༼ ཕ་ཡུལ་ཟེར་ན་འདི་རེད། ༽
ཚིག། སྟག་ལྷ་རྒྱལ།
དབྱངས། མགར་རྡོ་རྗེ་གྲགས་པ།
གཞས་མ་ ཀུན་སྐྱིད།
《家园》
作词：达拉加
作曲：嘎多吉扎巴
演唱：根吉
སྟོད་ན་གངས་དང་རྫ་རི།།
སྤང་ན་ཤྭ་རྐྱང་རི་དྭགས།།
མེ་ཏོག་ལུང་བའི་ཕུ་ལ།
རྟ་ནོར་ལུག་གསུམ་འཛོམས་པ།།
ཕ་མ་ཟེར་ན་འདི་རེད།།
ཕ་ཡུལ་ཟེར་ན་འདི་རེད།།
སྨད་ན་གཙང་ཆབ་སྔོན་མོ།།
འགྲམ་ན་རྣང་ཞིང་གྲུ་བཞི།།
མེ་ཏོག་ཆར་བ་བབས་སོང་།།
གྲོ་ནས་སྲམ་གསུམ་འཛོམས་པ།།
ཕ་མ་ཟེར་ན་འདི་རེད།།
ཕ་ཡུལ་ཟེར་ན་འདི་རེད།།
བར་ན་ནགས་ཀློང་ཕྱུག་མོ།།
ནགས་ལ་སིལ་ཏོག་འཁྲུངས་ས།།
ཁུ་བྱུག་གསུང་སྐད་སྙན་སོང་།
ཤིང་སྣ་བརྒྱ་སྟོང་འཛོམས་པ།།
ཕ་མ་ཟེར་ན་འདི་རེད།།
ཕ་ཡུལ་ཟེར་ན་འདི་རེད།།
གཡང་ས་གངས་ལྗོངས་ལུང་པ།།
གཡང་ར་སྒོ་བཞིའི་བརྒྱན་པ།།
སྤང་ལྗོངས་མེ་ཏོག་བཀྲ་སོང་།།
རང་བྱུང་གཏེར་སྣ་འཛོམས་པ།།
ཕ་མ་ཟེར་ན་འདི་རེད།།
ཕ་ཡུལ་ཟེར་ན་འདི་རེད།།
