جىددىي ئىشلارغا تاقابىل تۇرۇش-باشقۇرۇش مىنىستىرلىقى شەندۇڭ شوۋگۇاڭ شەھىرىدىكى بىر كارخانىدا يۈزبەرگەن زەھەرلىنىش ھادىسىسى نەق مەيدانىغا خىزمەت گۇرۇپپىسى ئەۋەتتى
10-ئاينىڭ 12-كۈنى، 10-ئاينىڭ 12-كۈنى، شەندۇڭ ئۆلكىسى شوۋگۇاڭ شەھىرى ۋېيفاڭ جىنشى بىيو پەن-تېخنىكا چەكلىك شىركىتىدە چەكلىك بوشلۇقتا مەشغۇلات قىلىدىغان خادىملاردا زەھەرلىنىش ۋەقەسى يۈز بېرىپ، يەتتە ئادەمنىڭ ئۆلۈشىنى، تۆت ئادەمنىڭ يارىلىنىشىنى كەلتۈرۈپ چىقاردى.
مۇخبىرنىڭ جىددىي ئىشلارغا تاقابىل تۇرۇش-باشقۇرۇش مىنىستىرلىقىدىن ئىگىلىشىچە، مەلۇماتنى تاپشۇرۇۋالغاندىن كېيىن، جىددىي ئىشلارغا تاقابىل تۇرۇش-باشقۇرۇش مىنىستىرلىقى تېزدىن ئورۇنلاشتۇرۇش قىلىپ ئەھۋال ئىگىلەپ، ھەرقانداق بەدەل تۆلەشتىن باش تارتماي يارىدارلارنى قۇتقۇزۇپ، ئۆلگەن-يارىلانغانلار سانىنى تېزدىن تەكشۈرۈپ تەستىقلاپ، كېيىنكى ئىشلارنى بىر تەرەپ قىلىش خىزمىتىنى ياخشى ئىشلەشنى تەلەپ قىلغان. شەندۇڭ ئۆلكىسىدىن بۇ ھادىسىنىڭ دەرىجىسىنى ئۆستۈرۈپ تەكشۈرۈپ بىر تەرەپ قىلىپ، ھادىسىنىڭ سەۋەبىنى تەلتۆكۈس تەكشۈرۈپ، قانۇن-بەلگىلىمە بويىچە جاۋابكارلىقىنى قاتتىق سۈرۈشتۈرۈش؛ چوڭقۇر قايتا ئويلىنىپ، ساۋاقلارنى يەكۈنلەپ، چەكلىك بوشلۇق بىخەتەرلىك ئىبرەت تەربىيەسى ۋە نازارەت قىلىش-باشقۇرۇش بويىچە قانۇن ئىجرا قىلىش سالمىقىنى زورايتىپ، كەسىپكارلارنىڭ بىخەتەرلىك ئېڭى ۋە جىددىي ئىشلارغا تاقابىل تۇرۇش-باشقۇرۇش ماھارىتىنى كۈچەيتىش كېرەك دەپ تەلەپ قىلغان.
نۆۋەتتە، جىددىي ئىشلارغا تاقابىل تۇرۇش-باشقۇرۇش مىنىستىرلىقى خىزمەت گۇرۇپپىسىنى نەق مەيدانغا بېرىپ بىر تەرەپ قىلىشقا ياردەملىشىشكە ئەۋەتتى.
مەنبە: خەلق تورى
بېكىتكۈچى: مىجىت ئابلا، ئابلىمىت بارى
مۇھەررىر : مەلىكەم مەمەت
