىلىقلارغا، ئىسمىنى تەشەببۇسكارلىق بىلەن ئۆزگەرتىشكە باشلىغان. بۈگۈنكى كۈندە، ياپونىيەنىڭ جۇڭگو رايونى شەنيىن شەنياڭ رايونى دەپ ئاتىلىدۇ، جۇڭگو دىگەن نام ياپونىيەدە ئەمدى مەۋجۇت ئەمەس. بۇ ئىشتىن شۇنى كۆرۈۋېلىش تەس ئەمەسكى، ئاجىز دۆلەتتە دىپلوماتىيە يوق، دۆلەت قۇدرەت تاپقاندىلا، دىپلوماتىيە جەھەتتە تەشەببۇسكارلىق ھوقۇقىنى ئىگىلىگىلى بولىدۇ. شۇڭا، ۋەتىنىمىزنى تىرىشىپ تېخىمۇ گۈللەنگەن، مەدەنىي، قۇدرەتلىك قىلىپ قۇرۇپ چىقىش جۇڭگولۇقلارنىڭ دۇنيادا ھۆرمەتكە ئېرىشىشىدىكى ئەڭ ياخشى ئۇسۇل.
ئەجىرىمىز ئۈچۈن ئاستىدىكى ئىلاننى بىر قېتىم بىسىپ قويۇڭ! رەھمەت!!!🌹🌹
