གནས་ཚང་།
几度夕阳红
གཞས་ཚིག རྡོ་གྲགས།
作词:多智合
གཞས་དབྱངས། བསམ་པའི་དོན་འགྲུབ།
作曲:三佰东主
ལེན་མཁན། ཕུར་བུ་བསམ་གྲུབ།
演唱:普布桑珠
དགུང་ཉི་མ་ནུབ་རིར་ཡུབ་ཐལ།།
རི་ཆེན་པོར་གྲིབ་ཆེན་ཁུགས་ཐལ།།
བྱ་འདབས་ཆགས་ཚང་ལ་བསྙེགས་ཐལ།།
རྟ་ནོར་ལུག་ལྷས་ལ་འཁོར་ཐལ།།
ས་ཐག་རིང་ཡུལ་ལ་བལྟ་དུས།།
ལམ་སྐྱ་མོ་གནམ་གྱི་མཐའ་རེད།།
ས་འདི་ཡི་ས་མིང་མི་ཤེས།།
སྡེ་འདི་ཡི་སྡེ་མིང་མི་ཤེས།།
ངའི་འགྲོ་རོགས་དུང་བྱ་དཀར་མོ།།
ང་འདུག་སའི་གནས་ཚང་གང་ཡིན།།
དགུང་ཉི་མ་ལ་ཁའི་རྩེ་རེད།།
རྟ་ནོར་ལུག་ལྷས་ཀྱི་མཐའ་རེད།།
ལ་མཐོན་པོ་གཤོག་པས་བཅད་རུང་།།
ཐང་ཆེན་པོ་གནམ་གྱི་མཐའ་རེད།།
དགུང་ཕྱི་དྲོའི་ས་རྩ་རུབ་ཐལ།།
ངའི་སེམས་རྩ་རྟ་ཕོའི་བྲེལ་རེད།།
ས་འདི་ཡི་ས་ངོ་ཨི་ཤེས།།
སྡེ་འདི་ཡི་སྡེ་མིང་ཨི་ཤེས།།
ངའི་འགྲོ་རོགས་དུང་བྱ་དཀར་མོ།།
ང་འདུག་སའི་གནས་ཚང་གང་ཡིན།།
