མཛད་སྒོའི་ཐོག་ལྷ་རྩེ་རྫོང་སྒྱུ་རྩལ་ཚོགས་པའི་འཁྲབ་སྟོན་པ་18ཀྱིས་གཟབ་མཆོར་ལེགས་པས་སྤྲས་ནས་ལྷ་རྩེའི་སྟོད་གཞས་ཀྱི་བརྩམས་ཆོས་ལེགས་གྲས་《དཔྱིད་ཀྱི་གར་ཉམས་》ཞེས་པ་འཁྲབ་སྟོན་བྱས་ཤིང་། འགྱུར་ཁུགས་སྙན་པའི་སྒྲ་སྙན་དཀྲོལ་གཏོང་དང་འཁྲུག་ཆ་དོད་པའི་སྟོད་གཞས་གར་འཁྲབ། ཡིད་དབང་འཕྲོག་པའི་བོད་གཞས་དབྱངས་སྒྲ་བཅས་ལ་ས་ཡུལ་དངོས་ཀྱི་དགའ་བསུ་ཆེན་པོ་ཐོབ་ཡོད།
གཟབ་ནན་ལྡན་ལ་ཚན་རིག་དང་མཐུན་པ། བརྒྱུད་རིམ་ཚད་ལྡན་བཅས་ཀྱི་བདེན་དཔང་ར་སྤྲོད་གོ་རིམ་དང་། འཛམ་གླིང་ཟིན་ཐོའི་（WRCA）བདེན་དཔང་དཔོན་གྱིས་ས་གནས་ས་ཐོག་ཏུ་ཞིབ་དཔྱད་གསལ་འབྱེད་བྱས་པ་བརྒྱུད། འཛམ་གླིང་ཟིན་ཐོའི་བདེན་དཔང་དཔོན་གྱིས་ལྷ་རྩེའི་སྟོད་གཞས་ནི་ཀྲུང་གོའི་བོད་རང་སྐྱོང་ལྗོངས་གཞིས་ཀ་རྩེ་གྲོང་ཁྱེར་ལྷ་རྩེ་རྫོང་གི་སྲོལ་རྒྱུན་གྱི་བོད་ཀྱི་སྒྲ་སྙན་འཁྲུག་གཞས་ཡིན་ཞིང་། རྒྱལ་ཁབ་རིམ་པའི་མངོན་མིན་རིག་གནས་ཤུལ་བཞག་གི་ཁོངས་སུ་གཏོགས་པ། དེ་ནི་འགྲོ་མགོན་ཆོས་རྒྱལ་འཕགས་པའི་སྐབས་ནས་དར་ཞིང་ད་བར་ལོ་ངོ་700ལྷག་ཙམ་གྱི་ལོ་རྒྱུས་ལྡན་པའི་ཁྱབ་བསྒྲགས་བྱས་པ་རེད། འཛམ་གླིང་ཟིན་ཐོའི་(WRCA)གཞུང་ཕྱོགས་ཀྱིས་ཞིབ་དཔྱད་བྱས་པ་བརྒྱུད། ལོ་རྒྱུས་ཡུན་རིང་ཤོས་ཀྱི་བོད་ཀྱི་སྒྲ་སྙན་འཁྲུག་གཞས།--གཞིས་ཀ་རྩེ་ལྷ་རྩེའི་སྟོད་གཞས་ཞེས་པར་གཏན་འཁེལ་བྱས་རྗེས། འཛམ་གླིང་ཟིན་ཐོའི་ངོས་འཛིན་དཔོན་གྱིས་ས་གནས་ས་ཐོག་ཏུ་འཛམ་གླིང་ཟིན་ཐོའི་ར་སྤྲོད་དཔང་ཡིག་སྤྲད་པ་རེད།
འཛམ་གླིང་གི་ཟིན་ཐོར་འཁོད་པ་དེ་ལོ་རྒྱུས་ཀྱི་གཟི་བརྗིད་དུ་གྱུར་ནས་ལྷ་རྩེ་རྫོང་གི་བཀྲག་མདངས་ཆེ་ཤོས་ཡིན་པའི་མངོན་མིན་རིག་གནས་ཤུལ་བཞག་སྲུང་སྐྱོང་གི་གྲུབ་འབྲས་ཀྱང་གང་ལེགས་མངོན་པ་གང་ཞིག སྟོད་གཞས་རིག་གནས་རྒྱུན་འཛིན་དང་དར་སྤེལ་གཏོང་བར་དུས་རབས་གསར་འབྱེད་ཀྱི་དོན་སྙིང་ལྡན་པར་བྱས་ཡོད།
བསྐྱར་ཞུས། རྒྱལ་མཚན།
ཞུ་དག ཚེ་རིང་རྒྱ་མཚོ།
རྩོམ་སྒྲིག་པ། བཀྲ་ཤིས་ཚེ་རིང་།
ཡིག་སྒྱུར། བཀྲ་ཤིས་ཚེ་རིང་།
སྒྲ་འཇུག ཚེ་སྒྲོན།
ཡོང་ཁུངས། ལྷ་རྩེའི་དཀར་ཁུང་།
ཡིག་སྒམ་ཨང་གྲངས།
གལ་སྲིད་ཁྱེད་ལ་ཁུངས་བཙན་གྱི་གསར་འགྱུར་རམ་ཆ་འཕྲིན་ཆོབ་ཚ་པོ་དེ་འདྲ་ཡོད་ཚེ་ང་ཚོར་བསྐུར་རོགས་གནང་།
ང་ཚོའི་ཡིག་སྒམ་ནི་1132875981@qq.comཡིན།
རྩོམ་ཡིག་གཞིས་ཀ་རྩེའི་ཚགས་པར་ལས་ཁུངས་ཀྱི་ཡིག་སྒམ་rkzbszw@163.comལ་བསྐུར་རོགས་གནང་།
ང་ཚོའི་བརྙན་ཐུང་རྟགས་ཅན་日喀则广播电视台ཟེར་བར་དོ་ཁུར་གནང་ནས་ངོ་མཚར་ལྟད་མོར་གཟིགས་དང་།
